Jeremías 4:1 - Qullan Arunaca

¹ Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Aymar Bibliia 1986

¹ Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Qullan Arunaka DC

¹ Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Jeremías 4:1 Jak'a apnaqawi uñst'ayäwi

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

2 Reyes 23:13

Reyisti taquichasiraquïnwa diosanacan alto chekan santuario utanacapajj Jerusalén marcata inti jalsu tokena utjcäna ucanaca, Olivos kolluta aynachana. Ucansti Israelan Salomón reyipaw lurayäna sidonionacan Astarté sat ajjtcañ diosapataqui; moabitanacan uñiscaña Quemos sat yakha diosapataqui; amonitanacan uñiscaña Milcom sat yakha diosapataqui.

2 Reyes 23:24

Josías reyejj tucjaraquïnwa take laykanacaru, yatirinacaru, utan wali munat c'ari diosanacaru, yakha diosanacarusa, uqhamarac cunanacatejj utjcäna yupaychañataqui ajjtcaya yänaca, Judá orakena uqhamaraqui Jerusalenansa. Ucsti jupajj luränwa Hilcías sacerdotejj Tatitun templopana jicjjatcäna uca ley libron kellkatanacar phokhasina.

2 Crónicas 15:8

Cunapachatï Asajj profetan aca yatiyäwipa ist'äna ucqhajja, ch'amachasïnwa, ucatsti tucjayänwa ajjtcaña diosanacaru, Judá, uqhamarac Benjamín take uca orakenacata, Efraín kollun marcanaca catuntapcäna ucanacatsa, Tatitun templo nayrakatapanccäna uca Tatitun altarapjja asquichayaraquïnwa.

2 Crónicas 33:8

Ucatsti israelitanacarojj janiw wasitat jakonuccäti cawqha orakerutejj nayra awquinacaparu churcta ucatjja, jupanacatejj phokhapjjani, lurapjjaraquini take cunanactejj ewjjawaycta, uqhamarac take yatichäwinacsa, leyinacajjsa lurañanacsa churawaycta Moisés toke ucanacaru ucajja” sasa.

2 Crónicas 34:33

Josías reyisti israelitanacan take orakepatjja, ajjtcaña luräwinacjja takwa apakayäna, Israelpachana take utjiri jakenacaparusti Tatit Diosaparuwa yupaychayaraquïna. Jupan jacañapcamasti janiw nayra awquinacapan Tatit Diosapat sarakapcänti.

Isaías 31:6

Israelan wawanacapa qhitirutejj wal chuymapa ust'ayapcta ucar cutjjapjjam.

Jeremías 15:19

Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui.

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Jeremías 18:11

“Jichhajj Jerusalén marcan jaquir jakenacarusa, uqhamaraqui Judá oraken utjirinacarusa saraquim, naya Tatituw sista: ‘Jumanac tokejj maya luräwinacwa amtascta; jumanacarusti mutuyañwa amtascaracta. Jan wali sarnakäwinacamjja apanucupjjam, luräwinacamsa uqhamaraqui sarnakäwinacamsa asquichasipjjaraquim’ sasa.

Jeremías 24:9

Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 25:5

Jupanacasti jumanacarojj sapjjäyätamwa: ‘Jan wali sarnakäwinacamjja uqhamaraqui jan wali luräwinacamsa apanucupjjam, cawquïri oraktejj Tatitojj jumanacaru nayra awquinacamarusa churcatayna ucan wiñayataqui jacapjjañamataqui.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:12

Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 3:14

Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 35:15

Nayar sirviri profetanacajjarusti mayampi mayampwa qhitanipjjsma jumanacaru aqham sañapataqui: Uca jan wali sarnakäwinacamsa uqhamaraqui jan wali luräwinacamsa apanucupjjam. Janiraqui yakha diosanacan khepapsa sarjjapjjamti ni ucanacarusa yupaychapjjaraquimti, uqhamatwa cuna oraktejj nayajj jumanacarusa uqhamaraqui nayra awquinacamarus churcäyät ucan jacasipjjätajja sasa. Ucampisa janiw jumanacajj nayan arunacajjarojj jaysapcäyätati ni ist'apcaraquïyätasa.

Jeremías 36:3

Inasa uqhamat Judá orakenquir jakenacajj cuna t'akhesiñanactejj jupanacjjaru apayaniña amtcta ucanac yatisajj, jan wali luräwinacapa apanucjjapjjchini, ucatsti nayajj jupanacarojj ñankha luratanacapatsa, jucha luratanacapatsa perdonjjaraquirista” sasa.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 7:3

Cuntejj Tatitojj sisqui ucanaca, jupasti take ch'amaniwa, Israelan Diosaparaquiwa. Asquichasipjjam sarnakäwinacama, uqhamaraqui luräwinacamsa, nayasti ucatjja jumanacarojj aca oraken jacayasipcämawa.

Jeremías 7:5

“Jumanacatejj sarnakäwinacamsa, uqhamaraqui luräwinacamsa asquichasipjjäta ucapachajj, maynit maynicamas chekaparu uñjasipjjäta ucapachasa;

Jeremías 7:7

Nayajj aca orakeruw jaytasipcäma jacasipjjañamataqui, cawquïri oraktï nayrapacha awquinacamaru churcäyäta wiñayataqui ucaru.

Ezequiel 11:18

Jupanacajj marcaparu cuttanjjasinsti, cuna ajjtascaña luräwinacatejj ucan utjqui ucanacsti k'alwa tucjapjjaraquini.

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Ezequiel 43:9

Uqham jan take chuymampi sarnakañanacsti nayatjja jayar apakapjjam, reyinacaman lantinacapa lurasitanacamsa, nayasti jupanac taypin wiñayataquiw jacaraquï.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 2:2

Tatitojj siwa: “¡Taycamar juchañchapjjam, juchañchapjjam, jupasti janiw jichhajj warmejjäcjjeti, janiraquiw nayas chachapäcjjti! ¡Yakha chachanacampi sarnakañapjja apanucjjpan!

Oseas 7:16

Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Joel 2:12

“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Zacarías 1:4

Jan nayra awquinacamjam lurapjjamti, qhitinacarutï nayra profetanacajj naya toket jupanacaru sänjja jan wali sarnakäwinacapa, jan wali luräwinacapa jaytjjañapataqui, ucampis jupanacajja janiw ist'añsa, jaysañsa munapcänti. Naya Tatituw arstjja.

Deuteronomio 27:15

‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.

Deuteronomio 4:30

Cunapachatï jumanacajj take uca t'akhesiñanaca, llaquisiñanaca pasapjjäta, uqhamaraqui Tatitu Diosarus cuttapjjäta, iyawsapjjaraquïta ucqhajj,

Josué 24:14

Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.