Jeremías 4:2 - Qullan Arunaka DC

² Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Aymar Bibliia 1986

² sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Qullan Arunaca

² sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Jeremías 4:2 Jak'a apnaqawi uñst'ayäwi

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

Salmos 72:17

¡Reyin sutipax wiñayatakïpan; aytat kankañapasti intir uñtat utjapunpan! ¡Taqpach markanakax jupa tuq askinak katuqapxpan! ¡Taqpach markanakasti “kusisiñanïtawa” sapxpan!

Salmos 99:4

Jumax ch'aman reyïtawa; aski kankañar munasirïtawa; jumaw chiqap sarnaqañ uñstaytaxa. Jumaw Jacobun wawanakaparux sum uñjtaxa, chiqaparuw taqi kuns tariptaxa.

Isaías 45:23

Kuntix siskta ukax chiqapawa, uka arsutaxasti phuqhasipuniniwa. Naya nayraqatan taqi jaqinakax killt'asipxani, nayarukiw yupaychapxitani. Kuntix nayax arskta ukax ukhamapunïniwa.

Isaías 45:25

Nayïpan taqi Israel markax atipjani, nayankatapatsti wal kusisirakini.”

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Jeremías 12:15

Ukham jik'inukutatsti, jupanakat khuyapayasirakïwa, pachpa uraqiparu, pachpa markaparuw kuttayanxä.

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Jeremías 5:2

Yaqhipanakax Tatitun sutipxaruw juramento lurasipki, ukampis uka juramento luratanakaparux janiw phuqhapkiti” sasa.

Jeremías 7:5

“ ‘Jumanakax sarnaqäwinakamsa, luräwinakamsa sum askichasipxam, maynit maynikamas chiqapar uñjasipxam;

Jeremías 9:24

24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Oseas 2:19

19 (21) Israel marka, taqi chuymaxampi jumar munatax laykusti, wiñayatakiw warmixar tukuyäma, kamachirjamax chiqpach warmixa.

Joel 2:12

“Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa.

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

1 Corintios 1:31

Kunjämtix Qillqatax siski ukarjama: “Maynitix jach'achasiñ munchixa, Tatitut jach'achaspan” sasa.

2 Corintios 10:17

Maynitix jach'achasiñ munchixa, Cristot jach'achaspan.

Gálatas 3:8

Qillqatax nayratpach qhanañchäna, Diosax jan judiöpkis uka jaqinakar iyawsäwi laykuw katuqarakini sasa. Nayratpacharakiw Abrahamarux aka suma yatiyäwi yatiyatayna: “Jumïpan taqpach markanakax askinakampi phuqt'at uñjasipxani” sasa.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 4:30

Kunapachatix jumanakax taqi uka t'aqhisiñanakana, llakisiñanakan uñjasisina, Tatitur kuttapxäta, iyawsapxarakïta ukkhaxa,

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

Rut 3:13

Ukhamasti, jichha arumax akar qhiparam. Arumanthiw uka wila masimax jumar arxatañ munchispa jan munchispa uk yatiñäni; janitix phuqhañ munkanixa, Tatit nayraqatan arsta, nayaw jumar arxatäma. Jichhasti qhanjtaniñapkam ikt'xam —sasa.

1 Samuel 20:3

Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.