ЭФЭСЯНАЎ 4:29 - Кнігі Святога Пісання - Біблія - Біблія — пераклад Чарняўскага (выданне 2017 года)

Усякае ліхое слова хай не выходзіць з вуснаў вашых, але толькі добрае на збудаванне, каб давала ласку тым, што слухаюць.

Біблія (пераклад А.Бокуна)

Аніякае благое слова няхай не выходзіць з вуснаў вашых, а толькі добрае дзеля збудаваньня ў веры, каб ласку давала тым, што слухаюць.

Біблія (пераклад В. Сёмухі)

Ніякае брыдкае слова хай ня выходзіць з вуснаў вашых, а толькі добрае на будаўніцтва ў веры, каб яно давала мілату слухачам.

ЭФЭСЯНАЎ 4:29 Крыжаваныя спасылкі

ПСАЛТЫР 45:2

Вымавіла сэрца маё добрае слова, распавядаю я пра творы мае цару; язык мой — пяро пісара, які спрытна піша.

ПСАЛТЫР 5:9

Вядзі мяне ў справядлівасці Тваёй дзеля ворагаў маіх, выраўняй дарогу Тваю перад маімі вачамі.

ПСАЛТЫР 52:2

Пасля таго, як Даэг эдаміт прыйшоў да Саўла і паведаміў яму, кажучы: «Давід увайшоў у дом Ахімэлеха».

ПСАЛТЫР 71:24

але і язык мой цэлы дзень разважаць будзе пра справядлівасць Тваю, бо пасаромяцца і баяцца будуць тыя, што шукаюць ліха на мяне.

ВЫСЛОЎІ 12:13

Ліхі чалавек трапляе ў пастку з-за грахоў сваіх вуснаў, а справядлівы пазбегне няшчасця.

ВЫСЛОЎІ 15:23

Весяліцца чалавек з адказу вуснаў сваіх, і спрыяльная размова — найлепшая.

ВЫСЛОЎІ 15:7

Вусны мудрых распаўсюдзяць веды; сэрца бязглуздых — не будзе вернае.

ВЫСЛОЎІ 16:21

Хто сэрцам мудры — будзе звацца разважлівым; а слодыч вуснаў памножыць веды.

ЭКЛЕЗІЯСТА 10:12

Словы ў вуснах мудрага — ласка, але вусны безразважнага пагубяць яго самога.

ІСАІ 50:4

Госпад Бог надзяліў мяне языком вымоўным, каб здолеў я падтрымаць таго, хто знямогся ў слове; кожную раніцу Ён абуджае, абуджае вуха маё, каб слухаў я Яго, як вучань.

МАЦЬВЕЯ 5:16

Так хай свеціць святло ваша на віду ў людзей, каб яны бачылі вашы добрыя ўчынкі ды хвалілі Айца вашага, Які ў небе.

ЛУКАША 4:22

Усе давалі Яму сведчанне і дзівіліся словам ласкі, што выходзілі з вуснаў Яго, і казалі: «Ці ж гэта не сын Язэпаў?»

ЯНА 1:37

Дык пачулі Яго два вучні, як ён гэта казаў, і пайшлі за Ісусам.

РЫМЛЯНАЎ 14:19

Дык будзем дбаць пра тое, што вядзе да супакою ды ўзаемнага збудавання.

РЫМЛЯНАЎ 15:2

Бо кожны з нас хай дагаджае бліжняму на дабро дзеля збудавання.

1 КАРЫНФЯНАЎ 14:19

Усё ж такі ў царкве хачу сказаць лепш пяць слоў сваім розумам, каб навучыць іншых, чым дзесяць тысяч слоў мовамі.

ЭФЭСЯНАЎ 4:12

на ўдасканаленне святых, на патрэбы служэння, на збудаванне Цела Хрыстова,

ЭФЭСЯНАЎ 4:16

з Якога ўсё Цела, састаўленае і злучанае ўсякімі вязямі даравання, праз дзейнасць у патрэбную меру кожнага паасобнага члена ўзрастае на збудаванне самога сябе ў любові.

КАЛАСЯНАЎ 4:6

Слова ваша хай будзе заўсёды ласкавае, прыпраўленае соллю, каб вы ведалі, як што каму належыць адказаць.

1 ФЕСАЛОНІКІЙЦАЎ 5:11

Таму пацяшайце адзін аднаго і падтрымлівайце ўзаемна, як вы і робіце.

1 ПЯТРА 2:12

Паводзіны вашы сярод паганаў хай будуць добрыя, каб тыя, што ставяцца да вас як да злачынцаў, бачачы вашы добрыя ўчынкі, славілі Бога ў дзень адведзінаў.

1 ПЯТРА 3:1

Таксама і вы, жонкі, пакарайцеся мужам сваім, каб нават тады, калі некаторыя з іх не слухаюць слова, праз самыя паводзіны жонак былі прыдбаныя без слова,

2 ПЯТРА 2:18

Пыхліва і марна гаворачы, яны прывабліваюць да пажадлівасці цялеснай і распусты тых, хто ледзь уцёк ад жывучых у аблудзе;