Números 1:53 - Qullan Arunaka DC

⁵³ Leví ayllunkirinakasti Tatitun arust'äwi qullan carpar muyuntasaw utjnuqtapxani, uk uñjapxarakini, Tatitux israelitanakatak jan q'apisiñapataki.”

Aymar Bibliia 1986

⁵³ Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Qullan Arunaca

⁵³ Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 1:53 Jak'a apnaqawi uñst'ayäwi

1 Crónicas 23:32

Jupanakarakiw Tatitump Jikisiñ Carpa, qullan chiqawja uñjapxäna, Tatitun utapan Aarón chachat saraqir wawanakapamp irnaqasa.

2 Crónicas 13:10

Ukampis nanakatakix Tatituw Diosaxaxa, janiw jupar apanukupkti. Kawkïr sacerdotenakatix Tatitur luqtapki jupanakax Aarón chachat saraqir wawanakawa, khitinakatix luräwinakampi phuqhapki jupanakax levitanakawa.

2 Crónicas 13:11

Jupanakax willjtat jayp'ukamaw Tatiturux nakt'at wilañchanaka, inciensonak luqtapxi, ukatsti q'umachat mesa patar t'ant'anak uchapxi, sapa jayp'uw qurit lurat candeleron qhanki uka lamparanak naktayapxi. Nanakax kuntix Tatit Diosaxax sapkitu ukhamarjamaw phuqhapxta, ukampis jumanakax jupar apanukupxtawa.

Jeremías 23:15

Ukatpï, naya taqi ch'aman Tatitux, uka profetanakatakix aka arunak arstxa: Jerusalenankir profetanaka, uka ñanqha lurañanak taqi markpacharuw aqantayapxtaxa, jumanakarux k'allk'u manq'a manq'ayapxäma; jiwayir qullan uma umayapxarakïma”.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Levítico 10:6

Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Números 1:50

Jupanakarux Tatitumpi Jikisiñ Carpan luqtapxañapatakiw uchäta, taqi kunanakatix uka qullan chiqawja manqhan utjki ukanak uñjapxañapataki. Jupanakaw arust'äwi qullan carpampi, uka manqhan utjir yänakamp apapxani, ukhamarakiw jupanakax qullan chiqawjar muyuntas utjnuqtapxani.

Números 1:54

Israelitanakasti kunjämtix Tatitux Moisesar siskatayna ukhamarjamaw lurapxäna.

Números 16:46

46 (11) Moisesasti Aaronar sänwa: —Incienso q'aphichañam aptanim, ukarusti altarat apaqasin nina sank'a uchäta, inciensompiw ukar warxatarakïta; ukatsti jank'akiw israelitanak thiyar saräta, Tatitut jupanakatak pampachäwi mayirapïta, Tatitux wali q'apisitawa, jaqinakaruw mutuyaski —sasa.

Números 16:9

¿Amuyatanakamat juk'akiti Diosan jumanakar israelitanak taypit Tatitump Jikisiñ Carpan jupar luqtapxañamatak ajllitapasti?

Números 17:7

7 (22) Ukatsti Moisesax Tatitun nayraqataparuw thujrunak uchäna, arust'äwi arca nayräxaru.

Números 2:17

“Leví chachat saraqirinakax jupanak qhipat Tatitump Jikisiñ Carpa apt'at sarantapxani. Uka pusi tamanakax mayat mayat sarantapxani, utjnuqtatanakaparjamaw wiphalapamp sarantapxani.

Números 3:23

Uka tamanakasti, inti jalanta tuqin utjnuqtapxäna, qullan chiqawja qhipäxana.

Números 3:29

jupanakasti qullan chiqawjat aynach tuqin utjnuqtapxäna.

Números 3:35

Jupanakan jilïr irpiripax Suriel sat chachänwa, Abihail chachan yuqapa, jupanakasti qullan chiqawjat amsta tuqin utjnuqtapxäna.

Números 3:38

Moisesampi, Aaronampi, wawanakapampix, Tatitump Jikisiñ Carpa nayräxaparu, inti jalsu tuqiruw utjnuqtapxäna. Jupanakaw israelitanakan sutipar qullan utjäwi uñjapxäna. Mayni jaqitix jan sacerdotëkasin, sacerdoten lurañap lurkän ukapachaxa, jiwayatäñatak juchañchatänwa.

Números 31:30

Israelitanakar wakt'ki uka chikatatxa, sapa phisqa tunka warminakatsa, vacanakatsa, asnonakatsa, ovejanakatsa, taqpach uywanakatsa maya jilt'ayäta, ukanaksti qullan utaxan yanapasir levitanakaruw churäta —sasa.

Números 31:47

Aka chikatat Moisesax sapa phisqa tunkat maya, warminakatsa, uywanakatsa apaqäna, ukanaksti Tatitun qullan utapan yanapasir levitanakaruw Tatitun arsutaparjam churxäna.

Números 8:19

Nayaw levitanakarux mayni israelitanak taypit ajllista, jupanaksti Aaronampiru, wawanakapampiruw katuyta, Tatitumpi Jikisiñ Carpan israelitanakan sutipxar yanapapxañapataki, ukat Tatitun pampachäwip israelitanakatak katuqapxañapataki. Ukhamat israelitanakan qullan utjäwir jan jak'achasiñapäkaniti, janirakiw kunas jupanakar kamachkaniti.”

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.