2 Timoteo 4:2 - Qullan Arunaca

² Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Aymar Bibliia 1986

² Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Qullan Arunaka DC

² Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

2 Timoteo 4:2 Jak'a apnaqawi uñst'ayäwi

Salmos 40:9

Marcam taypin khespiyäwimat yatiyta; Tatay, jumaquiw yattajja, janiw amuct'atajjajj utjquiti.

Jonás 3:2

“Sartam, ucatsti Nínive jach'a marcaru saram, cuntejj siscäma uca arunac yatiyiri” sasa.

Lucas 7:23

¡Cusisiñaniwa nayaru arcasina jan mayjt'asirejja! —sasa.

Lucas 7:4

Jupanacasti Jesusar jac'achasisinjja wal achict'apjjäna: —Aca capitanaru yanapt'añamajj waquisiwa;

Lucas 9:60

Jesusajj juparojj sascaquiwa: —Jiwatanacajj jiwat masiparojj imascpan sam. Jumasti saram, ucatsti Diosan reinopat yatiyanim —sasa.

Hechos 13:5

Puerto Salaminar purisinsti Tatitun arunacapat parlañwa kalltapjjäna judionacan sinagogapana. Juanarusti irpapjjaraquïnwa jupanacar yanapañapataqui.

Hechos 16:13

Mä samarañ urunjja, marca ankäjjaruw mistupjjta mä jawir lacaru, cawqharutejj oración lurir sarañäqui ucqharu. Ucan kont'asisinsti, nanacajj Tatitun arunacap parlapjjta ucawjan tantacht'at warminacaru.

Hechos 20:7

Semana kallta urusti iyawsirinacajj t'ant'a pachjañataquiw tantachasipjjta. Pablosti jupanacarojj yaticharaquïnwa. Khepärmanthi sarjjañampejja, chica arumcamaw yatichäna.

Hechos 28:16

Roma marcar purisinsti, [soldadonacan capitanapajj guardia jilïriparuw presonac catuyjje.] Pablorojj yakhawjaruw jaytapjje, mä soldadompi jupar uñjayasa.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”

Romanos 12:12

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Gálatas 6:6

Qhititejj Tatitun arunacap catokqui ucajja, yatichquis ucamp chicaw asquinac lurapjjañapa.

Colosenses 1:25

Iglesiapansti mä sirviriparaquiw tucta, Diosat ewjja catokasa. Uca ewjjsti juparaquiw churitu, jumanacan asquimataqui, uqhamata Diosan arunacapa phokhata churañajjataqui,

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

1 Tesalonicenses 5:20

Jan jisc'achapjjamti Diosan amuyt'ayata arunacaparojja.

1 Timoteo 4:13

Nayan puriniñajjcamajja, jakenacan nayrakatapana Diosan arunacap leeñaru uchasim, jilatanacar ch'amañchasina, uqhamarac yatichasina.

1 Timoteo 5:20

Ucampis qhitinacatejj juch lurasipcaqui ucanacarojj takenin nayrakatapan ewjjt'awayam, mayninacajj uc ist'asin ajjsarapjjañapataqui.

2 Timoteo 2:21

Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

2 Timoteo 3:10

Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

Tito 1:13

Ucsti chekwa säna, ucanacarojj jumajj wal tokenokam iyawsañanacapan chekäpjjañanacapataqui.

Tito 2:15

Acanacwa jumajj yatichañamajja, yanapt'asa, uqhamarac take jilïr cancañampi ewjjt'asa jan qhitimpis jisc'achayasisa.

Hebreos 13:22

Jilatanaca, achict'apjjsmawa llamp'u chuymampiqui aca ewjja arunac catokapjjañama, mä jisc'a cartacwa kellkt'anipjjsma.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.