Levítico 10:6 - Qullan Arunaca

⁶ Ucat Moisesajj Aaronampiru, Eleazar, uqhamarac Itamar uca wawanacapampiruw aqham saraquïna: —Jan jichhajj ñic'utanacamsa jararasipjjamti ni luto isimpisa ist'asipjjaraquimti, uqhamata usuyasitanacama uñacht'ayañataquejja, ucataraqui jumanacamppacha jiwarasipcasma, Tatitusti aca marcjjaru colerasiñapsa wartasincaraquispa. Ucampisa familianacapajj jachasipcpan, uqhamarac take israelita jakenacasa, Tatitojj uqhama aca naqhantäwi apayanitapata.

Aymar Bibliia 1986

⁶ Ucat Moisesajj Aaronampiru, Eleazar, uqhamarac Itamar uca wawanacapampiruw aqham saraquïna: —Jan jichhajj ñic'utanacamsa jararasipjjamti ni luto isimpisa ist'asipjjaraquimti, uqhamata usuyasitanacama uñacht'ayañataquejja, ucataraqui jumanacamppacha jiwarasipcasma, Tatitusti aca marcjjaru colerasiñapsa wartasincaraquispa. Ucampisa familianacapajj jachasipcpan, uqhamarac take israelita jakenacasa, Tatitojj uqhama aca naqhantäwi apayanitapata.

Qullan Arunaka DC

⁶ Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Levítico 10:6 Jak'a apnaqawi uñst'ayäwi

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

Esdras 7:5

Abisúa, Finees, Eleazar, uqhamarac Aarón kallta sacerdotetaraqui.

Éxodo 33:5

Tatitusti Moisesarojj sataynawa: —Aqham yatiyam israelitanacarojja: ‘Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa’ —sasa.

Éxodo 6:23

Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Levítico 13:45

“Qhititejj lepra usu llaganacanïqui ucanacasti isinacapjja ch'iyanokatwa apjjapjjañapa, p'ekepasti k'araquiraqui, ucat ajanupajja chicat imt'ata, aqham sasaw arnakasini: “K'añütwa, k'añütwa” sasa.

Miqueas 1:16

Jumasti, Sión marca, t'akhesiñam uñacht'ayañ laycusti p'ekemsa k'al mururasim, wawanacamar sinti munatam laycu. Allkamarin p'ekepjam p'ekemsa k'ararasiraquim, wawanacamajj jaya marcaru preso apatäni uca laycu” sasa.

Números 1:53

Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 14:6

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna,

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 18:5

Jumanacaruquiw utt'ayatäpjjta kollan chekan altarana luräwinaca phokhañataquejja. Uqhamatwa israelitanacampejj jan mayampis colerascjjäti.

Números 20:25

Jumasti Moisés, irpam Aaronaru, uqhamarac Eleazar, wawaparusa Hor sat kollu pataru.

Números 5:18

Ucapacharaquiw sacerdotejj warmirojj Tatitu nayrakataru uñstayasinjja ñic'utapa jararani, ucatsti amparaparojj ofrenda uchani, celasiñ toketa mä jucha khanaru uñstayañataqui; sacerdotejj amparaparojja maldición apanqui uca c'allc'u uma caturaquini,

Deuteronomio 33:9

cawquïritejj awquinacaparojj: ‘Janipuniw uñjcti’ sisqui, jilanacaparusa: ‘Janiw uñt'caractti’, wawanacaparojj: ‘Janiw yatctti, qhitïsipcchejja’ sasa. Jupanacasti arunacamaruw phokhapjje, jupanacasti arust'äwinacam phokhañaruw catuyasipjjaraqui.

Josué 22:18

¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

Josué 22:20

Amtasipjjaraquim Acán sat Zara chachan wawapajj jucha lurcän ucata. Jupasti cunatejj t'unjatäñapäcän Tatitur loktasina, ucanacwa catuntasïna; Acán chachan juchap laycojja Diosajj take Israel marcataquiw colerasïna, janiraquiw jupa sapaquis juchap laycojj jiwcänti —sasa.

Josué 7:1

Ucampis Israel marcajj janiw phokcänti cuntejj Diosajj siscatayna ucanacjja. Diosasti: “Janiw cunsa Jericó marcat aptasipjjätati” sänwa. Ucampis mä jakew utjäna Acán sat sutini, Judá tributa, jupasti Carmi sat jaken yokapänwa; Carmisti Zabdin wawaparaqui; Zabdisti Zaran wawaparaquïnwa. Aca jakesti Jericó marcatjja walja yänac jupatac apasinïna, cawquïrinactï Tatitojj take t'unjapjjät siscatayna ucanacatjja. Ucatwa Tatitojj Israel marcataqui wali colerasïna.

Josué 7:11

Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.