БЫЦЦЁ 37:20 - Кнігі Святога Пісання - Біблія - Біблія — пераклад Чарняўскага (выданне 2017 года)

хадзем, заб’ём яго і ўкінем у адну са студняў, і скажам, што дзікі звер яго з’еў. І тады пабачым, ці дапамогуць яму сны яго».

Біблія (пераклад А.Бокуна)

I цяпер хадзем, і заб’ем яго, і кінем яго ў нейкую яму, і скажам: “Злы зьвер зьеў яго”, і паглядзім, што будзе з ягоных сноў».

Біблія (пераклад В. Сёмухі)

хадзем цяпер, і заб'ем яго, і кінем яго ў які-небудзь роў, і скажам, што драпежны зьвер задраў яго; і пабачым, што выйдзе зь ягоных сноў.

БЫЦЦЁ 37:20 Крыжаваныя спасылкі

БЫЦЦЁ 37:19

І гаварылі адзін аднаму: «Вось, сненнік ідзе,

БЫЦЦЁ 37:26

Тады Юда сказаў сваім братам: «Што нам за карысць, калі заб’ём брата нашага і схаваем кроў яго?

БЫЦЦЁ 37:32

і паслалі да бацькі, каб прынеслі і сказалі: «Вось што мы знайшлі. Паглядзі, ці гэта доўгая кашуля сына твайго, ці не?»

БЫЦЦЁ 37:33

І калі пазнаў бацька яе, залямантаваў: «Гэта ж кашуля сына майго, драпежнік з’еў яго; дзікі звер разарваў Язэпа».

БЫЦЦЁ 45:3

І сказаў Язэп братам сваім: «Я — Язэп! Ці жыве яшчэ бацька мой?» І не маглі адказаць яму браты, ахопленыя вялікім страхам.

3 ЦАРСТВАЎ 13:24

і, калі ён паехаў, сустрэў яго леў на дарозе і забіў, і труп яго ляжаў, кінуты на дарозе; а каля яго стаяў леў.

4 ЦАРСТВАЎ 2:24

Калі ён аглянуўся, убачыў іх і пракляў іх у імя Госпада; і выйшлі дзве мядзведзіцы з лесу, і разарвалі з іх сорак два хлопцы.

ПСАЛТЫР 64:5

каб употай працяць стралой беззаганнага. Знянацку стрэляць яны ў яго і не пабаяцца.

ВЫСЛОЎІ 1:10

Сыне мой, калі цябе будуць прыцягваць грэшнікі, не прыставай да іх.

ВЫСЛОЎІ 1:16

Бо ногі іх бягуць да злачынства і спяшаюцца, каб праліць кроў.

ВЫСЛОЎІ 10:18

Ілжывыя вусны хаваюць нянавісць, а хто зневажае — той неразумны.

ВЫСЛОЎІ 27:4

Шалёны нораў і абурэнне, што прарываецца наверх, — а хто можа ўстаяць перад зайздрасцю?

ВЫСЛОЎІ 28:13

Хто ўтойвае злачынствы свае — не будзе жыць у шчасці; хто прызнаецца і пакіне гэта, даб’ецца міласэрнасці.

ВЫСЛОЎІ 6:17

фанабэрыстыя вочы, ілжывы язык, рукі, што праліваюць кроў бязвінных,

ІСАІ 28:15

Вы сказалі: «Заключылі мы прымірэнне са смерцю і з апраметнай учынілі дамову. Калі ж надыдзе біч навалы, ён не дойдзе да нас, бо на ашуканства ўсклалі мы спадзяванне наша, ды ў мане схаваліся мы».

ЯНА 3:12

Калі Я казаў вам пра зямное, і вы не верыце, дык як паверыце, калі вам буду гаварыць пра нябеснае?

ЦІТА 3:3

Бо і мы былі калісьці неразумнымі і непаслухмянымі, заблукаўшымі, служыўшымі пажадлівасцям і ўсякім асалодам, кіраваліся злосцю і зайздрасцю, былі ненавіснікамі, ненавідзячымі адны адных.

1 ЦАРСТВАЎ 24:20

Бо хто, спаткаўшы ворага свайго, пусціў бы яго ў добрую дарогу? Але хай Госпад аддасць табе за гэты выпадак, за тое, што ты сёння зрабіў адносна мяне.

1 ЦАРСТВАЎ 26:2

І ўстаў Саўл, і вырушыў у пустыню Зіф, і з ім тры тысячы мужчын, з адабраных у Ізраэлі, каб адшукаць Давіда ў пустыні Зіф.