Jeremías 5:31 - Qullan Arunaca

³¹ Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Aymar Bibliia 1986

³¹ Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Qullan Arunaka DC

³¹ Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 5:31 Jak'a apnaqawi uñst'ayäwi

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Proverbios 17:4

Ñankha lurir jakempi, c'ari jakempejja, jan wali arunacaruquiwa ist'apjje.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 20:6

Uca urunacansti take uca kota iraman jaquirinacajj sapjjaraquiniwa: ‘Uñtapjjam, cunarac jichhasti tucu cawquïri marcarutejj jiwasajj alcatascayätan Asirianquir reyit arjjatañapataquejja. ¿Cunjämrac jichhasti khespiñänisti?’ ” sasa.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Isaías 43:27

Nayra awquinacamajj juch lurapjjäna, yatichirinacamasti nayataquiraquiw sayt'asipjjäna,

Isaías 47:7

Saractawa: ‘Wiñayataquiw nayajj reinäyäjja’ sasa; janiw take ucanacjjarojj amuyt'asctati, janiraquiw lup'caractati cunjämarus tucuyapjjani ucjja.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 26:7

Sacerdotenacasa, profetanacasa, take jakenacasa ist'apjjaraquïnwa Jeremiasan templon uqham parlatapjja.

Lamentaciones 1:9

Isipasti k'ala k'añuchjatapuniwa; janiw uqhamar puriñjja amtcaraquïnti. Aynacht'atapasti jan amuyt'cayapuniwa; janiw jichhajj qhiti chuymachiris utjcaraquiti. ¡Tata, nayan t'akhesitajj uñtanita, uqhamarac uñisirejjan jach'ar tucutapsa!

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Lamentaciones 4:13

¡Take ucanacasti profetanacapana, uqhamaraqui sacerdotenacapan juchanacap laycuw lurasi, jupanacasti pachpa marca mankhanwa jan juchani jakeru jiwayapjjaraquïnjja!

Lamentaciones 4:18

Take sartäwinacaswa uñch'uquipjje, janiraquiw ankarus mistuñjamäquiti, tucusïwisasti jac'ancjjewa, horasajj purinjjestuwa; ¡tucjatäñasajj purinjjewa!

Ezequiel 13:10

“Jïsa, jupanacajj marcajjaruw sallkjapjjäna: ‘Take cunas waliquïscaniwa’ sasa, ucampisa uca parlatanacapajj janiw chekäcänti.

Ezequiel 13:6

Unañchäwi uñjatanacapas, profecía arunaca arsupjjatanacapas c'aricamaquiwa. Jupanacajj nayan sutejjat parlapjje, ucampis janiw nayajj jupanacaru qhitancti. ¡Arsutanacapan phokhasiñanacapsti suyt'apjjaraquiwa!

Ezequiel 22:14

Cunapachatejj nayajj jumaru wayt'cäma ucapachajj jan lup'imti naya toke sayt'asiñjja. Naya Tatituw ucjja arsta, arsutajj-jjarusti phokharaquïwa.

Oseas 4:9

Aca marcarusa, sacerdotenacarjamaraquiw mutuyaraquëjja jan wali sarnakäwinacapatjja,

Oseas 6:10

Israel marcansti sinti jan walinacpun uñjtjja: Efrainasti wachoka juchanwa sarnake, Israelasti mayninacampiraquiw k'añuchasjje.

Oseas 9:5

¿Cuns jumanacajj lurapjjäta jach'a fiesta urunjja, Tatitun jach'a fiesta urupanjja?

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Miqueas 2:6

“¡Jan profecía arunacjja parlapjjpati! sapjjew jupanacajja. ¡Janiw cuna jan walt'añasa jiwasarojj jutquistaniti!” sapjjaraquiwa.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Sofonías 3:4

Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Deuteronomio 32:20

Ucatsti saraquiwa: ‘Kheparuw uñtjjä, ¡cunacjjay lurapjjchini! Chekpachansa khoru chuymani jakenacäpjjewa, jan iyawsañani wawanacaraquiwa.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.