ЕЗЭКІІЛЯ 33:15 - Кнігі Святога Пісання - Біблія - Біблія — пераклад Чарняўскага (выданне 2017 года)

аддасць заклад гэты бязбожнік і зверне, што нарабаваў, будзе жыць паводле законаў, што дае яму жыццё, не будзе дапускацца ніякае ліхоты, то, напэўна, застанецца ён пры жыцці і не памрэ;

Біблія (пераклад А.Бокуна)

аддасьць заклад несправядлівы, зьверне тое, што зрабаваў, будзе хадзіць паводле пастановаў жыцьця, каб не рабіць злачынства, ён, жывучы, будзе жыць і не памрэ.

Біблія (пераклад В. Сёмухі)

калі гэты пахібнік верне заклад, за адабранае заплаціць, будзе хадзіць паводле законаў жыцьця, ня робячы нічога благога, - дык ён будзе жывы, не памрэ.

ЕЗЭКІІЛЯ 33:15 Крыжаваныя спасылкі

ЁВА 22:6

Бо ты ўзяў заклад ад братоў тваіх ні за што і з голых здымаў адзенне.

ЁВА 24:3

у сірот адбіраюць асла, бяруць у заклад вала ўдавы,

ЁВА 24:9

Адрываюць сірот ад грудзей і ўбогага бяруць у заклад.

ПСАЛТЫР 119:59

Абдумваю я шляхі свае і павяртаю ногі свае да Тваіх сведчанняў.

ПСАЛТЫР 119:93

Век не забуду прыказанні Твае, бо праз іх ажывіў Ты мяне.

ПСАЛТЫР 143:8

Дай мне пачуць на світанні міласэрнасць Тваю, бо ўсклаў я надзею на Цябе. Дай мне спазнаць дарогу, па якой я пайду, бо да Цябе ўзвысіў я душу маю.

ВЫХАД 21:34

то гаспадар студні хай выплаціць цану жывёлы, а мёртвая жывёла будзе належаць яму.

ЕЗЭКІІЛЯ 18:12

крыўдзіць беднага і ўбогага, рабуе, не аддае закладзенага, і падымае вочы свае на ідалаў, і дапускаецца агіднасці,

ЕЗЭКІІЛЯ 18:16

і не крыўдзіў чалавека, закладзенага не затрымліваў і не рабаваў, даваў хлеб свой галоднаму, і голага апранаў у вопратку,

ЕЗЭКІІЛЯ 18:7

і не крыўдзіць нікога, вяртае закладзенае даўжніку, не рабуе, падае хлеб свой галоднаму і голага апранае ў вопратку,

ЕЗЭКІІЛЯ 20:11

і даў ім прыказанні Мае, і аб’явіў ім законы Мае, каб, спаўняючы іх, чалавек жыў сярод іх.

ЕЗЭКІІЛЯ 20:13

І дом Ізраэля ўзбунтаваўся супраць Мяне ў пустыні: не жылі яны паводле прыказанняў Маіх і законы Мае адкінулі, спаўняючы якія, чалавек жыць імі будзе, і суботы Мае надта апаганілі. Дык Я сказаў, што вылью абурэнне Маё на іх у пустыні і іх знішчу.

ЕЗЭКІІЛЯ 20:21

І супрацівіліся Мне тыя сыны; не жылі паводле прыказанняў Маіх і не захоўвалі законы Мае, каб спаўняць іх, — калі іх спаўняе чалавек, то ён жыве імі, — і апаганілі суботы Мае. І Я вырашыў, што вылью абурэнне Маё на іх і ўчыню гнеў Мой над імі ў пустыні.

ЛЯВІТ 18:5

Беражыце пастановы Мае і закон Мой. Спаўняючы іх, чалавек будзе жыць дзякуючы ім. Я — Госпад!

АМОСА 2:8

І на вопратках, узятых у залог, вылежваюцца пры кожным ахвярніку, і віно, атрыманае з абвінавачаных, п’юць у доме Бога свайго.

ЛУКАША 1:6

Яны абое былі справядлівымі перад Богам, беззаганна спаўняючы ўсе пастановы і прыказанні Госпадавы.

ЛУКАША 19:8

Захэй жа, стоячы, сказаў Госпаду: «Госпадзе, вось, палову маёмасці сваёй раздам убогім, а калі каго пакрыўдзіў, аддам у чатыры разы больш».

ДРУГІ ЗАКОН 24:17

Не судзі крывадушна чужынца і сірату, і ад удавы не бяры адзення ў заклад.

ДРУГІ ЗАКОН 24:6

Не бяры ў заклад жоран або верхні камень млыновы, бо бралася б гэтым само жыццё ў заклад.