1 Samuel 6:19 - Qullan Arunaca

¹⁹ Ucampis Tatitojj Bet-semes sat chekan utjasir mä kawkha jakenacarojj jiwarayänwa, Tatitun arcapa uñantapjjatap laycu. Pakallko tunca jakenacwa jiwarayäna, ucatsti jakenacajj walpun jachapjjäna uqham jach'a jiwaräwi Tatitojj jupanac taypiru apayanitapatjja.

Aymar Bibliia 1986

¹⁹ Ucampis Tatitojj Bet-semes sat chekan utjasir mä kawkha jakenacarojj jiwarayänwa, Tatitun arcapa uñantapjjatap laycu. Pakallko tunca jakenacwa jiwarayäna, ucatsti jakenacajj walpun jachapjjäna uqham jach'a jiwaräwi Tatitojj jupanac taypiru apayanitapatjja.

Qullan Arunaka DC

¹⁹ Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.

1 Samuel 6:19 Jak'a apnaqawi uñst'ayäwi

2 Samuel 6:7

Uqham uñjasinsti Diosajj colerasïnwa, ucatwa Uza jakerojj pachparu jiwayäna, Uza jakesti pachpa uca Tatitun arcapa jac'arpacharaquiw jiwata uñjasïna.

2 Crónicas 25:21

Ucatsti Joás reyejj wact'ayasïnwa Amasiasampi jiquintasiñataqui Judá orakenquir Bet-semes sat chekana.

Éxodo 19:21

Ucat Tatitusti Moisesarojj sänwa: —Sarasinjja yatiyam israelitanacarojja, chimpt'atäqui ucjja jan pasanipjjpanti nayaru uñjañataquejja. Jupanacatejj jan ist'asis pasanipjjani ucajja waljaninacaw jiwarapjjani.

Éxodo 33:4

Jakenacasti uca jan wali yatiyäwi arunac ist'asinjja wali llacthapisipjjäna, janiraquiw qhitisa suma yänacapa uchasiñ munapcänti.

Números 1:51

Ucatsti cunapachatejj uca Tatitumpi Jiquisiñ Carpajj mä chekat mä chekaru apatäni ucqhajj jupanacaw apapjjani, jupanacaraquiw ucqhansa jararapjjaraquini, wasitatsa sayt'ayapjjaraquini ucaru puriñataqui. Take cawquïri yakha jakenacatejj uca kollan chekaru jac'achasini, ucajj juchañchasin jiwayatäniwa.

Números 4:15

Cunapachatejj Aaronampi wawanacapampejj take kollana k'oma yänac llawthapiñ kalltapjjani, sarañataquisa niya janc'aquïpjjaraquini ucapachasti Coat chachan wawanacapaw jutapjjani take ucanac apañataqui; ucampis janiw amparanacapampi llamct'apcaniti cunatejj kollanäqui ucjja, jan jupanacan jiwañanacapataqui. Take acanacwa apapjjañapa Tatitumpi Jiquisiñ Carpatjja, Coat chachan wawanacapajja.

Números 4:18

“Jan jumanacajj munapjjamti Coat chachan familianacapan levitanac taypit chhakhañapjja.

Números 4:20

Uqhamatwa jupanacajj jan mantapcaniti cunatejj kollanäqui ucanac uñjirejja, ucatsti janiraquiw jiwapcanisa.”

Deuteronomio 29:29

“Cawquïri arunactï jan yatctan ucanacajj Diosanquiwa. Cunatejj jiwasajj yatctan ucanacasti, jiwasana, wawanacasampina aca camachi arunacapar phokhañasawa, cawquïrtï jupajj khanañchawayistu ucanacaru.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?