ІСАІ 44:23 - Кнігі Святога Пісання - Біблія - Біблія — пераклад Чарняўскага (выданне 2017 года)

Гаманіце, нябёсы, бо гэта ўчыніў Госпад; усклікайце, падмуркі зямлі! Рэхам хвалы разлягайцеся, горы, лес і кожнае дрэва яго, бо Госпад адкупіў Якуба ды праславіцца ў Ізраэлі.

Біблія (пераклад А.Бокуна)

Радуйцеся, нябёсы, бо ГОСПАД зрабіў гэта; усклікайце, глыбіні зямлі! Радасна гукайце, горы і лес, і ўсе дрэвы ў ім, бо ГОСПАД адкупіў Якуба і праславіўся ў Ізраілі.

Біблія (пераклад В. Сёмухі)

Радуйцеся, нябёсы, бо Гасподзь зрабіў гэта. Усклікайце, глыбіні зямлі; гудзеце ад радасьці, горы; лес і ўсе дрэвы ў ім; бо адкупіў Гасподзь Якава і праславіцца ў Ізраілі.

ІСАІ 44:23 Крыжаваныя спасылкі

1 ЛЕТАПІСАЎ 16:31

Хай цешацца нябёсы і радуецца зямля і хай кажуць усе народы: “Госпад валадарыць!”

1 ЛЕТАПІСАЎ 16:32

Хай шуміць мора і ўсё, што яго запаўняе, хай цешацца палі і ўсё, што на іх існуе,

1 ЛЕТАПІСАЎ 16:33

тады хай перад Госпадам славяць Яго дрэвы лясныя, Ён бо прыйшоў судзіць зямлю.

ПСАЛТЫР 148:7

Хваліце Госпада з зямлі, марскія драконы і ўсе бяздонні,

ПСАЛТЫР 148:9

горы і ўсе ўзгоркі, дрэвы пладовыя і ўсе кедры,

ПСАЛТЫР 65:13

Будуць струменіцца пустынныя выганы, і ўзгоркі апяражуцца радасцю.

ПСАЛТЫР 69:34

бо выслухаў бедных Госпад і вязняў Сваіх не адцураўся.

ПСАЛТЫР 69:35

Хай хваляць Яго нябёсы і зямля, моры і ўсе рэптыліі ў іх.

ПСАЛТЫР 89:13

Ты стварыў поўнач і поўдзень, Табор і Гэрмон радуюцца з Твайго імя.

ВЫХАД 18:9

І ўзвесяліўся Етра з дабрадзействаў, якія ўчыніў Госпад Ізраэлю, і з таго, што вырваў яго з рук егіпцян.

ІСАІ 12:5

Спявайце Госпаду, бо велікадушна паступіў, хай гэта будзе вядома ва ўсім свеце.

ІСАІ 26:15

Павялічыў Ты народ, Госпадзе, павялічыў народ, праславіўся; пашырыў усе межы зямлі.

ІСАІ 43:1

А цяпер гэтак кажа Госпад, Які стварыў цябе, Якубе, і ўфармаваў цябе, Ізраэлю: «Не бойся, бо адкупіў Я цябе і назваў цябе імем тваім; ты — Мой.

ІСАІ 43:7

Кожнага, хто завецца Маім імем, Таго стварыў Я на Сваю славу, уфармаваў яго і зрабіў яго».

ІСАІ 46:13

Прыблізіў Я справядлівасць Маю, не будзе далёка; не замарудзіць і Маё збаўленне: і дам на Сіёне збаўленне, а Ізраэлю — славу Маю».

ІСАІ 49:13

Слаўце, нябёсы, і радуйся, зямля! Весяліцеся з песняю, горы! Бо цешыць Госпад народ Свой і бедных Сваіх шкадуе”.

ІСАІ 49:3

і сказаў мне: “Ты слуга Мой, Ізраэлю, у якім Я праслаўлюся”.

ІСАІ 52:9

Радуйцеся і цешцеся ўсе разам, апусцелы Ерузалім, бо суцешыў Госпад народ Свой, адкупіў Ерузалім!

ІСАІ 60:21

А ўвесь твой народ будзе народам справядлівых, якія атрымаюць у спадчыну навечна зямлю, парастак насаджэння Майго, твор рукі Маёй на ўслаўленне.

ІСАІ 61:3

каб прызначыць [радасць] тым, хто плача на Сіёне, і даць ім вянок замест попелу і намашчэнне радасці замест смутку, плашч хвалы замест тужлівага духу. І назавуць іх тэрэбінітамі справядлівасці, насаджэннем Госпада дзеля ўслаўлення.

ЕРАМІІ 31:11

Адкупіў бо Госпад Якуба і вызваліў яго з рукі дужэйшага за яго.

ЕРАМІІ 51:48

І загамоняць хвалебна над Бабілонам неба і зямля і ўсё, што ў іх, бо з поўначы надыдуць на яго спусташальнікі, — кажа Госпад. —

ЕЗЭКІІЛЯ 35:14

Вось што кажа Госпад Бог: “На радасць усёй зямлі Я ператвару цябе ў пустыню;

ЕЗЭКІІЛЯ 36:1

А ты, сын чалавечы, праракуй пра горы Ізраэля і кажы: “Горы Ізраэля, слухайце слова Госпада.

ЕЗЭКІІЛЯ 36:8

а вы, горы Ізраэля, выпускаць будзеце свае галіны і даваць свае плады народу Майму Ізраэльскаму, бо ён хутка вернецца.

ЕЗЭКІІЛЯ 39:13

а яго пахавае ўвесь народ зямлі, і ў іх праславіцца дзень, у які Я буду ўслаўлены, — кажа Госпад Бог.

ЭФЭСЯНАЎ 3:21

Яму хвала ў Царкве і ў Хрысце Ісусе праз усе пакаленні на векі вечныя. Амін.

ЭФЭСЯНАЎ 4:9

Што ж значыць «узышоў», як не тое, што перш сышоў у глыбейшыя нетры зямлі?

1 ПЯТРА 4:11

Калі хто прамаўляе, [прамаўляй] як словы Божыя; калі хто паслугуе, [служы] сілай, дадзенай яму Богам, каб ва ўсім быў праслаўлены Бог праз Ісуса Хрыста, Якому слава і валадаранне ў векі вечныя. Амін.

АДКРЫЦЦЁ 12:12

Дзеля таго цешцеся, нябёсы і жыхары яго. Гора тым, што жывуць на зямлі і ў моры, бо сышоў д’ябал да вас, поўны вялікай лютасці, ведаючы, што мае мала часу!»

АДКРЫЦЦЁ 18:20

Цешцеся з гэтага, неба і святыя, і Апосталы, і прарокі, бо прысудзіў Бог прысуд ваш на яго”».