ДЗЕІ 9:39 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁹ І Пётра, устаўшы, пайшоў з імі; і, калі прыйшоў, завялі яго ў святліцу, і акружылі яго там усе ўдовы, плачучы і паказваючы яму тунікі і адзенне, якія зрабіла Сарна, калі была з імі.

Біблія (пераклад А.Бокуна)

³⁹ Устаўшы, Пётар прыйшоў да іх, і, як прыйшоў, завялі яго ў залю; і сталі перад ім усе ўдовы, галосячы і паказваючы вопраткі і адзеньне, якія паспраўляла Сарна, як была з імі.

Біблія (пераклад В. Сёмухі)

³⁹ Пётр устаў і пайшоў зь імі; і калі ён прыйшоў, увялі яго ў сьвятліцу, і ўсе ўдовы ў сьлёзах сталі перад ім, паказваючы кашулі і сукенкі, якія рабіла Сарна, жывучы зь імі.

ДЗЕІ 9:39 Крыжаваныя спасылкі

1 ФЕСАЛОНІКІЙЦАЎ 1:3

памятаючы дзейнасць веры вашай, працу любові і трываласць надзеі ў Госпадзе нашым Ісусе Хрысце перад Богам і Айцом нашым,

ЭФЭСЯНАЎ 4:28

Хто краў, хай ужо не крадзе, лепш хай працуе, зарабляючы рукамі даброцці, каб меў чым у патрэбе ўспамагчы таму, каму трэба.

ВЫСЛОЎІ 10:7

Памяць справядлівага будзе ў дабраславенні, а імя бязбожнікаў сатлее.

1 ЯНА 3:18

Дзеткі мае, будзем любіць не словам ці языком, але справай і праўдай.

1 ФЕСАЛОНІКІЙЦАЎ 4:13

Не хачу, браты, каб вы не ведалі наконт памерлых, каб вы не сумавалі, як іншыя, якія не маюць надзеі.

2 КАРЫНФЯНАЎ 8:12

Бо калі ёсць ахвота, яна выяўляецца па тым, хто што мае, а не па тым, чаго хто не мае.

ДЗЕІ 20:35

Ва ўсім паказваў я вам, што, так працуючы, трэба ўспамагаць нядужым і памятаць словы Госпада Ісуса, Які казаў: “Шчаслівей даваць, чым браць”».

ДЗЕІ 9:41

Пётра ж, падаўшы ёй руку, падняў яе і, паклікаўшы святых і ўдоў, паказаў яе жывую.

ДЗЕІ 8:2

А богабаязныя людзі пахавалі Сцяпана і зрабілі вялікае галашэнне па ім.

ДЗЕІ 6:1

У тыя дні, калі колькасць вучняў узрастала, пачалі геленісты наракаць на гебраяў, што ў штодзённым абслугоўванні іх удовы былі крыўджаны.

ЯНА 17:12

Калі Я быў з імі ў свеце, Я захоўваў іх у імя Тваё, тых, якіх Ты Мне даў, і ўсцярог, і ніхто з іх не загінуў, толькі сын загубы, каб споўнілася Пісанне.

ЯНА 12:8

Убогіх пры сабе заўсёды маеце, а Мяне – не заўсёды».

ЛУКАША 24:44

І сказаў ім: «Ці ж не такія былі словы, якія Я гаварыў вам, калі быў яшчэ з вамі, што трэба было споўніцца ўсяму, што напісана было пра Мяне ў законе Майсея, і ў прарокаў, і ў псальмах».

МАРКА 14:8

Яна, што мела, зрабіла: алейкам цела Маё прыгатавала на пахаванне.

МАЦЬВЕЯ 26:11

Убогіх заўсёды маеце пры сабе, а Мяне не заўсёды будзеце мець.

МАЦЬВЕЯ 17:17

Ісус жа, адказваючы, гаворыць: «О род няверны і пераваротны, як доўга буду з вамі? Ды як доўга буду вас цярпець? Прынясіце яго сюды да Мяне».

ЭКЛЕЗІЯСТА 9:10

Што толькі можа рабіць рука твая, выконвай несупынна, бо ў пекле, куды ты спяшаешся, не будзе ані працы, ані розуму, ані мудрасці, ані ведаў.

2 ЦАРСТВАЎ 1:24

Дочкі ізраэльскія, плачце дзеля Саўла, які апранаў вас у раскошныя пурпуровыя шаты, які даваў залатыя аздабленні для ўпрыгожвання вашага.

ДЗЕІ 1:13

І, прыйшоўшы, сабраліся яны ў святліцу, дзе і заставаліся, Пётра і Ян, Якуб і Андрэй, Піліп і Тамаш, Баўтрамей і Мацвей, Якуб Алфееў і Сімон Зэлот ды Юда, брат Якубаў.

1 ЦІМАФЕЯ 5:3

Удоў шануй, якія сапраўды ўдовы.

1 ЦІМАФЕЯ 5:5

Тая ж, што сапраўды ўдава і адзінокая, мае надзею на Бога і не перастае ўпрошваць Бога і маліцца ўночы і днём.