Ñemohenda
111 Versíkulo bíblico Aprendizaje rehegua
Ñe’ẽporã ára ha ára ñamoñe’ẽ ha’e pe tape porãvéva ñanemomandu’a hag̃ua. Tekotevẽ remoĩ peteĩ tiempo de calidad, reikohague mombyry opa mba’e ndepy’apytývagui. Eheka peteĩ tenda Ñandejára Espíritu Santo ndive añónte reiko hag̃ua, upéicha ndaipóri mba’eve nepy’apytýtava.
Upépe reime rire, ejapo ko’ã mba’e: Primero, emoñe’ẽ hatã pe releéva, mokõi térã mbohapy jey voi ikatu. Upéva nepytyvõta nemandu’a porãve hag̃ua. Segundo, eskrivi. Upéva nepytyvõta avei nemandu’a hag̃ua ha reñemoag̃ui porãve pe releévare. Tercero, ejercitá ne akã. Ko’ãva ha’e peteĩ mba’e opavave kristiano tekotevẽ ojapo hekovépe.
Iñimportanteterei reñongatu Ñandejára ñe’ẽ ne korasõme ha reaprende chugui. Oĩta katuete peteĩ versículo, peteĩ capítulo, térã peteĩ libro omomýitava nde rekove. Ha’e sencillo opa mba’e, reipota ramo añete ejapo.
Iñarandúva tohendu ha tombohetave iñarandu, ha upe iñapytu’ũ porãva tohupityve tekombo’e porã,
Opaite mba’e reguerekóva guive eme’ẽ arandu rehehápe, ehupitýke arandu; ha opaite ne mba’erepy eme’ẽ akãguapy rehehápe.
Ñanderuete he’i: Che rohekombo’éta ndéve ha ahechaukáta ndéve pe tape moõrupípa nde reguatava’erã, Che ahechaukáta ndéve che rembipota ha ajesarekóta nderehe.
Ha oime ramo pende apytépe peteĩ iñarandu’ỹva, tojerure Ñanderuetépe, Ha’e katuete ome’ẽta arandu oimeraẽ ojerurévape, ha nombotovemo’ãi.
Ehekombo’e pe iñarandúvape, ha iñaranduvéta; embo’e pe heko potĩvape ha omboheta hetavéta iñarandu.
Opaite umi mba’e yma guive oĩva Ñanderuete kuatiañe’ẽme ojehaiva’ekue ñanembo’e hag̃ua, okakuaa hag̃ua ñane paciéncia ha ñanemokyre’ỹ hag̃ua iñemoangapyhy rupi, aipórõ jajejoko hatãkena pe esperánza rehe.
Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.
Eñeha’ãmba reiko hag̃ua hekópe Ñanderuete renondépe, hembijokuái porãvaicha natekotevẽi reguerotĩ, emyasãi hekópe uvei Ñanderuete ñe’ẽporãite (evangélio).
umi iñarandúva imbegue ombohasa hag̃ua iñarandu; umi ivýrova katu ndojokói ijuru, pya’e ombohasa ivýro reko;
Pema’ẽ porãke, mba’éichapa peikopeína, ani peiko iñarandu’ỹvaicha, iñarandúvaichante uvei peiko.
Peiporu porãke umi oportunidad ko ára kóvape Ñanderuete ome’ẽva peẽme, ko’ã ára ningo ivaieterei.
Pe arandu ñepyrũmby ningo pe jekyhyje Ñanderuetégui; umi ivýrõva katu ndojapói mba’eve ramo pe arandu ha pe tekombo’e.
Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã.
Ejeroviáke nde py’aite guive Ñanderuete rehe, ha ani rejejoko ne arandu rehe.
Nemandu’áke hese opaite nde rape rehe, ha Ha’e omyesakãta ne raperã.
Ñanderuete rembiapo (Hesu Crísto omanova’ekuégui kurusúre) ojogua mba’e výro rei yvyariguakuérape, iñarandueteve katu opaichagua kuimba’e arandúgui; ha Ñanderuete mba’e kangy (Hesu Crísto omano va’ekuégui kurusúre) imbareteve katu opaichagua kuimba’e pu’akágui.
Umía ko’ág̃a oñe’ẽvai cherehe (Isaías rehe) ha he’i hikuái: Mávapepa ohekombo’ese ha mávapepa omombe’use umi mba’e Ñanderuete ohechaukamava’ekue ichupe. Umi opo’oramóva, isy kámagui ojepe’aramóvapepa.
Ha pejapo opaite mba’e che pohekombo’eva’ekue ha pehenduva’ekue chehegui, ha pejapo opaite mba’e pehechava’ekue che ajapova’aína. Ha pe py’aguapy Jára (Hesu Crísto) oĩhína katuete penendive.
Pe py’apy oñemoaranduséva oheka pe arandu, ha umi ivýrova juru katu henyhẽ výro rei ñe’ẽgui.
Peẽ ningo ymáma mbo’eharava’erãmo’ã, ko’ág̃a peñembo’e jevyva’erã uvei umi tekombo’e hasy’ỹvare Ñanderuete ñe’ẽ ñepyrũ reheguáva rehe. Peikotevẽ jevy kamby rehe, tembi’u pohyirãnguéma.
Umi oikóva kamby rehe, ndaikatúi ohechakuaa, ni oñembo’e pe ñe’ẽ heko peguávare.
Umi okakuaáva katu ho’u tembi’u ipohyivéva, ojepokuaámagui ombojuavy hag̃ua mba’eporã mba’evai apytégui.
Che ra’y, ko’ã mba’e rupi che roavisase. Pe kuatiañe’ẽ apo ndaijapýrai; ha upe oestudia hetáva omokane’õ hetépe.
Aníke repiátei che rekombo’égui, aníke umía reheja rei; ejapopa uvei hekoitépe, upévarupi reikovereína.
Ha he’i yvyariguakuérape: Pema’ẽ porãke, upe okyhyjéva Ñanderuetégui iñarandu ha upe oñemomombyrýva mba’evaígui iñakã porã.
Peikuaa porãve pehóvo uvei Ñandejára ha ñande Salvador Hesu Crístope ha pekakuaa pehóvo imborayhúpe. Toñemomba’eguasu ichupe ko’ág̃a ha pe ára atyguasurãme, taupéicha (amen).
Peẽ peiko hag̃ua hekópe ija háicha Hesu Crísto reheguávape, pembovy’a hag̃ua ichupe tapende’a opaite tembiapo porãme ha pekakuaa pehóvo Ñanderuete kuaapy arandúpe.
Iporãve jahupity arandu, óro hepyetégui; ha iporãve jahupity akãporã, óro morotĩgui.
Ndereikuaái ha nerehendúi piko Ñanderuete, yvága atykuéra Jára ningo tapia g̃uarã voi. Ha’e oikohína, Ha’e ojapo ypyva’ekue ko yvy ijapýra paha peve. Ndaipy’akangýi, naikane’õi ha ndaipóri avave ohupitýva ikuaapy arandu.
Ha’e omombarete ikane’õvape ha omokyre’ỹ avei ikangypávape.
Ha oĩ peteĩ oñe’ẽ hatãva desiértope ha he’i peẽme: Pembosako’i peteĩ tape Ñanderuetépe g̃uarã ha pembojojáke pe tape Ñanderuetépe g̃uarã desiértope.
Umi mitã ikane’õ, umi mitãrusu ikangypa ha ho’apávape.
Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.
Upévare upe ohendúva che ñe’ẽ ha ojapóva hekoitépe ambojoja pe kuimba’e iñakãguapy porãva rehe, omopu’ãva hóga itaguasu ári.
Ha oúvo amaguasu, ha pe y osyry hatãvo, ha pe yvytu oipeju hatã vaívo pe óga rehe, mba’evéicharamo ndo’ái, oñemopu’ãgui itaguasu ári.
Upéi ha’éma che py’apýpe: Péva ojehu Ñanderuete oipotágui ha yvyariguakuéra oikuaa hag̃ua ojoguaha mymbakuérape.
Upe ojehúva kuimba’e ha kuñakuérape ojehu avei mymbakuérape, peteĩ mba’énte ojehuhína mokõivévape g̃uarã; peteĩchaiténte omano mokõivéva, ha mokõivéva ipytuhẽ pe yvytu; pe kuimba’e ha pe kuña ojogua mymbakuérape, kuimba’e térã kuña haguére, naiporãvéi mymbakuéragui; opaite mba’e ningo opa rei.
Ñanderuete rembiapoukapykuérape ndaipóri jejavy, omoangapyhy katu yvyariguakuérape, opaite mba’e Ñanderuete he’íva guive katuete ojehu avei, Ha’e omoaranduhína umi oikuaa’ỹvape.
Ñanderuete rembiapoukapy iporã ha ombohory yvyarigua py’apy, Ñanderuete rembiapoukapy hesakã ha ohesape porã yvyarigua resakuéra.
Pe iñarandúva ipu’aka pe imbaretéva rehe, ha pe iñakãguapy porãva ombopoguy pe ipu’akávape.
Upe oikóva iñarandúva ndive iñaranduva’erã; ha upe oikóva ivýrova ndive oñemboheko vaive ohóvo.
Ñanderuete ipy’aporãgui penerenoiva’ekue Hesu Crísto rupi heko jajaipa tapia g̃uarãvape. Pehasa asy rire sapy’ami, Ha’e voi penemboheko porãta, penemombaretéta, penemohatãta ha penemohenda porãta.
Che Ruete, ehechaukamína chéve nde rapekuéra, chembo’emína nde rapekuéra rehe aikuaa porãve hag̃ua.
Chemboguatamína nde justícia rupive, ha chembo’emína, Nde ha’égui ore Ruete, che salvador, nderehe che ajerovia opaite árape.
Aníke peñembotavy pendejupe. Avave ndaikatúi oñembohory rei Ñanderuete rehe. Opaite umi mba’e ñande ñañotỹva, katuete ñamono’õ jevyva’erã avei.
Upévarehe che hermanokuéra ahayhuetéva, peẽ peneñe’ẽrenduva’erã aimerõguáicha pende apytépe, ko’ág̃a che aĩ ramojepe mombyry pende rekohágui peneñe’ẽrendúke avei, ha peñeha’ãmba pehupity ryrýi ha kyhyjepópe pene salvacion.
Ñanderuete voi ningo omoheñoihína pendepype hembipota porã ha Ha’e omongakuaa hembipota pende rekovépe pejapopa peve Ha’e oipotáva guive.
Peñeha’ã uvei pejapo hag̃ua mba’eporã, pembojovake porã, pemopu’ã umi ojejopývape, peipytyvõ ityre’ỹvape, peñangareko imenave’ỹva rehe.
Heko potĩva juru oñe’ẽ arandu reheve, ha ikũ oñe’ẽ heko peguáva.
Ñanderuete ñe’ẽ oĩ ipy’apýpe, upévare ndaipysyrymo’ãi araka’eve.
Pekaru ramo térã pey’u ramo, térã pejapo ramo ambue mba’e, pejapopa pemomba’eguasu hag̃ua Ñanderuetépe.
Upévare tapeho ha peñemohemimbo’e opaite tetãnguérape, ha pebautiza ichupekuéra Túva, Ta’ýra ha Pytu Porãmbáva rérape.
Ha oiko peteĩ yvy ryryiguasu, ha peteĩ Ñanderuete yvága rembiguái oguejy yvágagui ha oipe’a pe ita, ha oguapy hi’ári.
Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).
Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.
Ha Ñanderuete, pe teko jajaipa Jára ha Ñandejára Hesu Crísto Ru tome’ẽ peẽme pe Pytu Porãmbáva rehegua arandu ha tojehechauka peẽme peikuaa porãve hag̃ua pehóvo ichupe,
Pe arandu oúva Ñanderuetégui katu omboheko potĩ ha upéi ome’ẽ py’aguapy ha py’aporã, iñe’ẽrendu, oporoporiahuverekokuaa, hi’a yva Pytu Porãmba reheguáva (Galaciayguakuérape 5,22), avavépe nombojuavýi, ndahova mokõiri.
Eiporu katu ko nde Pytu Porãmbáva me’ẽmby, opavave ohechakuaa hag̃ua nde jerovia okakuaaveha ohóvo nde rekovépe.
Eme’ẽmína chéve akã porã ha eñangarekomína cherehe ajapo hag̃ua che py’aite guive ne rembiapoukapy.
Upe oiporu porãva iñarandu, oje’e ha’e iñaranduha, ha iñe’ẽ he’ẽ asy oporomoaranduve.
Anítei peñemoate’ỹ, peñeha’ãmba uvei pehupity peve jerovia ha paciéncia rupi Ñanderuete me’ẽmby, Ha’e he’imava’ekue ome’ẽtaha.
Oĩ heta óro ha ita vera hepýva, pe jeguaka hepyetéva katu pe ñe’ẽ omopu’ãva hapicha ñe’ã, pe omokyre’ỹva ichupe.
Che hermanokuéra, che añetehápe aguerovia ama’ẽvo penderehe, peẽ penerenyhẽ py’aporãgui ha arandúgui, peẽ voi pejohekombo’e hag̃ua.
Ñane rembiaporã osẽ vai ndaipóri ramo tekombo’e porã, ha hetahápe oporohekombo’éva osẽ porã.
Noñeme’ẽiva’ekue ñandéve ko yvy arigua pytu, oñeme’ẽ uvei ñandéve pe Pytu Porãmbáva oúva Ñanderuetégui, jaikuaa hag̃ua pe jopói (regálo) Ha’e ome’ẽmava ñandéve.
Ne rembiapoukapykuéra ningo añetegua memete, reiete oñemoĩ cherehe hikuái, chepytyvõmína.
Ñanderuete ñanemoingove ramo Pytu Porãmbáva rupi, ñande jahejava’erã avei pe Pytu Porãmbáva tañanesãmbyhy.
upéicha ore roity yvýre ijyvy arigua arandu ha ipensamiénto vai oñemoĩva Ñanderuete arandu ha iñe’ẽ rehe ha rojapyhy ichupekuéra oñemomirĩ hag̃ua avei Hesu Crísto renondépe ha iñe’ẽrendu hag̃ua Ñanderuetépe.
pejejapyhy che rekombo’e rehe ha ani pirapire rehe; pejejapyhy arandu rehe óro potĩ rãngue rehe,
pe arandu ningo iporãve ita vera hepyvévagui; ha mba’eve ndaikatúi oñembojoja hese.
Ha pehupity haguéicha pe Pytu Porãmbáva ñemona Ñanderuetégui pepyta hatãkena ipype, ha napeikotevẽvéima avave penembo’e. Pe Pytu Porãmbáva voi ningo penembo’e opaite mba’e rehe ha hendive oĩ pe añetegua, ha Ha’e ndaijapúi; Ha’e penembo’e haguéicha pévape pepyta, peñemopeteĩvo Hesu Crísto ndive.
Umi tesa ohecháva naiñypytũmo’ãi, ha umi ojapysakáva ohendu porãta.
Umi itavýva py’a iñarandúta ha umi juru oñe’ẽ pa’ã pa’ãva, oñe’ẽ syryry porãta.
Ipy’a rory umi iñembyahýiva ha ijy’uhéiva ñembojovake heko pegua rehe, oñemohyg̃uatãva’erã ichupekuéra.
Peteĩ heko potĩva chehavira ramo, cherayhúgui, ha cheavisa ramo péva ningo mba’e ryakuã porãva che akãme g̃uarã, tamokõ porã che umi mba’e ha tañembo’e ani hag̃ua che amyengovia mba’evai rehe.
Upévare che hermanokuéra, che ajerure asy peẽme, Ñanderuete poriahuvereko rehe, peme’ẽmba pende rekove Ñanderuetépe g̃uarã peteĩ kuave’ẽmby oikovévaicha, ipotĩva ha ombohorýva ichupe, kóva ningo pe cúlto añeteguáva ñame’ẽkuaáva Ñanderuetépe.
Pe arandu omombareteve pe iñarandúvape, 10 mburuvicha oñembyatývagui peteĩ tavapýpe (isoldádo atykuéra reheve).
ha rejerure asy ramo akãporã ha akãguapy rehe,
ha reheka ramo ku óro morotĩcha, ha rejepovyvývo ha reheka ramo ku mba’erepyeta oñeñomiva’ekuéicha (pláta yvyguýrõ guáicha):
Péicha ramo reikuaáta mba’épa he’ise pe kyhyje Ñanderuetégui ha reikuaáta ichupete voi.
Ovy’aite upe oguerekóva Jacóbo Jára ipytyvõhára ramo, ha upe ojeroviáva Ñanderuete rehe Ijaratee ramo.
Nde, Timotéo, ejapóke che ha’éva guive ndéve, ejei umi ñemongeta vai reívagui ha pe kuaapy arandu gua’u reígui.
Oime ningo umi ojapyhýva kuaapy arandu gua’u rei ha upévare opia Hesu Crístogui ha pe tekovete rapégui. Ñanderuete poriahuvereko katu toĩ nendive.
Che hermanokuéra pepensa avei opaite añetegua rehe, opaite mba’e oñemomba’eguasukuaáva rehe, opaite heko peguáva rehe, opaite justícia rehe, opaite ipotĩva rehe, opaite ipy’a porãva rehe, opaite ñe’ẽ ñemyasãi porã rehe, opaite heko porãva rehe, opaite ñemboete rehe.
Pe ta’ýra iñarandúva oñemomba’e itúva rekombo’e rehe; ha pe heko ñembohorýva nohendúi hekombo’e.
Ñanderuete reko ha ipu’aka ojehecha’ỹva ojekuaa katu hembiapokue porã rupi voi, Ha’e ojapo guive ko yvy ha opaite mba’e oĩva guive ipype, upévare umi iñañáva ha omboykéva Ñanderuetépe ipy’apýgui ndojohumo’ãi peteĩ discúlpa (pe ñembojovake árape).
Ñanderuete omombe’u Moiséspe hapekuéra ha Israel ra’ykuérape ohechauka hembiapo techapyrãva (milágro).
Pe jehavira ha tekombo’e ome’ẽ arandu, ha oñeme’ẽrõ peteĩ mitãrusúpe ha’e oipotáva guive ha’e omotĩva’erã katuete isýpe.
Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.
Añetehápe aranduguasu ogueru heta angekõi, ha upe ombojo’avéva arandu ombojo’ave avei ijepy’apyrã.
Pe ojeheko mba’e pora’ỹva’ekue oguerovia opaite mba’erei; ha pe ojehekombo’eva’ekue hekoitépe katu oma’ẽ porã hapekuéra rehe.
Umi ñe’ẽ he’íva guive che juru ha heñóiva che py’apýpe tahorýkena ne renondépe, che Ruete, Nde voi chemo’ã ha chesalváva.
Che Ruete, Nde katu reĩ ag̃uiete chehegui, ha opaite ne rembiapoukapy omombe’u pe añetegua.
Pe jerovia onace pe evangéliogui, ha pe evangélio ou Hesu Crísto ñe’ẽgui, (Isaías 53).
Pyharekue chemandu’a che puraheikue rehe, che py’apýpe ajepy’amongeta’aína ha che pytu oñeporandu, he’ívo:
Ani avave oñembotavy ojupe; upe oimo’ãva ha’e iñaranduha ko yvy ape ári, toiko itavýva ramoguáicha oñemoarandu hag̃ua.
Yvyariguakuéra arandu výro rei Ñanderuetépe g̃uarã. Ikuatiañe’ẽme he’i voi Ñanderuete oity iñarandúvape, iñarandúpe voi (Job 5,13).
Ehayhu Jahve, nde Jaraitépe, nde py’aite ha ne angaite guive ha opaite nde pu’aka reheve.
David opurahéi Ñanderuetépe oguenohẽ rõguare ichupe hese ija’e’ỹva, Saul pógui, he’ívo: Che rohayhu, Nde, che Ruete, chemombarete haguére.
Ha ha’e ombohovái Hesúpe he’ívo: Rehayhuva’erã Ñanderuetépe nde py’aite guive, ha opaite ne ánga ha nde pu’aka reheve, ha opaite ne pensamiénto reheve ha ehayhu nde rapichápe nde voi rejehayhu haichaite.
Avave noñemoĩmo’ãi nderehe reikove aja pukukue; aime haguéicha Moises ndive, peichaite aiméta avei nendive, ndorohejamo’ãi ha noromotyre’ỹmo’ãi.
ha che retã oñemomirĩ jevy ramo, oñehenói voi che réra rupi, ha oñembo’e ramo hikuái ohekávo che rova, ha opoi ramo hape vaígui; upéicharamo Che ahendúta ichupekuéra yvága guive ha aperdonáta hi’angaipakuéra ha amongueráta avei ijyvy iplagakuéragui.
Ñanderuete kuatiañe’ẽ he’i voi: Abraham ojerovia haguére Ñanderuete rehe, Ha’e ohechakuaa ichupe heko porãva ramo, ha oñembohéra ichupe Ñanderuete rayhupára (amígo) (Génesis 15,6).
Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.
Nde, che Ruete, che py’aite guive romomba’eguasu ha amombe’úta opaite ne milagrokuéra.
Hesu katu ombohovái ichupe: Ñanderuete kuatiañe’ẽme katu ojehai voi napan rehe añói oikovehína yvyariguakuéra, opaite ñe’ẽ osẽvare Ñanderuete jurúgui uvei, (Deuteronómio 8,3).
Mayma oikovéva guive tomomba’eguasu Ñanderuetépe. Alelúia, pemomba’eguasu Ñanderuetépe.
Peteĩ tembiapoukapy pyahu ame’ẽ peẽme: Pejohayhúke Che pohayhu háicha, péicha pejohayhu avei peẽ.
Ha anítei pende reko ojogua kuimba’e térã kuña ko’ag̃agua rekópe, upéva rãngue peheja pende reko oñemoambue hag̃ua ohóvo (Pytu Porãmbáva rupi) pende py’apy rembipotapype, peikuaa hag̃ua Ñanderuete rembipota iporãha, hekópe ha oporombohorýva.