ГАБРЭЯЎ 11:13 - Біблія (пераклад А.Бокуна)

Усе яны памерлі ў веры, не атрымаўшы абяцаньняў, але толькі здалёк бачачы іх, і маючы пэўнасьць, і вітаючы [іх], і прызнаючы, што яны — чужынцы і вандроўнікі на зямлі.

Біблія (пераклад В. Сёмухі)

Усе гэтыя памерлі ў веры, не атрымаўшы абяцаньняў, а толькі здалёк глядзелі, і радаваліся, і казалі пра сябе, што яны вандроўнікі і прыхадні на зямлі;

Кнігі Святога Пісання - Біблія - Біблія — пераклад Чарняўскага (выданне 2017 года)

Усе яны памерлі ў веры, не атрымаўшы таго, што ім было абяцана, толькі здалёк аглядаючы яго, вітаючы і вызнаючы, што на зямлі яны толькі вандроўнікі і госці.

ГАБРЭЯЎ 11:13 Крыжаваныя спасылкі

БЫЦЦЁ 21:34

I жыў Абрагам у зямлі Філістынскай шмат дзён.

БЫЦЦЁ 23:4

«Прыхадзень і пасяленец я ў вас. Дайце мне ў вас на ўласнасьць магілу, і я пахаваю ад аблічча майго памёршую маю».

БЫЦЦЁ 25:8

I супачыў, і памёр Абрагам у старасьці добрай, стары і насычаны [жыцьцём], і быў далучаны да народу свайго.

БЫЦЦЁ 47:9

I сказаў Якуб фараону: «Дзён гадоў вандраваньня майго — сто трыццаць гадоў. Кароткія і ліхія былі дні гадоў жыцьця майго, і не дасягнулі яны да дзён гадоў жыцьця бацькоў маіх у днях вандраваньня іхняга».

БЫЦЦЁ 48:21

I сказаў Ізраіль Язэпу: «Вось, я паміраю. I Бог будзе з вамі, і верне вас у зямлю бацькоў вашых.

БЫЦЦЁ 49:10

Ня будзе адняты скіпетр ад Юды і заканадаўца — ад ног ягоных, аж пакуль ня прыйдзе Той, чыё яно, і Яму — паслухмянасць народаў.

БЫЦЦЁ 49:18

На збаўленьне Тваё спадзяюся, ГОСПАДЗЕ!

БЫЦЦЁ 49:28

Усіх гэтых родаў Ізраіля — дванаццаць, і гэта тое, што прамаўляў ім бацька іхні; і дабраславіў іх, і кожнага паводле дабраславеньня ягонага дабраславіў.

БЫЦЦЁ 49:33

I скончыў Якуб загадваць сынам сваім, і палажыў ногі свае на ложак, і сканаў, і быў далучаны да народу свайго.

БЫЦЦЁ 50:24

I сказаў Язэп братам сваім: «Я паміраю, але Бог, наведваючы, наведае вас і выведзе вас з зямлі гэтай у зямлю, пра якую прысягаў Абрагаму, Ісааку і Якубу».

ЁВА 19:25

Я ведаю, што Абаронца мой жывы, і што ў апошні дзень Ён стане над парахном маім,

ПСАЛТЫР 119:19

Я — прыхадзень на зямлі; не хавай ад мяне прыказаньні Твае!

ПСАЛТЫР 39:12

Дакараньнем за беззаконьне Ты караеш чалавека і нявечыш, як ад молі, прагненьні ягоныя. Толькі марнасьцю ёсьць кожны чалавек! (Сэлях)

ВЫХАД 2:22

I яна нарадзіла сына, і [Майсей] назваў імя ягонае Гершом, бо ён казаў: «Я стаўся прыхаднем у чужой зямлі».

ЛЯВІТ 25:23

Зямлю ня будзеце прада­ваць назаўсёды, бо Мая зямля, а вы — прыхадні і пасяленцы ў Мяне.

ЛІКІ 10:30

Той сказаў яму: «Не пайду, але пайду ў зямлю маю і да сваякоў маіх».

ЛІКІ 24:17

Бачу яго, але [яшчэ] не цяпер, аглядаю яго, але ня зблізка. Узыходзіць зорка з Якуба, і паўстае скіпетр з Ізраіля; і ён струшчыць скроні Мааву і зьні­шчыць усіх сыноў Сэта.

МАЦЬВЕЯ 13:17

Бо сапраўды кажу вам, што многія прарокі і праведнікі жадалі ўбачыць, што вы бачыце, і ня бачылі, і пачуць, што вы чуеце, і ня чулі.

ЯНА 12:41

Гэта сказаў Ісая, калі бачыў славу Ягоную і гаварыў пра Яго.

ЯНА 8:56

Абрагам, бацька ваш, рады быў бачыць дзень Мой; і ўбачыў, і ўзрадаваўся».

РЫМЛЯНАЎ 4:21

і маючы пэўнасьць, што Ён магутны зрабіць тое, што абяцаў.

РЫМЛЯНАЎ 8:24

Бо мы збаўленыя надзеяй. А надзея ўбачаная ня ёсьць надзея, бо калі хто бачыць, чаго яму спадзявацца?

2 КАРЫНФЯНАЎ 4:18

якія глядзім не на бачнае, але на нябачнае, бо бачнае — часовае, а нябачнае — вечнае.

2 КАРЫНФЯНАЎ 5:6

Дык мы заўсёды маем пэўнасьць і ведаем, што, жывучы ў целе, жывем па-за Госпадам.

ЭФЭСЯНАЎ 2:19

Дык вы ўжо не чужынцы і ня прыхадні, але суграмадзяне сьвятым і хатнія ў Бога,

ГАБРЭЯЎ 11:14

Бо тыя, што гэтак кажуць, паказваюць, што яны бацькаўшчыну шукаюць.

ГАБРЭЯЎ 11:17

Вераю Абрагам, спакушаны, прынёс [у ахвяру] Ісаака, і прынёс адзінароднага, якога прыняў як абяцаньне,

ГАБРЭЯЎ 11:27

Вераю пакінуў ён Эгіпет, не спалохаўшыся ярасьці валадарскай, бо непахісны быў, быццам бачачы Нябачнага.

ГАБРЭЯЎ 11:39

І ўсе яны, што засьведчаныя вераю, не атрымалі абяцаньня,

1 ПЯТРА 1:1

Пётар, апостал Ісуса Хрыста, — выбраным вандроўнікам, расьцярушаным у Поньце, Галятыі, Кападокіі, Азіі і Бітыніі,

1 ПЯТРА 1:17

І калі называеце Айцом Таго, Які судзіць кожнага паводле справаў ягоных, не ўзіраючыся на аблічча, са страхам праводзьце час вандраваньня вашага,

1 ПЯТРА 2:11

Улюбёныя, прашу вас, як прыхадняў і вандроўнікаў, высьцерагайцеся цялесных пажаданьняў, якія змагаюцца супраць душы,

1 ЯНА 3:19

І з гэтага даведаемся, што мы ад праўды, і супакоім перад Ім сэрцы нашыя.