Jeremías 3:25 - Qullan Arunaka DC

²⁵ Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Aymar Bibliia 1986

²⁵ Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Qullan Arunaca

²⁵ Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 3:25 Jak'a apnaqawi uñst'ayäwi

Salmos 106:6

Nayra awkinakaxar uñtataw jucha lurapxta; kunayman ñanqhanaka, juchanak lurapxta.

Salmos 106:7

Egipto markankapkäna ukkhaxa, janiw muspharkañ luräwinakam amuyapkänti; jach'a khuyapayasiñamat armasipxäna, Mar Rojo quta jak'an jumarux qallkatapxäyätam.

Salmos 109:29

¡Nayampi timasirinakax p'inqampi aynacht'apxpan! ¡P'inqax isimpjam jupanakar llawuntpan!

Proverbios 13:18

Suma iwxa arunakar jisk'achir jaqix, jan kunani, jisk'achatakiw sarnaqani, chiqachäwi ist'ir jaqisti, wali jach'añchataw uñjasini.

Proverbios 5:13

¿Kunatarak yatichirinakaxar jan ist'kpachätsti, nayar iwxt'irinakarus jan jayskpachätsti?

Isaías 48:8

Jumax janiw kunapachas ukanakat ist'käyätati, yatkarakïyätasa, uqarapuniw ukanakatakix tuküyätaxa. Nayax juman jan chiqa chuymanïtam yatïyätwa, yurïwimatpach jan ist'asirit uñt'atätamsa.

Isaías 50:11

Jan ukaxa, jumanakax ninanak aqtayapxtaxa, nina mich'inak wakichapxtaxa; pachpa nina qhanapan sarnaqapxtaxa, kawkïri nina mich'inaktix aqtayapkta uka qhanana. Ukampis taqi ch'aman Tatituw mutuyapxätam, wal t'aqhisiyapxarakïtam.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 12:13

Trigo yapuchasipxäna, ukatsti ch'aphinakak apthapxapxi, yapu luratanakapasti inamayakiwa. Nayan phiñasiñaxan nakhatap laykux yapunakan achunakapax q'ala aynacht'atawa.”

Jeremías 14:20

Tatay, nanakax juchanakax uñt'asipxtwa, nayra awkinakaxan juchapsa uñt'apxaraktwa; juma nayraqatan jucha lurapxta.

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 2:2

“Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Jeremías 2:26

“Kunjämatix lunthatax katjayasisin wal p'inqasixa, ukhamarakiw Israel markax p'inqasini, reyinakasa, jilïrinakasa, sacerdotenakasa, profetanakasa.

Jeremías 20:18

¿Kunatarak nayasti taykaxan purakapat mistpachätsti, t'aqhisiñanaka, llakisiñanak uñjañataki, jakañaxasa mä p'inqa tukuyatäñapatakisti?

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 31:19

Nayaw jumat jayarst'awayta, ukampis jichhax walpun amtta; juchax uñt'asta, ukat chuymax liq'ista; wayna kankañaxan jucha lurataxatxa, p'inqachata, jisk'achjataw uñjasta.’

Jeremías 6:26

¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Jeremías 8:14

Markasti sarakiniwa: “¿Kunatakis akar qhiparaskakiñäni? ¡Taqinis jach'a pirqan markanakar sarxañäni, ukan mäpita jiwarayistpan! Tatitu Diosasax jiwarayistaniwa; umt'añatakis jiwayir qullani uma churistu, jupa tuqi jucha luratas layku.

Jeremías 9:18

18 (17) ¡Jïsa, jank'ak jutapxpan, ukatsti jiwasat jachapxpan; nayranakasasti jachampi phuqhantatäpan, ajanunakasansti jachax warasirakpan!

Lamentaciones 5:16

¡Kunakïkan jiwasatxa! Jucha luratasat marka apnaqañsa q'al apt'astanxa.

Lamentaciones 5:7

Nayra awkinakaxaw juch lurapxäna, ukampis nanakaruw ukanakat Tatitux mutuyapxitu.

Ezequiel 2:3

akham siri: “Jaqin yuqapa, jumarusti israelitanakan ukaruw khithäma, uka israelita jaqinakasti nayatakiw sayt'asipxi. Jupanakasa, nayra awkinakapas naya tuqipuniw jichhürkam sayt'asipxi.

Ezequiel 36:32

Naya, Tatituw uk arsta: ‘Yatipxam israelita jaqinaka, janiw jumanakan ukanak katuqañamatak lurkti, jan ukasti, luräwinakamat jumanak pachpa p'inqasiñanakamatakiw lurta’ sasa.

Ezequiel 44:13

Janiw jupanakax luqtäwinak katuyañatak nayaru jak'achasipkitaniti, janirakiw nayan qullana, jan ukax qullanan qullanap yänakaxarus jak'achaskxapxaspati. Jichhax jupanakax taqi jan wali jucha luratanakapat p'inqachataw uñjasipxani.

Ezequiel 7:18

Llakisiñatsti chhankha isinakampiw isthapisipxani; janchinakapas inakiw khathatxani, p'inqasiñatsa ajanunakapax wilar tukuta, ñik'utanakapas mururataw sarapxani.

Daniel (hebreo) 12:2

Amay imäwin ikiskirinakat, waljaniw sartapxani: mayninakax wiñay jakañataki, mayninakasti wiñay p'inqachatäñataki, t'aqhisiyatäñatakiraki.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Sofonías 1:17

Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.

Romanos 6:21

ukampis ¿kuna askirak jikxatapxtasti? Jichhasti jumanakax taqi ukanakat p'inqasipxtawa, ukanakasti jiwañarukiw puriyi.

Jueces 2:2

janipuniw jumanakax uka uraqin jakirinakampix kuna arust'äwsa lurapxätati, jan ukasti altaranakap taqi tukjapxäta’ sasa. Ukampis jumanakax janiw jaysapkistati, ¡uñtapxam kuntix lurapkta uka!