Ñemohenda
AGUYJE VERSIÓN
Ñandejára ningo hetaiterei mbaʼe porã omeʼẽ ñandéve, ára ha ára jareko heta mbaʼe jaagradese vaʼerã. Haʼe ningo iporãiterei ha ára ha ára ñanemyanyhẽ imbaʼeporãnguérare. Haʼe rupive jahecha ha jaikuaa umi mbaʼe porãite, tahaʼe ñande róga, ñande tesãi, ñande rogaygua, ñande rembiapo… Hetaiterei mbaʼe porã jahupytýva haʼe rupi, upévare akóinte jareko vaʼerã mbaʼe jaagradese vaʼerã chupe. Sapyʼánte ñapensave ñane provlémare térã umi mbaʼe ñanemfaltávarente, ha ndajahechakuaái umi mbaʼe porã jahupytýva ha jaikuaa vaʼerã jaagradese Ñandejárape opa mbaʼe porã jahupytývare ñande rekovépe. ¡Ñandejára ningo omeʼẽ ñandéve opa mbaʼe porã!
Emoñepyrũ emohenda eagradese meme chupe ára ha ára opa mbaʼe porã haʼe ojapóvare ñanderehehápe. Jaikuaágui jahupytýtaha peteĩ rréino ndopytaʼymoʼãiva, jaagradese vaʼerã chupe. Péicha jaagradesévo chupe, jaadora vaʼerã chupe haʼe oipotaháicha, pyʼaporãme ha ñemombaʼeguasúpe (Hebreos 12:28). Koʼápe rehecháta hetave versíkulo ikatúva nepytyvõ reagradese haĝua Ñandejárape.
Aiko guive ko yvy apére aikotevẽ nderehe, che sy rye guive Nde voi ningo che Jarateetéva.
Hesu katu he’i: Peheja mitãkuérape tou che rendápe, ha ani pejokótei ichupekuéra, umi upéicha oikóvape oñeme’ẽ Ñanderuete retãguasu (réino).
Umi mitãmimi ha umi okambúva jurúgui remopu’ã nde róga yvate oñemombaretéva umi nderehe ija’e’ỹva rehehápe, remokirirĩ hag̃ua upe oporohayhu’ỹvape ha oñemoĩvape nderehe.
Péicha he’i Ñanderuete, ndesalvátava, nde’apova’ekue nde sy ryépe: Che, pende Ruete, opaite mba’e apohare, Chénte amyasãi yvagakuéra, ha amohenda porã ko yvy.
Ndehegui che reko noñemíri, Nde rejapo jave ñemiháme che rekove pe yvy ruguaitépe (nde tallérpe).
Nde resakuéra ohecháma che rekove oñepyrũ porã mboyve, ha ne kuatiañe’ẽme ojehaipáma opaite che rekove ararã oñepyrũ mboyve che ára peteĩha.
Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.
Temimenonguéra (inietokuéra) ningo taitaguasu rerakuã porã, ku akã jeguaka porãváicha, ha ta’yrakuéra rerakuã porã ningo ituvakuéra.
Hesu katu ohenói ichupekuéra ha he’i: Peheja mitãkuéra tou che rendápe ha ani pejoko ichupekuéra, Ñanderuete retãguasúpe ningo oike ha’ekueraichagua voínte.
Ha pe mitã Hesu okakuaa, imbareteve ha henyhẽve ohóvo arandúgui ha Ñanderuete pu’aka ha mborayhu omoirũ ichupe.
Ha pe mitãrusu Samuel okakuaave ohóvo, oiko porã katu Ñanderuetépe ha hetãyguakuéra renondépe.
Nde voi che rekove apohare, Nde cheapova’ekue che sy ryépe.
Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Ndehegui che reko noñemíri, Nde rejapo jave ñemiháme che rekove pe yvy ruguaitépe (nde tallérpe).
Nde resakuéra ohecháma che rekove oñepyrũ porã mboyve, ha ne kuatiañe’ẽme ojehaipáma opaite che rekove ararã oñepyrũ mboyve che ára peteĩha.
Nde voi che rekove apohare, Nde cheapova’ekue che sy ryépe.
Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Upejave Hesu remimbo’ekuéra og̃uahẽ hendápe ha oporandu ichupe: Máva piko pe ituichavéva Ñanderuete retãguasúpe.
Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.
Yvyarigua Ra’y ningo ou osalva hag̃ua umi oñehundívape.
Mba’épa hi’ã peẽme, peteĩ kuimba’e oguereko ramo 100 ovecha, ha peteĩ okañy ramo ichugui, ndohejaichénepa cérrope umi 99 oho hag̃ua pe okañyva’ekue rekávo,
ojohu peve ichupe, añetehápe Che ha’e peẽme, ovy’aveva’erãha pévarehe umi 99 nokañyiva’ekuégui.
Upéicha pende Ruete yvága pegua ndoipotái oñehundi peteĩnte jepe ko’ã ojeroviaramóva apytégui.
Ne hermáno ojapo vai ramo nderehe, tereho ha eñe’ẽ hendive, nde ha ha’e, pene añoháme; ha ha’e nerendu ramo nde reganáma ne hermánope Ñanderuetépe g̃uarã.
Ha nanerendúi ramo katu, egueraha nendive peteĩ térã mokõi hermánope, ikatu hag̃uáicha mokõi térã mbohapy techahare rupive ojekuaa opaite mba’e oje’eva’ekue guive.
Ha nohendúi ramo avei ichupekuéra, emombe’u iglesiayguakuéra apytépe; ha nohendúi ramo iglesiaygua atýpe avei, eguereko ichupe peteĩ pene hermano’ỹva ramo guáicha.
Añetehápe Che ha’e peẽme, oimeraẽva peẽ peñapytĩva guive ko yvy ári, oñeñapytĩva’erã avei yvágape, ha oimeraẽvape peẽ pejoráva guive ko yvy ári, ojejorava’erã avei yvágape.
Añetehápe Che ha’e peẽme, mokõi pende apytépe oñemoĩ ramo oñoñe’ẽme ko yvy ári ojerurévo Ñanderuetépe oimeraẽ mba’e rehe, katuete Ha’e ohenduva’erã.
Ha Hesu ohenói peteĩ mitãme ha omoĩ ijapytepekuéra,
Oñembyatyhápe mokõi térã mbohapy che rérape, ijapytepekuéra aĩta Che avei.
Ha upérõ Pédro oñemboja ijypýpe ha oporandu: Che Jára, mboy jevy pevépa aperdonava’erã che hermáno oñemoangaipávape chendive. Ovaléma piko 7 jevy.
Ha Hesu he’i ichupe: Nda’éi ndéve 7 jevy peve, 70 jevy 7 jevy peve uvei (he’ise 490 veces térã opaite ára peve).
Upévare ningo Ñanderuete retãguasu ojoguaite peteĩ tetã ruvichaguasúpe oikuaa porãséva hembiguaikuéra cuénta,
ha ohenóivo opaite hembiguaikuérape, ojegueru ichupe peteĩ odevéva tetã ruvichápe 300.000 vaka repy.
Ha pe tembiguái péva ndoguerekóigui ome’ẽ jevy hag̃ua ichupe, pe tetã ruvicha he’i oñeñemu hag̃ua hese, hembireko ha ita’yrakuéra rehe, ha opaite mba’erepy oguerekóva guive rehe, ohupity peve pe pirapire (pláta) pe tembiguái odevéva ichupe.
Upémaramo pe tembiguái oñesũ ha tĩndyhápe ojerure asy ichupe, he’ívo: Chera’ãrõvéna michĩmi ha che ame’ẽmbáta ndéve pe adevéva guive.
Ha pe tembiguái jára oiporiahuvereko ichupe, opoi ichugui ha oheja rei opaite pirapire odevéva guive ichupe.
Ha pe tembiguái osẽvo pe tetã ruvicha guasu rendágui ojohu peteĩ hapicha odevéva ichupe peteĩ vaka repýnte ha ha’e opo ijajúra rehe ojuvy hag̃uáicha ha he’i ichupe: Reme’ẽtapa ko’ag̃aite chéve pe pirapire redevéva.
Upévo hapicha ojeity ipy renondépe, ha ojerure asy ichupe, he’ívo: Chera’ãrõ mivéna michĩmi ha che ame’ẽmbáta ndéve adevéva guive.
ha he’i: Añetehápe Che ha’e peẽme, napeñemomitãi jevy ramo, mba’evéicharamo ndapeikemo’ãi Ñanderuete retãguasúpe.
Ha’e katu ndoikuaaséi mba’eve, ogueraha uvei ichupe omoingeuka hag̃ua cárcelpe, ome’ẽmba peve ichupe pe odevéva.
Ha ambue hapichakuéra ohechávo pe ojehúva, ombyasyeterei hikuái ha oho omombe’u ijárape opaite mba’e ojehuva’ekue guive.
Upémaramo ijára ohenoiuka jevy ichupe ha he’i: Nde, tembiguái ñaña, remba’ejerure asýgui chéve che aheja rei ndéve pe pirapire redeveva’ekue chéve.
Ha nde reiporiahuverekova’erãmo’ã avei nde rapicha tembiguáipe, che roiporiahuvereko haguéicha ndéve.
Ha ipochyeterei ijára, ha omoĩ umi oporonupãva pópe ome’ẽmba peve odevéva ichupe.
Peichaite avei che Ruete yvága pegua ojapóta penderehe, peteĩteĩva napeperdonái ramo pende rapichápe pende py’aite guive.
Upe oñembohekomirĩva ku mitãicha, upéva ningo mba’eguasuvéva Ñanderuete retãguasúpe.
Ha Che nañemoambuemo’ãi, pende tuja peve ha pene akã imorotĩmba peve añangarekóta penderehe; Che pogueraha haguéicha, poguerahavéta ha añangarekovéta penderehe.
Ñanderuete tanderovasa Sion guive ha tohechauka ndéve umi mba’eporãva Ha’e ome’ẽva Jerusalénpe nde reikove aja.
Ha terehecha jevy nde ra’ykuéra ra’yrãme. Tandepy’aguapy Israel retã.
ha he’i ichupekuéra: Oimeraẽva omog̃uahẽva ko mitã kóvape che rérape, chéve chemog̃uahẽ. Ha upe chemog̃uahẽva hekovépe, omog̃uahẽ pe chembouva’ekuépe. Upe michĩvéva pende apytépe, upéva ningo pe tuichavéva.
ha he’i: Añetehápe Che ha’e peẽme, napeñemomitãi jevy ramo, mba’evéicharamo ndapeikemo’ãi Ñanderuete retãguasúpe.
Reime mboyve nde sy ryépe roikuaamava’ekue, che roiporavóma ha romboykemava’ekue che proféta ramo tetãnguérape g̃uarã.
Kuñataĩ oñe’ẽ: Erahána che ra’ãnga nde py’apýpe ha emoĩmína pe pyapykua (brazalete) nde jyva rehe; pe mborayhu imbarete ñemanóicha; ha pe ohayhúva hakate’ỹ imborayhu rehe, ku omanova’ekue retã hakate’ỹ háicha hi’angakuéra rehe. Pe mborayhu hendýma ñepyrũme tatapỹicha ha upéi okakuaa tata tuicháicha.
Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.
Ñanderuete ojapóta pe kuña ikatu’ỹva imemby, imemby heta hag̃ua ha ovy’a hag̃ua imembyeta apytépe, alelúia (pemomba’eguasu Ñanderuetépe).
Ojesaupi jevy rire ohecha umi kuña ha umi mitãme, ha he’i: Máva piko ko’ãva. Ha Jacóbo he’i ichupe: Ko’ã mitã Ñanderuete ome’ẽma ne rembiguáipe.
Mba’éichapa peteĩ karia’y oiko porãta (nde resa renondépe); oñeha’ãmba ramo ojapopa hag̃ua ne ñe’ẽ he’i háicha.
Ne rembireko ha’ete ku parral mátaicha nde róga yképe hi’a porãva, ha imembyeta oguapy ne mesa jerekuévo ku olivo’áicha hakãre.
Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.
Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.
Añetehápe tuichaite mba’e Ñanderuete ojapo ñanderehe, upévare ñande javy’aiteva’ekue.
Mayma oikovéva guive tomomba’eguasu Ñanderuetépe. Alelúia, pemomba’eguasu Ñanderuetépe.
Jahve, pende Ruetépe katu pemomba’eguasu, Ha’e ohovasa hag̃ua ne pan ha nde ykuéra; ha oipe’apa hag̃ua opaichagua mba’asy pende apytégui.
Ku hu’ýicha soldádo pópe, upéicha umi ta’ýra oúva peteĩ kuimba’e rekovépe ha’e ipyahu ha imbarete aja.
Ovy’aite pe kuimba’e omyenyhẽva ihu’y ryru, notĩmo’ãi ha’e, oñembyaty ramojepe hese ija’e’ỹva itáva rokẽme oñorãirõ hag̃ua.
Ejeroviáke nde py’aite guive Ñanderuete rehe, ha ani rejejoko ne arandu rehe.
Nemandu’áke hese opaite nde rape rehe, ha Ha’e omyesakãta ne raperã.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Upévare ñamomba’eguasu Ñanderuetépe, Ha’e voi ñanemombareteiteve hag̃ua, ñande jajeruréva térã ñapensakuaávagui, ipu’aka rupi, ha omba’apóva ñandepype.
Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,
Hesu Crísto tapenembokatupyry opaite tembiapo porãme, pejapóvo hembipota, ha Ha’e toiporu ore rekove Ha’e oipota háicha. Toñemomba’eguasu Ñanderuetépe ára atyguasukuéra guive ára atyguasukuerarã meve, amen.
Peñeha’ã ha pehecháta Ñanderuete ipy’a porãha, ovy’aite upe kuimba’e ojeroviáva hese.
Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,
ñemomirĩ, jejokokuaa. Moises rembiapoukapykuéra katu noñemoĩri ko’ã Pytu Porãmbáva’a rehe.
Ani reñemboyke pe poriahuverekógui ni pe añeteguágui; eñapytĩke umía nde ajúra rehe ha ehaíke nde py’apýpe avei,
Ani reiko vai avave ndive, ndojapói guive nderehe mba’e ivaietéva.
Ani reikótei umi imbaretéva oiko háicha, ha ani reiporavótei hapekuéra.
Ñanderuete ndohayhúi iñañávape, Ha’e katu oĩ umi heko potĩva ndive.
Ñanderuete maldicion ningo oĩ pe tekove ñañáva ndive, Ha’e katu ohovasava’erã umi heko potĩvape.
Añetehápe Ha’e oñembohoryva’erã umi toryja apoha rehe, umi heko ñemomirĩvape katu ome’ẽva’erã mba’eporã.
Umi iñarandúva ohupityva’erã terakuã porã, umi ivýrova katu oñemotĩva’erã katuete.
péicharõ rejohúta py’aporã ha rembovy’áta Ñanderuetépe ha nde rapichakuérape avei.
Horyete mayma okyhyjéva Ñanderuetégui, ha oguatáva hape rehe.
Re’u jave nde po rembiapokue revy’aite ha oho porãmbáta ndéve.