Números 16:9 - Qullan Arunaca

⁹ ¿Amuyatanacamatjja juc'aquiti Israel marcan Diosapajj jumanacaru ajllipctam Israel marca taypitjja, jumanacan jupa jac'ancañataqui, ucatsti Tatitun kollan chekan irnakañataqui, uqhamarac marcan luräwinacapar phokhañataqui?

Aymar Bibliia 1986

⁹ ¿Amuyatanacamatjja juc'aquiti Israel marcan Diosapajj jumanacaru ajllipctam Israel marca taypitjja, jumanacan jupa jac'ancañataqui, ucatsti Tatitun kollan chekan irnakañataqui, uqhamarac marcan luräwinacapar phokhañataqui?

Qullan Arunaka DC

⁹ ¿Amuyatanakamat juk'akiti Diosan jumanakar israelitanak taypit Tatitump Jikisiñ Carpan jupar luqtapxañamatak ajllitapasti?

Números 16:9 Jak'a apnaqawi uñst'ayäwi

Génesis 30:15

Leasti ucatjja saraquïnwa: —¿Chacha irpakquista ucat juc'ampsa munascactati? ¿Jichhajj cuntejj wawajjajj apanqui uca frutamppachti aparañ munista? —sasa. Ucjjarusti Raquelajj saraquïnwa: —Wawaman mandrágoras sat frutanacam churatamatsti Jacobojj jichhärmajj jumampiw iquiscani —sasa.

2 Samuel 7:19

¡Take ucanacasti jumataquejj janiw cunäquisa, Tatitu, aca sirviriman, uqhamarac wawanacajjan apnakañapajj cunjamäcanitï acat kheparojja uca tokenacatsa khanañcharactawa! ¡Janiw qhiti jakesa jumjamajj lurquiti, Tatitu!

2 Crónicas 35:3

Ucjjarusti Levitanacarojja, qhitinacatejj take Israelpachana yatichirïpcäna, uqhamarac Tatitutaqui yakhachatäpcäna ucanacarojja aqham lurañanacwa churäna: “Kollana arcjja uchapjjam temploru, Davidana Salomón yokap Israelan reyipajj lurayqui ucaru. Janiw callachinacamarojj apnakcjjapjjätati. Jichhasti jumanacajj Tatit Diosamar sirviñaru uchasjjapjjam, Tatitun Israel marcapar sirviñaruraqui.

Nehemías 12:44

Qhaya urunacataquisti utt'ayasipjjänwa cawquïr chachanacatejj uñjapjjañapäqui kollke imaña pirwanaca, ofrendanaca, nayrïri achunaca, uqhamarac diezmonaca uchañanacaraqui, ucarcama jupanacajj imapjjañapataqui, leyir phokhasa cunanacatejj sapa marcan orakenacapata purincäna sacerdotenacataqui, uqhamarac levitanacataqui ucanaca; Judänquir jakenacasti cusisitäpjjänwa sirvipcäna uca sacerdotenacampi uqhamarac levitanacampisa uca laycu.

Isaías 7:13

Isaiasajj saraquïnwa: —Ist'apjjam, jumanaca David reyin utapanquirinaca. ¿Jumanacataquejj janit cunäquisa jakenacaru majañajja, Diosajjarusti majañ munapjjaracta ucajja?

Ezequiel 34:18

¿Janit jumanacataquejj waliquïqui ucqha suma pasto mank'asiñajja, cunatsa jilt'qui ucjja taquisipjjta? Suma ch'uwa umwa umt'apjjtajja, ucat jilt'irsti cayunacamampiw konchuchapjjaractajja.

Ezequiel 44:16

Nayan templojjarus mantapjjaraquiniwa, nayan altarajjarusa jac'achasipjjaraquiniwa, uqhamat nayaru sirvipjjañapataqui, ucatsti nayaru sirviñanwa jupanacajj uscusipjjaraquini.

Números 1:53

Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 16:13

¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Números 16:8

Ucatsti Moisesajj Coré chacharojj sänwa: —Ist'apjjeta, levitanaca.

Números 3:6

“Leví tribun jakenacaparu jawsayam, jupanacan Aarón sacerdoten ewjjanacapa ist'apjjañapataqui, ucat uqhamarjam sirvipjjañapataqui.

Números 3:9

Ucatsti levitanacarojj maynïri israelitanacatjja yakhachapjjaraquim, jupanacan Aaronampiru, wawanacapampiruqui sirvipjjañapataqui,

Hechos 13:2

Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

1 Corintios 4:3

Nayajj janiw cuns ajjsarcti, cunsay jumanacajj nayjjat parlapjjam, jan ucajj cunsay mä tribunalajja nayjjat sispan ucjja. Janiw nayapachas juchañchascti.

Deuteronomio 10:8

Ucapachaw Tatitu Diosajj Leví triburojj ajllïna, suma arust'äwiru mantat arca apañapataqui, ucatsti Tatitu Diosan nayrakatapancapjjañapataqui yupaychasa, uqhamaraqui jupan sutiparu bendiciñataqui, cunjämatï jichhürcama lurasipqui uqhama.

1 Samuel 18:23

Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.