Números 16:46 - Qullan Arunaca

⁴⁶ Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.

Aymar Bibliia 1986

⁴⁶ Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.

Qullan Arunaka DC

⁴⁶ 46 (11) Moisesasti Aaronar sänwa: —Incienso q'aphichañam aptanim, ukarusti altarat apaqasin nina sank'a uchäta, inciensompiw ukar warxatarakïta; ukatsti jank'akiw israelitanak thiyar saräta, Tatitut jupanakatak pampachäwi mayirapïta, Tatitux wali q'apisitawa, jaqinakaruw mutuyaski —sasa.

Números 16:46 Jak'a apnaqawi uñst'ayäwi

1 Crónicas 27:24

Joab chachasti jacthapiñjja kalltänwa, ucampis janiw tucuycänti, ucajj Israel marcarojj jan walt'aña apanitap laycu. Ucataracwa jan kellkatäquiti Davidan crónicas libropana.

Salmos 106:29

ñankha luratanacapampejj Diosaruw k'apisiyapjjäna, jupanac taypinsti jach'a usuw sartäna;

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Levítico 10:6

Ucat Moisesajj Aaronampiru, Eleazar, uqhamarac Itamar uca wawanacapampiruw aqham saraquïna: —Jan jichhajj ñic'utanacamsa jararasipjjamti ni luto isimpisa ist'asipjjaraquimti, uqhamata usuyasitanacama uñacht'ayañataquejja, ucataraqui jumanacamppacha jiwarasipcasma, Tatitusti aca marcjjaru colerasiñapsa wartasincaraquispa. Ucampisa familianacapajj jachasipcpan, uqhamarac take israelita jakenacasa, Tatitojj uqhama aca naqhantäwi apayanitapata.

Levítico 9:24

Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Habacuc 3:5

Jupa nayrakatsti sariwa ajjsarcañ t'akhesiñanaca, khepapatsti jach'a fiebre usunaca.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Números 1:53

Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 11:33

Ucampis ucqhaw israelitanacajj codornis jamach'inacan aychanacap qhisttasipcäna, ucapachaw Tatitojj jupanacataqui colerasïna, jupanacarusti mutuyasina, walja jakenacaruw jiwarayaraquïna.

Números 18:5

Jumanacaruquiw utt'ayatäpjjta kollan chekan altarana luräwinaca phokhañataquejja. Uqhamatwa israelitanacampejj jan mayampis colerascjjäti.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Números 25:8

ucatsti israelit jaken utaparu khepapat arcantasinjja, uca israelit jakempiru, warmimpirojj puracat jununtasinwa jiwayäna, uqhamatwa tucusïna cawquïri usutejj Israel marcar jiwarayascäna ucajja.

Números 8:19

Nayaw levitanacarojj ajllista mayni israelitanac taypitjja, ucatsti Aaronampiru, wawanacapampiruw catuytjja, israelitanac lanti yanapapjjañapataqui Jiquisiñ Carpana, uqhamat israelitanacatac perdón catokapjjañapataqui. Uqhamasti janiw israelitanacajj kollan chekar jac'achasipcaniti, janiraquiwa cuna jan walisa jupanacarojj purcaniti.”

Deuteronomio 9:22

“Uqhamaraquiw jumanacajj Tatitu Diosarojj colerayapjjta, Tabera, Masah, Kibrot-hataava uca chekanacana.