Ñemohenda
53 Umi versíkulo bíblico ñameʼẽ hag̃ua aguyje peteĩ Ára Pyahu rehe
Jaha ñandepy’aguasu meme jajapo jave peteĩ mba’e iporãvéva jahupyty haĝua. Ijetu’úramo jepe, ñanemandu’ákena ñande jerovia peteĩ árape iporãvétava rehe, upéva ñanemokyre’ỹ jajapo meme haĝua. Jaguereko meme aguyje umi mba’e porã jaguerekóvare ko’áĝa, ha jajerovia meme peteĩ árape iporãvétava rehe.
Tape ijetu’úramo jepe, ñanemandu’ákena umi mba’e ñambohováiva ñanemombareteveha jajapo haĝua peteĩ mba’e guasu. Ñandejára Ñe’ẽme he’i ñandéve (Santiago 1:2-4) umi mba’e ijetu’úva ñanembokatupyryvétaha. Jajeroviákena upévare.
Pyharevekuépe oremohyg̃uatã nde jeporiahuverekógui, upévare ropurahéi rovy’a hag̃ua roikove aja pukukue.
Che katu avy’a ahecha guive nde rova, ha apáy vove ama’ẽ nde reko heko pegua rehe, chemohyg̃uatãva ha chembopy’aguapýva.
Che katu agueropurahéita nde pu’aka, ha pyharevépe amomba’eguasúta nde poriahuvereko, Nde reikógui chéve g̃uarã che pytyvõhára ramo ha che mo’ãhára ramo ajepy’apy vaiha árape.
Pyharevépe tañandu ne mborayhu, nderehe ajeroviágui, ehechaukamína chéve che raperã aguata porã hag̃ua, che ánga nderehénte ojerovia.
Nde, che Ruete, pyharevete ramo ehendumi che ñe’ẽ, pyharevete añemoĩ ne renondépe, ndehegui aha’ãrõ ñepytyvõrã.
Pyhareveitépe eñotỹ ne mba’e ra’ỹingue, ha ka’aru ani remombytu’u nde po; ndereikuaáigui mba’épa rehupitýta ko’ã mokõi mba’e apytégui, kóa térã amóa.
Ore Ruete, oreporiahuvereko, nderehe rojerovia; Nde voi ningo ore jyva mbarete meme pyhareve, upévare oreguenohẽ ore jepy’apy vaígui og̃uahẽ vove.
Mba’eporãite ningo romomba’eguasu ramo ndéve, ore Ruete, ha rogueropurahéi nde réra, Nde, ningo pe Jára Ijyvatetéva. Nde katu chemombarete mbaretevéta ku tóro hesaitévaicha, ha acéite ryakuã porãme añemona aikóvo. Ha che resakuéra oma’ẽta umi cherayhu’ỹva rehe (mba’éichapa oñehundi); ha che apysakuéra ohendúta umi cherehe opu’ãva’ekue (mba’éichapa omano). Pe heko potĩva katu ipotýta mbokajáicha ha okakuaáta ku cédro Líbano peguáicha. Umía oñeñotỹ Ñanderuete rogaguasúpe ha ikorapýpe ipoty joa hag̃ua. Ituja rire jepe hi’a porã, imbarete ha hovyũ asy, omombe’u hag̃ua Ñanderuete hekojojaha, ha ipype ndaiporiha hekopeguaỹva. Pyharevekuépe omombe’u nde poriahuvereko, ha pyharekuépe nde reko añeteguáva.
Nde, che Ruete, che py’aite guive romomba’eguasu ha amombe’úta opaite ne milagrokuéra.
Che katu amba’ejerure asy’aína ndéve, che Ruete, ha che ñembo’e og̃uahẽ (meme) pyharevekuépe ne renondépe.
Sapy’aitemínte hi’are ipochy, ijeporiahuvereko katu oiko kuimba’e ha kuñakuéra rekove pukukue. Ka’aru pytũme og̃uahẽ jahe’o, iko’ẽvo katu opa, ha hendaguépe og̃uahẽma vy’a tuicháva.
Ñanderuete poriahuvereko ningo ndopái, iporiahuvereko araka’eve ndoguéi. Iporiahuvereko oñembopyahu ko’ẽ ko’ẽre, ituichaite ningo imborayhu.
Eity umi mba’e ipohýiva ha ndejopýva Ñanderuete ári, Ha’e oñangarekóta nderehe, Ha’e ndohejamo’ãi heko potĩva oñehundi.
Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.
Peike hokẽnguéra rupi pemomba’eguasu hag̃ua ichupe, peg̃uahẽ pepurahéivo ichupe hogaguasu korapýpe, pehechakuaa hembiapokue ha pemboete héra porãite.
Emoĩna Ñanderuete pópe nde rekove rape, Ha’e nemboguata porã hag̃ua; ha hesénte ejerovia, Ha’e oñangareko porã hag̃ua nderehe.
Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.
Che py’aite guive roheka pyharekuépe, ha che pytu porã chepype oĩva oikose nendive, upévare apu’ã ko’ẽ mboyve aiko hag̃ua nendive; yvyariguakuéra ohendúva guive ne rembiapoukapy oikuaa voi mba’éichapa oiko porã hag̃ua oñondive.
Ore Ruete, Nde, che Jaratee, ko’ẽju jave rohekáta, che ánga ha che rete ijy’uhéi nderehe, ijy’uhéi háicha avei pe yvy ikãmbáva (ama rehe).
Ejeroviáke nde py’aite guive Ñanderuete rehe, ha ani rejejoko ne arandu rehe. Nemandu’áke hese opaite nde rape rehe, ha Ha’e omyesakãta ne raperã.
Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve. Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.
Mba’eporãite ningo romomba’eguasu ramo ndéve, ore Ruete, ha rogueropurahéi nde réra, Nde, ningo pe Jára Ijyvatetéva.
Ha Ñanderuete omyengovia porã chéve che reko heko peguáicha, ha che pokúera ipotĩ háicha hesa renondépe.
Ha opaite mba’e pejapóva guive pene ñe’ẽ térã pene rembiapo rupi, pejapo Ñandejára Hesu Crísto rérape ichuperõguáicha ha peagradece Ñandejára Ñanderuetépe Hesu Crísto rupi.
Ajesaupíta umi cérro rehe, upégui oúta chepytyvõtava. Ñanderuete ningo chepytyvõta, Ha’e ningo yvagakuéra ha yvy apohare.
Ha peagradece opaite árape Ñandejára Hesu Crísto ha Ñandejára Ñanderuetépe opaite mba’e rehe.
Mayma oikovéva guive tomomba’eguasu Ñanderuetépe. Alelúia, pemomba’eguasu Ñanderuetépe.
Pevy’a tapiákena. Ani pepoi pene ñembo’égui ni peẽ pendekangy, peñembo’e pehóvo uvei (Ñanderuete ome’ẽ meve pejeruréva térã Ha’e ombotove peve), (Lúcas 18,1-7; 2 Corintoyguakuérape 2,7-10). Peagradece opaite mba’e rehe, kóva ningo Ñanderuete rembipota ojeroviáva guivépe g̃uarã Hesu Crístore.
Che py’aite guive romomba’eguasúta, Nde, che Ruete, che Jaratee, ha amboetéta nde réra opa peve che arakuéra.
Umi ñe’ẽ he’íva guive che juru ha heñóiva che py’apýpe tahorýkena ne renondépe, che Ruete, Nde voi chemo’ã ha chesalváva.
Ne mborayhu iporãve jeikovégui, che juru nemomba’eguasu manteva’erã. Che jurúpe che romboetéta, nde rérape añembo’éta ahupívo che pokuéra (yvága gotýo).
Toñemboete ore Jára, ore Ruetépe, Ha’e ñandereraha ijapére, Ñanderuete voínte ñanepytyvõta ñane rembiapópe. Selah
Aníke rekeiterei, ani hag̃ua reñemomboriahu; voi ejesape’a ha epu’ã, neryg̃uatã hag̃ua ne rembiapo rupi.
Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Ñanderuete poriahuvereko ningo ndopái, iporiahuvereko araka’eve ndoguéi. Iporiahuvereko oñembopyahu ko’ẽ ko’ẽre, ituichaite ningo imborayhu. Ñanderuete ningo che Jára, he’i che ánga, upévagui ajerovia hese.
Upévare ningo ndaorepy’akangýi, omano ramojepe ohóvo ore kuimba’e oka peguáva, ore kuimba’e pypeguáva katu oñembopyahuve ohóvo ko’ẽ ko’ẽ rehe.
Peikuaa porãve pehóvo uvei Ñandejára ha ñande Salvador Hesu Crístope ha pekakuaa pehóvo imborayhúpe. Toñemomba’eguasu ichupe ko’ág̃a ha pe ára atyguasurãme, taupéicha (amen).
Kuarahyresẽ guive oikeha peve oñemomba’eguasuhína che réra opaite tetãnguéra apytépe, ha oparupiete oñekuave’ẽ che rérape g̃uarã mba’e ryakuã porã ha kuave’ẽmby ipotĩva, mba’eguasúgui che réra tetãnguéra apytépe, he’i ángel atykuéra Jára.
Ha’e ojapo porãmbaitékuri hi’árape; ha omoĩkuri apyre’ỹ reko yvyarigua py’apýpe; yvyariguakuéra ndoikuaái katu Ñanderuete ojapovahína iñepyrũ guive ipaha peve.
Che aikuaa porã pe pensamiénto aguerekóva che py’apýpe penderehe, he’i pende Ruete, che akãme aguereko py’aguapy, ha ndaha’éi py’aro, ame’ẽ jevy hag̃ua peẽme umi mba’e peha’ãrõva ha peiko hag̃ua py’aguapýpe pene retãteépe.
Peñeha’ã ha pehecháta Ñanderuete ipy’a porãha, ovy’aite upe kuimba’e ojeroviáva hese.
Ovy’aite umi oñongatúva iñe’ẽ ipy’apýpe ojapo hag̃ua hekoitépe umía, ha ipy’aite guive ohekáva hembipota iporãva (añeteguáva);
Ñanderuete voi omoĩmbava’erã imba’eitágui opaite peikotevẽva guive, Hesu Crísto reko jajaipa rupi.