Joel 2:12 - Qullan Arunaca “Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa. Aymar Bibliia 1986 “Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa. Qullan Arunaka DC “Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa. |
Ucampisa Davidajj chuymapanjja juchanjamaw amuyasïna uca censo aptayasajja, ucatwa Tatitur saraquïna: —Nayajj mä jach'a jucha lurta aqham censo aptayasajja. Ucatwa Tata, jichhajj achict'assma aca uywataman juchapa perdonañamataqui, mä pisi chuyma jakjamaw cunsa lurtjja —sasa.
Yatiyirinacasti uqhamawa sarapjjäna reyina, sirvirinacapana cartanacapampi take Israelaru, Judá orakeru, reyina amtäwipa yatiyaniñataqui, aqham sasa: “Israelitanaca: Tatitun ucar cutt'anjjapjjam, Abrahamana, Isaacana, Israelana Diosaparu, jupasti jumanacarojj cutt'anjjaraquiniwa, jumanacajj Asiriana reyinacapan amparapata jaltapctas ucanacaru.
jumajj alajjpachatjja ist'am, ucatsti pampacharaquim Israelan sirvirinacaman juchanacapjja, ucatsti yaticharaquim asqui thaquinjam sarapjjañapataqui. Ucatjja jalljja puriyjjaraquim marcamar herenciat aca orake churctas ucaru.
“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.
Tatitusti Moisesarojj sataynawa: —Aqham yatiyam israelitanacarojja: ‘Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa’ —sasa.
Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.
ayunañ urojja jumanacajj ch'ajjwañanacana jucha lurañanacanwa sarnakapjjtajja, jiwayañatacjamaraquiw ch'acuntasipjjtajja. Uqham ayunañ urunjja janiw nayajj mayisitanacamjja ist'quiristti.
Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.
inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.
Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,
sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.
Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’
Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.
Uqhamasti, Israel marca Diosamar cuttanjjam; chekpach chuymamampi asquimpiraqui sarnakam, ucatsti Diosamarupuni iyawsaraquim.
Tatitojj siwa: “Canaanajj c'ari pesanac apnakañ yati, sallkjañajj jupatac sumätap laycu.
Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.
Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.
jisct'añapataquiraqui profetanacaru, sacerdotenacampiru take ch'amani Tatitun templopjjata: “¿Imasipcaquïti sapa mara pheska phajjsi sarakataru amtasis jachañampi ayunañampjja, cunjämatï jichhacama lurarapipjjta uqhamjja?” sasa.
“Take marcpacharu, uqhamarac sacerdotenacampiru aqham saraquim: ‘Jumanacajj ayuno lurapjjtawa, lutosiñsa imapjjaractawa pheskëri, pakallköri phajjsina ucqhat jichhacamajj pakallko tunca maräjjewa. Ucsti janiw nayar jach'añchañataqui lurapctati.
Jumanacasti jichhajj Diosaruy mayisipjjam jiwasat qhuyapt'ayasiñapataqui. Ucampis jumanacatï uqhama jan wali ofrendanaca churasipcäta ucqhajj jan amuyapjjamti Diosan uca ofrendanac suma chuymampi catokatapa.
Ucatsti, Damasconquirinacaruw nayrakat Tatitun arunacap yatiyta. Ucjjarusti yatiyaractwa Jerusalén marcanquirinacaru, Judea tokenquirinacaru, uqhamarac jan judiöpquis ucanacarusa. Nayajj jupanacarojj sistwa: ‘Jan wali luräwinacamat arrepientisisin Diosar cutiquipstapjjam. Ucatsti asqui luräwinacarac lurapjjam, arrepientisipjjatam uñacht'ayasa’ sasa.
Angelajj uqham parlaña tucuyjjepansti, takpach israelitanacaw wali jach'at wararisina jachapjjäna.
Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.
ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.
Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.