Jeremías 3:25 - Qullan Arunaca

²⁵ Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Aymar Bibliia 1986

²⁵ Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Qullan Arunaka DC

²⁵ Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 3:25 Jak'a apnaqawi uñst'ayäwi

Salmos 106:6

Nayra awquinacajjar uñtataw jucha lurapjjta, cunayman ñankhanaca, juchanac lurapjjta.

Salmos 106:7

Nayra awquinacajjajj Egipto marcan janiw muspharcañ luräwinacam amuyapcänti; jach'a qhuyapayasiñamat armasipjjäna, Mar Rojo kota jac'an jumarojj kallcatapjjäyätam.

Salmos 109:29

Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan!

Proverbios 13:18

Suma ewjja arunacaru jisc'achirejja, pobre uqhamaraqui jisc'achataquiw sarnakani, ucampis qhititejj chekachäwiru ist'qui ucajja, suma jach'añchataraquïniwa.

Proverbios 5:13

¡Cunataraqui jan ist'cpachätsti qhitinacatejj nayar yatichapquitäna, uqhamarac sumar irpaña munapquitäna ucanacarusti!

Isaías 48:8

Jumajj janipuniw cunapachas ucanacatjja ist'cayätati, yatcaraquiyätasa, okarapun ucanacataquejj tucutam laycu. Nayajj yatiyätwa juman jan cheka chuymanïtamjja, nacïwimatpachwa jan ist'asirit uñt'atätajja.

Isaías 50:11

Ucampisa take qhitinacatejj nina aktayapqui, uqhamaraqui nina mich'inacsa waquichapcaraqui ucanacajj, pachpa jupanacan waquichat ninaruw jalt'apjjani, cawquïri flechanactejj jumanacpacha waquichapcta ucanacaru. Pachpa Tatituw aca mutuyäwi jupanacarojj apayanini, pachpa mutuyäwi taypin liwinucutaw liwisipjjaraquini.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 12:13

Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Jeremías 14:20

Tata, nanacajj juchanacajj-jja uñt'asipjjtwa, uqhamaraqui nayra awquinacajjan juchanacapsa; juma nayrakatan juchjja lurapjjaracta.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Jeremías 2:26

“Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Jeremías 20:18

¿Cunataraqui nayasti taycajjan puracapata mistpachätsti, t'akhesiñanaca, llaquisiñanaca uñjañataquisti, uqhamaraqui jacañajjasa mä p'enka tucuyatäñapataqui?

Jeremías 22:21

Cunapachatejj jumajj wali suma sarnakascäyäta ucapachaw nayajj jumarojj parlsma, ucampis janiw ist'añ munctati. Wayna cancañamatpacha uqhampuniw sarnaktajja; ¡arunacajj ist'añsti janipuniw munctati!

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 31:19

Nayajj jumatjja jayarst'awaytwa, ucampisa jichhajj walpun amtta saranucutajj-jja; juchajj uñt'astwa, ucatsti charajjaruraquiw lek'esta; p'enkachata, jisc'achjataraquiw uñjasta, wayna urunacajjan jucha luratajj laycu.’

Jeremías 6:26

¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Jeremías 7:19

Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Jeremías 8:14

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jeremías 9:18

¡Jïsa, janc'aqui jutapjjpan, ucatsti jiwasat wararipjjpan; nayranacasasti jachampi phokhantatäpan, nayra mankhanacasansti jachajj jilarquiriraquïpan!

Lamentaciones 5:16

P'ekenacasatsti pillus mä p'enkaw jalaktjjaraquistu; ¡cunaquïcani jiwasa juchararanacatjja!

Lamentaciones 5:7

Awquinacasaw jucha lurapjjänjja, ucampisa jiwasaw jichhajj uca juchanacatjja t'akhesipjjtanjja.

Ezequiel 2:3

“Jumarusti, israelitanacan ucaruw qhitäma, uca israelita jakenacasti nayataquiw sayt'asipjje. Jupanacasa uqhamaraqui nayra awquinacapasa naya tokepuniw jichhürcama sayt'apjje.

Ezequiel 36:32

Naya Tatituw ucjja arsta: ‘Yatipjjam israelita jakenaca, aca luräwinacjja janiw jumanacan p'enkasiñanacamataqui lurcti’ sasa.

Ezequiel 44:13

Jupanacasti janiraquiw nayarojj sacerdoteta sirvcjjapjjetaspati, janiraquiw nayan kollana yänacajjarusa jac'achasipcaspati, ni sinti kollana yänacajjarusa. Jichhajj jupanacajj p'enkachataw uñjasipjjani take jan wali jucha luratanacapatjja.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Daniel (hebreo) 12:2

Sepulturan iquisquirinacasti sarthapinipjjaniwa mayninacajj wiñaya jacañataqui, mayninacasti wiñay p'enkachatäñataqui, t'akhesiñataqui.

Oseas 9:10

Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Sofonías 1:17

Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.

Romanos 6:21

Ucampis ¿cuna suma asquirac catokapjjtasti jichhajj mä p'enkachäwiquïchi ucajja? Take ucanacan tucuyapasti jiwañaquiwa.

Jueces 2:2

jumanacajja aca oraken jaquirinacampejj jan suma arust'äwiru mantapjjamti, jan ucasti altaranacapjja take tucjapjjam’ sasa. Ucampis jumanacajj janiw ist'apquistati, ¡uñtapjjamay cuntejj lurapcta uca!