РЫМЛЯНАЎ 16:2 - Кнігі Святога Пісання - Біблія - Біблія — пераклад Чарняўскага (выданне 2017 года)

каб прынялі яе ў Госпадзе, як належыць святым, і дапамаглі ёй ва ўсім, у чым яна будзе мець ад вас патрэбу, бо яна дапамагала многім і мне самому.

Біблія (пераклад А.Бокуна)

каб вы прынялі яе ў Госпадзе, як дастойна сьвятым, і дапамаглі ёй, у чым яна будзе мець у вас патрэбу, бо і яна была падтрымкай для многіх і для мяне самога.

Біблія (пераклад В. Сёмухі)

прымеце яе дзеля Госпада, як прыстойна сьвятым, і памажэце ёй, у чым яна будзе мець патрэбу ў вас; бо і яна была памочніцаю многім і мне самому.

РЫМЛЯНАЎ 16:2 Крыжаваныя спасылкі

МАЦЬВЕЯ 25:40

І, адказваючы, Валадар скажа ім: “Сапраўды кажу вам: “Што зрабілі вы аднаму з гэтых братоў Маіх найменшых, тое Мне зрабілі”.

ДЗЕІ 9:13

І Ананія адказаў: «Госпадзе, я чуў ад многіх пра гэтага чалавека, колькі ён зла ўчыніў святым Тваім у Ерузаліме;

ДЗЕІ 9:15

Але Госпад сказаў яму: «Ідзі, бо Я выбраў гэтага [чалавека] як пасудзіну, каб занесці імя Маё паганам і царам і сынам Ізраэля;

ДЗЕІ 9:36

А была ў Ёпе адна вучаніца, імем Табіта, значыць «сарна»; яна была поўная добрых учынкаў і міласцін, якія рабіла.

ДЗЕІ 9:39

І Пётра, устаўшы, пайшоў з імі; і, калі прыйшоў, завялі яго ў святліцу, і акружылі яго там усе ўдовы, плачучы і паказваючы яму тунікі і адзенне, якія зрабіла Сарна, калі была з імі.

ДЗЕІ 9:41

Пётра ж, падаўшы ёй руку, падняў яе і, паклікаўшы святых і ўдоў, паказаў яе жывую.

РЫМЛЯНАЎ 15:7

Дзеля таго прымайце адзін аднаго, як і Хрыстос прыняў нас у славу Божую.

РЫМЛЯНАЎ 16:15

Прывітайце Філалога і Юлію, Нэрэя і яго сястру, Алімпа ды ўсіх святых, што разам з імі.

РЫМЛЯНАЎ 16:23

Вітае вас Гай, гасцінны для мяне і для ўсёй царквы. Вітае вас Эраст, скарбнік горада, і брат Кварт.

РЫМЛЯНАЎ 16:6

Прывітайце Марыю, якая многа папрацавала для нас.

РЫМЛЯНАЎ 16:9

Прывітайце нашага супрацоўніка ў Хрысце Урбана ды мілага мне Стахія.

ЭФЭСЯНАЎ 5:3

Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,

ПІЛІПЯНАЎ 1:27

Толькі жывіце дастойна Евангелля Хрыстова, каб, ці калі прыбуду і ўбачу вас, ці адсутны, пачуў пра вас, што вы стаіце ў адным Духу, аднадумна змагаючыся за веру Евангельскую

ПІЛІПЯНАЎ 2:29

Прыміце ж яго з усёй радасцю ў Госпадзе і майце яго ў пашане,

КАЛАСЯНАЎ 4:10

Вітае вас Арыстарх, вязень разам са мной, і Марк, сваяк Барнабы, – адносна якога вы ўжо атрымалі даручэнні: калі прыбудзе да вас, прыміце яго, –

1 ЦІМАФЕЯ 2:10

але як належыць жанчынам, лепш выяўляючы пабожнасць праз добрыя справы.

2 ЦІМАФЕЯ 1:18

Хай дасць яму Госпад знайсці міласэрнасць у Госпада ў той дзень. А колькі ён служыў у Эфесе, ты лепей ведаеш.

ЦІТА 2:3

Падобна і старыя жанчыны павінны апранацца, як дастойна святых, высцерагацца пляткарства, не ўпівацца віном, навучаць іншых дабру,

ФІЛІМОНА 1:12

якога я табе вяртаю. Дык ты прымі яго, як маё сэрца.

ФІЛІМОНА 1:17

Дык калі маеш мяне за супольніка, прымі яго, як мяне.

2 ЯНА 1:10

Калі хто прыходзіць да вас і не прыносіць гэтай навукі, не прымайце яго ў дом і не вітайце яго.