ЛУКАША 4:22 - Кнігі Святога Пісання - Біблія - Біблія — пераклад Чарняўскага (выданне 2017 года)

Усе давалі Яму сведчанне і дзівіліся словам ласкі, што выходзілі з вуснаў Яго, і казалі: «Ці ж гэта не сын Язэпаў?»

Біблія (пераклад А.Бокуна)

І ўсе засьведчылі Яму гэта, і зьдзіўляліся словам ласкі, якія выходзілі з вуснаў Ягоных, і гаварылі: «Ці не Язэпаў гэта сын?»

Біблія (пераклад В. Сёмухі)

І ўсе засьведчылі Яму гэта, і дзівавалі са словаў мілаты, якія зыходзілі з вуснаў Ягоных, і казалі: ці не Язэпаў гэта сын?

ЛУКАША 4:22 Крыжаваныя спасылкі

ПСАЛТЫР 45:2

Вымавіла сэрца маё добрае слова, распавядаю я пра творы мае цару; язык мой — пяро пісара, які спрытна піша.

ПСАЛТЫР 45:4

Прыперажы меч твой да паясніцы тваёй, о наймагутнейшы, — гонар твой і красу!

ВЫСЛОЎІ 10:32

Вусны справядлівага бачаць прыемнае, а вусны бязбожнікаў — дрэннае.

ВЫСЛОЎІ 16:21

Хто сэрцам мудры — будзе звацца разважлівым; а слодыч вуснаў памножыць веды.

ВЫСЛОЎІ 25:11

Залатыя яблыкі на срэбраным посудзе — слова, сказанае ў свой час.

ЭКЛЕЗІЯСТА 10:12

Словы ў вуснах мудрага — ласка, але вусны безразважнага пагубяць яго самога.

ПЕСЬНЯ 5:16

Вусны яго салодкія, і ўвесь ён прывабны. Такі вось улюбёны мой, і такі вось сябар мой, дочкі Ерузаліма».

ІСАІ 50:4

Госпад Бог надзяліў мяне языком вымоўным, каб здолеў я падтрымаць таго, хто знямогся ў слове; кожную раніцу Ён абуджае, абуджае вуха маё, каб слухаў я Яго, як вучань.

ЛУКАША 2:47

Усе, хто Яго слухалі, дзівіліся з розуму і адказаў Яго.

ЛУКАША 2:48

І, убачыўшы Яго, здзівіліся. І Маці Яго сказала Яму: «Сынок, чаму так нам зрабіў? Вось жа, бацька Твой і Я, пакутуючы, шукалі Цябе».

ЛУКАША 21:15

бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.

ЛУКАША 4:21

Ён пачаў тады казаць ім: «Сёння споўніліся толькі што вамі чутыя словы Пісання».

ЯНА 1:45

Піліп жа знаходзіць Натанаэля і кажа яму: «Мы знайшлі Таго, аб Кім пісаў Майсей у законе і прарокі: Ісуса, Сына Язэпа з Назарэта».

ЯНА 6:42

ды казалі: «Ці ж гэта не Ісус, Сын Язэпа, Якога бацьку і Маці ведаем? Як жа Ён кажа цяпер: “Я сышоў з неба”»?

ЯНА 7:46

Паслугачы адказалі: «Ніколі чалавек так не гаварыў, як гэты Чалавек».

ДЗЕІ 6:10

І не маглі яны ўстаяць супраць мудрасці і Духа, у Якім ён прамаўляў.

ЦІТА 2:8

у здаровым слове – беззаганнасць, каб той, хто супрацівіцца, асароміўся, не могучы нічога благога пра нас сказаць.