Ucjjarusti jupanacajj utt'ayatäpjjänwa Diosamp Jiquisiñ Carpata uñjapjjañapataqui, uqhamarac kollan chekawjata, templona jilanacapampi sirvisina, jupanacasti Aarón chachat jutir wawanacapänwa.
Números 1:53 - Qullan Arunaca Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.” Aymar Bibliia 1986 Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.” Qullan Arunaka DC Leví ayllunkirinakasti Tatitun arust'äwi qullan carpar muyuntasaw utjnuqtapxani, uk uñjapxarakini, Tatitux israelitanakatak jan q'apisiñapataki.” |
Ucjjarusti jupanacajj utt'ayatäpjjänwa Diosamp Jiquisiñ Carpata uñjapjjañapataqui, uqhamarac kollan chekawjata, templona jilanacapampi sirvisina, jupanacasti Aarón chachat jutir wawanacapänwa.
Ucampis nanacataquejj Tatituw Diosajja, ucatsti janiw apanucupcti. Cawquïr sacerdotenacatejj Tatitur sirvipqui ucanacajja Aarón chachat saraker wawanacapäpjjewa, uqhamarac qhitinacatejj sirvipqui ucanacajja levitanacäpjjewa.
Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.
Ucatwa, naya, take ch'amani Tatitojj, uca profetanaca tokejj aca arunaca arstjja: Jumanacarojj mä c'allc'u mank'a mank'ayapjjäma; venenot umwa umayapjjaraquïma, Jerusalenanquir profetanacata ñankha lurañajj take marcpacharu akantatap laycu.”
Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”
Ucat Moisesajj Aaronampiru, Eleazar, uqhamarac Itamar uca wawanacapampiruw aqham saraquïna: —Jan jichhajj ñic'utanacamsa jararasipjjamti ni luto isimpisa ist'asipjjaraquimti, uqhamata usuyasitanacama uñacht'ayañataquejja, ucataraqui jumanacamppacha jiwarasipcasma, Tatitusti aca marcjjaru colerasiñapsa wartasincaraquispa. Ucampisa familianacapajj jachasipcpan, uqhamarac take israelita jakenacasa, Tatitojj uqhama aca naqhantäwi apayanitapata.
Levitanacarojj uchapjjätaw Tatitun Arust'äwi kollan chekan sirviñapataqui, uqhamarac yänacapa, take cunanacatejj uca kollan chekan utjqui take ucanacjjaru. Jupanacaraquiw arust'äwi Kollana Carpa, uqhamarac take cunanacapsa apapjjani. Uqhamarac take cunanacatejj sirviñataqui utjqui ucanacsa. Uqhamaraquiw jupanacajj kollan chekan nayräjjaparus puripjjaraquini.
Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.
¿Amuyatanacamatjja juc'aquiti Israel marcan Diosapajj jumanacaru ajllipctam Israel marca taypitjja, jumanacan jupa jac'ancañataqui, ucatsti Tatitun kollan chekan irnakañataqui, uqhamarac marcan luräwinacapar phokhañataqui?
“Ucjjarusti levitanacaw sarantapjjani, pusi campamentonac taypinjama, Tatitumpi Jiquisiñ Carpa apt'asita. Uca pusi campamentonacajj mayat mayatwa sarapjjani, puritanacaparjama, sapakat maynis wiphalap apt'asita.
Gersón chachan jach'a familianacapajj Tatitumpi Jiquisiñ Carpa khepäjjap inti jalanta tokeruw puripjjäna.
Jilïri irpiri jakepajj Zuriel sat chachänwa, Abihail chachan wawapa, ucatsti puripjjänwa kollan chekat amsta tokeru.
Inti jalsu toketsti, kollan lugar uñcatasita, Tatitumpi Jiquisiñ Carpäquis uca nayräjjarojj, Moisesampi, Aaronampiw puripjjäna, uqhamaraqui Aarón chachan wawanacapa, jupanacasti kollan lugar uñjapjjäna, maynïri israelitanac lanti. Ucatsti cawquïritejj jan cunäcasin sacerdotenacan lurañanacap lurän ucajj juchañchasin jiwayatänwa.
Israelitanacarusa churañäqui uca chicatatjja, jakenacata, vacanacata, asnonacata, uqhamarac ovejanacatjja take uywanacatjja levitanacaruw churäta, sapa pheska tuncatjja, kollana chekan servitanacapata” sasa.
Acnïri chicatatjja, Moisesajj maya apsüna sapakat pheska tuncatjja, uca quipcaraquiw, jakenacatsa, uywanacatsa lurasïna, ucatsti ucanacajj levitanacaru churatänwa, Tatitun Kollan Carpapan sirvitanacap laycu, cunjämatejj Tatitojj siscatayna uqhama.
Nayaw levitanacarojj ajllista mayni israelitanac taypitjja, ucatsti Aaronampiru, wawanacapampiruw catuytjja, israelitanac lanti yanapapjjañapataqui Jiquisiñ Carpana, uqhamat israelitanacatac perdón catokapjjañapataqui. Uqhamasti janiw israelitanacajj kollan chekar jac'achasipcaniti, janiraquiwa cuna jan walisa jupanacarojj purcaniti.”
Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.
Ucampis Tatitojj Bet-semes sat chekan utjasir mä kawkha jakenacarojj jiwarayänwa, Tatitun arcapa uñantapjjatap laycu. Pakallko tunca jakenacwa jiwarayäna, ucatsti jakenacajj walpun jachapjjäna uqham jach'a jiwaräwi Tatitojj jupanac taypiru apayanitapatjja.