2 ЦАРСТВАЎ 15:31 - Кнігі Святога Пісання - Біблія - Біблія — пераклад Чарняўскага (выданне 2017 года)

І паведамілі Давіду, што і Ахітатэл быў у змове з Абсаломам; і сказаў Давід: «Госпадзе, прашу, пазбаў сілы параду Ахітатэла».

Біблія (пераклад А.Бокуна)

І паведамілі Давіду, кажучы: «Ахітафэль у змове з Абсаломам». І сказаў Давід: «ГОСПАДЗЕ, зрабі неразумнай раду Ахітафэля».

Біблія (пераклад В. Сёмухі)

Данесьлі Давіду і сказалі: і Ахітатэл у ліку змоўшчыкаў з Авэсаломам. І сказаў Давід: Госпадзе! разбуры раду Ахітатэлаву.

2 ЦАРСТВАЎ 15:31 Крыжаваныя спасылкі

2 ЦАРСТВАЎ 15:12

У час ускладання ахвяр Абсалом таксама паклікаў Ахітатэла з Гіло, дарадчыка Давіда, з горада яго Гіло. І адбылася змова моцная, і народ сыходзіўся і павялічваўся вакол Абсалома.

2 ЦАРСТВАЎ 16:23

А парада Ахітатэла, якую ён даваў у гэты час, была быццам слова Бога; такая была ўсякая парада Ахітатэла, і калі быў ён з Давідам, так і калі быў з Абсаломам.

2 ЦАРСТВАЎ 17:14

І Абсалом і ўсе ізраэльцы сказалі: «Лепшая парада Хусая арахейца, чым парада Ахітатэла». Бо Госпад вырашыў адхіліць лепшую параду Ахітатэла, каб навёў Госпад на Абсалома няшчасце.

2 ЦАРСТВАЎ 17:23

Тым часам Ахітатэл, бачачы, што не была выканана парада яго, асядлаў асла свайго, і ўскочыў на яго, і вярнуўся ў горад свой, у дом свой, і, даўшы загад адносна дома свайго, павесіўся і памёр, і быў пахаваны ў магіле бацькі свайго.

2 ЦАРСТВАЎ 17:5

А Абсалом сказаў: «Паклічце і Хусая арахейца і паслухаем, што ён яшчэ скажа».

2 ЦАРСТВАЎ 17:7

І сказаў Хусай Абсалому: «Нядобрая парада, якую даў табе ў гэты раз Ахітатэл».

ЁВА 5:12

Які разбівае намеры ліхадзеяў, каб не змаглі рукі іх выканаць тое, што пачалі;

ПСАЛТЫР 109:3

І словам нянавісці акружылі мяне, і напалі на мяне без прычыны.

ПСАЛТЫР 3:1

Псальм Давідаў, калі ўцякаў ад свайго сына Абсалома.

ПСАЛТЫР 41:9

«Сурокі прычапілася да яго», або: «Той, хто хворы залёг, той не здолее падняцца».

ПСАЛТЫР 55:10

Расцерушы, Госпадзе, раздзялі мовы іх, бо ўбачыў я раз’ятранасць і гвалт у горадзе.

ПСАЛТЫР 55:12

і не сыходзяць з плошчаў яго круцельства і ашуканства.

ІСАІ 19:3

І змарнее дух Егіпта ўнутры яго, і зблытаю раду яго; і будуць яны задаваць пытанні балванам і чараўнікам, варажбітам і вешчунам.

ІСАІ 44:25

Я той, што неістотнымі раблю знакі варажбітоў і выяўляю неразумнасць прадказальнікаў, назад адкідаю мудрых і мудрасць іх раблю марнай.

ЯНА 13:18

Не аб усіх вас гавару; Я ведаю, каго выбраў, але каб споўнілася Пісанне: “Нават чалавек, з якім я жыў у супакоі, якому я давяраў, які есць хлеб мой, пяту падняў супраць Мяне”.

1 КАРЫНФЯНАЎ 1:20

Дзе мудрэц? Дзе кніжнік? Дзе даследчык гэтага веку? Ці не зрабіў Бог мудрасць гэтага свету дурнотай?

ЯКАВА 3:15

Гэта не тая мудрасць, што з вышыні сыходзіць, але зямная, душэўная, шатанская.