2 Crónicas 13:11 - Qullan Arunaca

¹¹ Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.

Aymar Bibliia 1986

¹¹ Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.

Qullan Arunaka DC

¹¹ Jupanakax willjtat jayp'ukamaw Tatiturux nakt'at wilañchanaka, inciensonak luqtapxi, ukatsti q'umachat mesa patar t'ant'anak uchapxi, sapa jayp'uw qurit lurat candeleron qhanki uka lamparanak naktayapxi. Nanakax kuntix Tatit Diosaxax sapkitu ukhamarjamaw phuqhapxta, ukampis jumanakax jupar apanukupxtawa.

2 Crónicas 13:11 Jak'a apnaqawi uñst'ayäwi

Génesis 26:5

Abrahamasti nayarojj ist'araquituwa, arsutanacajjsa phokharaquïnwa, camachi arunacajjsa, leyinacajjsa, yatichäwinacajjsa phokharaquïnwa” sasa.

2 Crónicas 13:10

Ucampis nanacataquejj Tatituw Diosajja, ucatsti janiw apanucupcti. Cawquïr sacerdotenacatejj Tatitur sirvipqui ucanacajja Aarón chachat saraker wawanacapäpjjewa, uqhamarac qhitinacatejj sirvipqui ucanacajja levitanacäpjjewa.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 2:4

Nayajj mä templo Tatitu Diosajjataqui lurayäjja, jupar loktañajjataqui, jupar jach'achañataqui, perfumenaca nact'ayañajjataqui, jupataqui wiñay seke t'ant'anaca loktañajjataqui, uqhamarac alwasa, jayp'usa sacrificionac nact'ayasina loktañjjataqui, samarañ urunacana, phajjsi kallta urunacana, uqhamarac Tatit Diosar jach'achañataqui yakha fiestanacansa, ucanacasti lurasipuniwa Israel marcanjja.

2 Crónicas 4:20

Korit lurat candelabronaca lamparanacapamppacha, ucasti kollanansa Kollanapa Cheka nayrakatancänwa, cunjämatejj satäcäna uqhamar nactayañataqui;

Éxodo 29:38

“Sapüruwa jan armt'asisa altaranjja mä marani pä orko ovejanaca loktäta.

Ezequiel 44:15

“Levita sacerdotenacasti, cawquïrinacatejj Sadoc sat chachan wawanacapäqui ucanacasti, jupanacajj cunapachatejj israelita jakenacajj nayan thaquejjata maysaru saranucupcäna, ucapachasti uca sacerdotenacajj nayarojj templonjja sirvisipcaquitänwa, uca sacerdotenacajja jac'achasinipjjaspawa, uqhamat nayaru sirvipjjañanacapataqui. Jupanacasti nayan nayrakatajjarojj uñstapjjetaspawa liq'inacampi, uqhamaraqui wilanacampi sacrificio loktapjjañapataqui. Naya Tatituw ucjja arsta.

Ezequiel 44:8

Nayan kollana arunacajjsti, cunjämatejj nayajj jupanacarojj jaytta uqhamarjamajj janiw phokhapquiti, ucatsti uca luräwinacjja yakha marcanacanquiri jakenacaruquiw catuyjjapjje jupanacan lurapjjañanacapataqui.’

Ezequiel 48:11

Uca orakesti, cawquïri sacerdotenacatejj Tatitur catuyatäpqui ucanacataquïniwa, cawquïrinacatejj Sadoc chachan wawanacapäqui ucanacataqui, jupanacajj nayaru take chuymampi sirvipjjatap laycu, uqhamaraqui jan yakha israelitanacamp chica, nayar apanucusa yakha thaquinacanjam sarapjjatap laycu, cunjämtejj levitanacajj israelitanacampi chica sarapjjänjja uqhama.

Números 1:53

Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 16:46

Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.

Números 16:6

Aqham lurapjjam: Apanipjjam Coré chachana, uqhamarac jilanacapan incensarionacapa,

Números 9:19

Cunapachatejj kenayajj walja urunaca Arust'äwi Carpa patjjan sayt'äna ucqhajj israelitanacajj sayt'apjjaraquïnwa Tatitu Diosar sirviñataqui.

Lucas 1:9

Sacerdotenacan luräwinacaparjamasti, Zacariasaruw suertet wact'äna Tatitun utapan santuarior mantasin incienso loktañapajja.