ПСАЛТЫР 35:23 - Кнігі Святога Пісання - Біблія - Біблія — пераклад Чарняўскага (выданне 2017 года)

Абудзіся і чувай дзеля суда майго, Божа мой і Госпадзе мой, дзеля справы маёй!

Біблія (пераклад А.Бокуна)

Збудзіся! Абудзіся на суд мой, Бог мой і Госпад мой, каб [весьці] справу маю!

ПСАЛТЫР 35:23 Крыжаваныя спасылкі

ПСАЛТЫР 119:154

Рассудзі справу маю і адкупі мяне, пры дапамозе прырачэння Твайго ажыві мяне.

ПСАЛТЫР 142:5

Клічу я да Цябе, Госпадзе; кажу: «Ты — прыбежышча маё; удзел мой на зямлі жывых».

ПСАЛТЫР 44:23

Бо дзеля Цябе забіваюць нас увесь дзень, лічаць нас авечкамі на зарэз.

ПСАЛТЫР 44:24

Прабудзіся, чаму дрэмлеш, Госпадзе? Прачніся і не пакідай [нас] да канца!

ПСАЛТЫР 59:4

Бо вось, паставілі пастку на душу маю, кідаюцца на мяне моцныя.

ПСАЛТЫР 7:6

няхай вораг чыніць пераслед душы маёй, і схопіць, і растопча па зямлі жыццё маё і славу маю перакіне ў попел.

ПСАЛТЫР 7:7

Паўстань, Госпадзе, у гневе Тваім і ўзнясіся супраць лютасці непрыяцеляў маіх, і паўстань, Божа мой, на судзе, які Ты запавядаў.

ПСАЛТЫР 7:9

Госпад судзіць народы. Судзі мяне, Госпадзе, паводле справядлівасці маёй і паводле незласлівасці маёй, якая ёсць ўва мне.

ПСАЛТЫР 74:22

Уздыміся, Божа, будзь суддзёю ў справе Тваёй; памятай пра ганьбаванні Твае, якія цэлы дзень спараджае неразумны.

ПСАЛТЫР 80:2

Ты, што пасвіш Ізраэля, зважай! Ты, што вядзеш, бы авечку, род Язэпа; Ты, што сядзіш на херубіне,

ПСАЛТЫР 89:26

І выцягну Я руку яго над морам, і над рэкамі — правіцу яго».

ІСАІ 51:9

Прабудзіся, прабудзіся! Адзенься ў магутнасць, рука Госпада! Прабудзіся, як у мінулыя дні, у пакаленнях вякоў. Ці ж не ты паразіла Рагаба, пакалечыла дракона?

ПЛАЧ 3:59

Бачыш, Госпадзе, гора маё, судзі справядліва мяне.

ЯНА 20:28

Адказаў Тамаш і сказаў Яму: «Госпад мой і Бог мой!»