ВЫСЛОЎІ 6:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ фанабэрыстыя вочы, ілжывы язык, рукі, што праліваюць кроў бязвінных,

Біблія (пераклад А.Бокуна)

¹⁷ вочы пыхлівыя, язык хлусьлівы, рукі, што праліваюць кроў нявінную,

Біблія (пераклад В. Сёмухі)

¹⁷ вочы ганарыстыя, язык хлусьлівы і рукі, што праліваюць нявінную кроў,

ВЫСЛОЎІ 6:17 Крыжаваныя спасылкі

ВЫСЛОЎІ 12:22

Агіднасць для Госпада — вусны лжывыя, а тыя, што робяць сумленна, — падабаюцца Яму.

ІСАІ 1:15

Калі выцягнеце рукі вашы, адвярну вочы Мае ад вас, і нават калі вы павялічыце малітвы, не выслухаю. Рукі бо вашы поўныя крыві.

ПСАЛТЫР 101:5

Хто за вочы абгаворвае бліжняга свайго, — такога праганю; ганарыстага вокам і пыхлівага сэрцам, — такога не пацярплю.

ПСАЛТЫР 5:6

і несправядлівыя не застаюцца перад вачамі Тваімі. Ненавідзіш Ты ўсіх, што чыняць беззаконнасць,

ІСАІ 3:9

Бо выраз твараў іх абвінавачвае іх; як Садом, абвяшчаюць яны свой грэх і не хаваюць; гора душы іх, бо ліха аддадзена ім назад.

ВЫСЛОЎІ 21:4

Гордасць вачэй і фанабэрыстасць сэрца — светач бязбожнікаў — грэх.

ДРУГІ ЗАКОН 27:25

“Пракляты той, хто бярэ хабар, каб праліць кроў нявінную”. І ўвесь народ скажа: “Амін”.

ЯНА 8:44

Вы ёсць ад бацькі вашага – д’ябла і жаданні бацькі вашага выконваць хочаце. Ён быў забойцам ад пачатку і ў праўдзе не вытрываў, бо няма ў ім праўды. Калі гаворыць хлусню, гаворыць ад сябе, бо ён – хлус і бацька сваёй хлусні.

ІСАІ 3:16

І сказаў Госпад: «За тое, што ўзняліся дочкі сіёнскія ў пыху і ходзяць, выцягваючы шыю і кідаючы вачамі, ступаюць малымі крокамі ды звоняць бразготкамі на нагах,

ВЫСЛОЎІ 26:28

Ілжывы язык не любіць праўду, і вусны няпэўныя рыхтуюць пагібель.

ПСАЛТЫР 18:27

і з абраным абраным будзеш, і з заганным падступным будзеш.

4 ЦАРСТВАЎ 24:4

і дзеля нявіннай крыві, якую праліў і напоўніў Ерузалім крывёю нявіннаю; і таму не захацеў Госпад прабачыць.

ДРУГІ ЗАКОН 19:10

каб не праліваць нявіннай крыві пасярод зямлі, якую дасць табе Госпад, Бог твой, ва ўласнасць, каб не было на табе віны крыві.

ІСАІ 2:11

Высока ўзнятыя вочы чалавека апусцяцца, і сагнецца пыха людская; адзін толькі Госпад узвысіцца ў той дзень.

ВЫСЛОЎІ 30:13

Ёсць род — як узвысіліся вочы яго і ўзняліся ўгару павекі яго!

ВЫСЛОЎІ 14:5

Праўдзівы сведка не лжэ, а хітры сведка пашырае хлусню.

ПСАЛТЫР 31:18

Госпадзе, не дай сумецца мне, бо я клічу Цябе; хай асаромяцца бязбожнікі, хай яны ў пекла сыдуць

АДКРЫЦЦЁ 22:15

За мурам застануцца сабакі, чараўнікі, распуснікі, забойцы, балванапаклоннікі і ўсе тыя, што любяць і чыняць няпраўду.

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.

ВЫСЛОЎІ 17:7

Не ўпрыгожыць бязглуздага складная мова, а кіраўніка — вусны, што лгуць.

ВЫСЛОЎІ 1:11

Калі яны скажуць: «Пойдзем з намі! Наладзім засаду дзеля забойства, наставім прыхавана пасткі на бязвіннага;

ПСАЛТЫР 131:1

Песня ўзыходжання. Госпадзе, не ўзвышаецца сэрца маё ў пыху і не ганарыстыя вочы мае, не ганяюся я за вялікім ані за дзівосным для мяне.

ПСАЛТЫР 10:4

НУН. Пагарджае Госпадам грэшнік у пыхлівасці сваёй: «Не запатрабуе, няма Бога».

ВЫСЛОЎІ 1:16

Бо ногі іх бягуць да злачынства і спяшаюцца, каб праліць кроў.

ВЫСЛОЎІ 6:16

Шэсць ёсць рэчаў, якія Госпад ненавідзіць, і сем — агідныя для душы Яго:

ВЫСЛОЎІ 28:17

Чалавека, што заліты крывёй чыйгосьці жыцця, калі ён будзе бегаць да самай магілы, ніхто не падтрымае.

ЕРАМІІ 26:15

Ведайце, аднак, і ўсвядомце, што калі мяне заб’еце, то кроў нявінную ўскладзеце на саміх сябе, на гэты горад і на яго жыхароў. Бо сапраўды паслаў мяне Госпад да вас, каб абвясціць у вушы вашы ўсе гэтыя словы».

4 ЦАРСТВАЎ 21:16

Таксама ж Манаса праліў вельмі шмат нявіннай крыві, аж напоўніў ёй Ерузалім да краю, не лічачы грахоў, у якія ўцягнуў Юдэю, каб дапускалі яны ліхое ў вачах Госпадавых».

ПСАЛТЫР 5:7

выгубіш усіх, якія гавораць няпраўду; мужам, прагным крыві і крывадушным, брыдзіцца Госпад.

ВЫСЛОЎІ 16:5

Агіднасць для Госпада — усякі фанабэрысты чалавек; напэўна, можна паручыцца: ён не будзе беспакараны.