Jeremías 4:1 - Qullan Arunaka DC

¹ Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Aymar Bibliia 1986

¹ Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Qullan Arunaca

¹ Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Jeremías 4:1 Jak'a apnaqawi uñst'ayäwi

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

2 Reyes 23:13

Ukatsti Josías reyix, Jerusalén markat inti jalsu tuqin utjkatayna uka yupaychañ utanak takichasirakïna, Olivos qullut aynach tuqina, ukanaksti Israelan Salomón reyipaw luratayna sidonionakan Astarté sat axtkañ diosapataki; moabitanakan Quemós sat uñiskañ idolopataki; amonitanakan Milcom sat uñiskañ idolopataki.

2 Reyes 23:24

Josías reyix layqanakampiru, yatirinakampiruw tukjäna, wila masinakan wali munat idolonakapampiru, yaqha idolonakampiru, ukhamaraki Judá uraqina, Jerusalén markan utjkän uka k'ari diosanakar yupaychañ axtkay yänaksa. Uksti Josiasax kuna qillqattix Hilquías sacerdotex Tatitun utapan jikxatkatayna ukan qillqata arunakarjam phuqhañatakiw luräna.

2 Crónicas 15:8

Asá reyisti profetan arunakap ist'asax, ch'amañchasïnwa, ukatsti Judá, Benjamín uraqinakatxa, axtkañ yaqha diosanakarux q'alpun tukjäna, ukhamaraki kawkïr markanaktix Efraín qullunakan katuntkäna uka markan utjir diosanakamppacha, ukatsti Tatitun utap nayräxankkän uka altarxa askicht'ayarakïnwa.

2 Crónicas 33:8

Israelitanakarux janiw mayampis kawkïr uraqtix nayra awkinakapar churkta ukat jaqunukkäti, jupanakatix taqi arsutanakaxaru, taqi yatichäwinak phuqhapxani, ukhamarak Moisés tuqi churawaykta uka kamachinaka, arsüwinak phuqhapxani ukapachaxa” sasa.

2 Crónicas 34:33

Josías reyix israelitanakan taqpach uraqinakapat kuna axtkañ luräwinakatix utjkäna ukanak q'al chhaqtayäna, Israelan utjiri jaqinakaparusti Tatit Diosaparuw yupaychayarakïna. Jupan jakañapkamax janiw nayra awkinakapan Tatit Diosapat saraqapkänti.

Isaías 31:6

Israelan wawanakapa, khitirutix chuymap wal ust'ayapkta ukar kuttxapxam.

Jeremías 15:19

Ukhamasti Tatitux sarakituwa: “Nayan ukarutix kuttanxäta ukkhaxa, nayax katuqxämawa, kuntix nayatak lurañamäki ukarak lurxarakïta. Jan wal arsuñamtix apanuküta, kunatix arsuñamäki ukak arsurakïta ukkhasti, jumax naya lantiw arsüta. Jupanakaw juman ukarux kuttanxañapa, janiw jumati jupanakan ukarux kuttañamäki.

Jeremías 15:4

Taqi kunanaktix jupanakar lurkä ukanakatsti yaqha markanakampix axtasiyäwa, Judá uraqinkir reyipa, Ezequiasan Manasés yuqapan Jerusalén markan jan wali luratanakap layku.

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 25:5

Uka profetanakasti jumanakarux sapxäyätamwa: ‘Jan wali sarnaqäwinakama, jan wali luräwinakam apanukupxam, ukhamat kawkïr uraqtix Tatitux jumanakarusa nayra awkinakamarus churkatayna ukan wiñayatak jakapxañamataki.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 3:12

Jichhax saram, ukatsti aka arunak yatiyanim amsta tuqinkir markaru: “ ‘Tatitux siwa: ¡Nayatak sayt'asir Israel, nayan ukar kuttanxam! Janiw nayax jumarux phiñasit chuymampi katuqkämati, janirakiw wiñayatakis q'apisitäkäti, nayax khuyapayasir Tatitütwa. Naya, Tatituw uk arsta.

Jeremías 3:14

Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 36:3

Inas ukhamat Judá uraqinkir jaqinakax kuna t'aqhisiñanaktix apayaniñ amtkta ukanak yatisin, jan wali luräwinakap apanukxapxchini, nayasti jupanakarux jucha luratanakapatsa pampachxarakirista” sasa.

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 7:3

Kuntix taqi ch'aman Tatituxa, Israelan Diosapax siski uka arunaka: ‘Sarnaqäwinakama, luräwinakam askichasipxam, nayasti jumanakarux aka uraqin jakayasipkämawa.

Jeremías 7:5

“ ‘Jumanakax sarnaqäwinakamsa, luräwinakamsa sum askichasipxam, maynit maynikamas chiqapar uñjasipxam;

Jeremías 7:7

nayasti aka uraqin jakayasipkämawa, kawkïr uraqtï nayra awkinakamar wiñayatak churkäyäta ukana.

Ezequiel 11:18

Jupanakax markapar kuttanxasinsti, ukan utjiri axtaskaña luräwinak q'al tukjapxani.

Ezequiel 18:13

qullqipsa juk'ampi walja qullqi jikxatañ layku mayt'ani; uka jaqisti jiwaniwa. Nayataki axtaskiri taqi ukanak luratapatsti jiwaniwa, jupa pachpaw jiwatapat juchanïskani.

Ezequiel 43:9

Jichhax nayat jayar jaqunukupxpan jan taqi chuymampi sarnaqañanakapa, reyinakaparu yupaychañanaka, ukkhakiw nayax jupanak taypin wiñayatak jakarakï.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Oseas 2:2

2 (4) Tatitux siwa: “¡Taykamar juchañchapxam, juchañchapxapunim, jichhax jupax janiw warmixäkxiti, janirakiw nayas chachapäkxti! ¡Yaqha chachanakampi sarnaqañap apanukxpan! ¡Jan wali warminakjam sarnaqañsa apanukxpan!

Oseas 7:16

Yaqha diosanakar yupaychiriw sarxapxi; wixru mich'inak antutt'añar uñtatäpxiwa, mich'inakapasti janirakiw kawkharutix puriñapäki ukkhar purkiti. Jan walinak parlapxatapatsti, jilïrinakapax espadampi jiwarayatäpxaniwa, Egiptonsti jupanakat larusipxaniwa.

Joel 2:12

“Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.

Deuteronomio 4:30

Kunapachatix jumanakax taqi uka t'aqhisiñanakana, llakisiñanakan uñjasisina, Tatitur kuttapxäta, iyawsapxarakïta ukkhaxa,

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

Jueces 10:16

Israelitanakasti uka k'ari diosanakxa apanukxapxänwa, Tatitur wasitat yupaychxañataki, Tatitusti israelitanakan t'aqhisiskañapxa janiw munkänti.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.