Oseas 6:1 - Qullan Arunaca

¹ Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Aymar Bibliia 1986

¹ Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Qullan Arunaka DC

¹ Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Oseas 6:1 Jak'a apnaqawi uñst'ayäwi

2 Crónicas 30:6

Yatiyirinacasti uqhamawa sarapjjäna reyina, sirvirinacapana cartanacapampi take Israelaru, Judá orakeru, reyina amtäwipa yatiyaniñataqui, aqham sasa: “Israelitanaca: Tatitun ucar cutt'anjjapjjam, Abrahamana, Isaacana, Israelana Diosaparu, jupasti jumanacarojj cutt'anjjaraquiniwa, jumanacajj Asiriana reyinacapan amparapata jaltapctas ucanacaru.

Job 16:9

Tatitojj arcnaketuwa antutjaraquituwa, mä khoru animaljamaw ajjsarayitu. Uñisirejjäcaspasa uqhamaw uñcatitu.

Job 22:23

Jumatejj alt'at chuymani tucjjasma, ucatsti take ch'amani Diosaru cuttjjaraquisma, utamatsa take uca ñankhanacjja apanucjjaraquisma,

Job 34:29

Ucampisa Diosatejj amuct'aspa ucapachasti ¿qhitiraqui juchañchaspa? Diosatejj maysa uñtaspa ucapachasti ¿qhitirac uñjaspa? Jupajj marcanacarusa, jakenacarusa uñjascapuniwa,

Job 5:18

Jupatejj chhojjriñchi ucajja, kolljjataraquiniwa, jupatejj amparapampi nuwantchi ucajja, samarañjja churaraquiniwa.

Salmos 30:7

Tatay, qhuyapayasiñamaw nayarojj thuruñchitäna, aytat cancañamampi, ch'amamampi; ucampis ajanum nayatac imantasitam laycuw pächasiñar purta.

Salmos 6:2

Tatay, nayat qhuyapt'ayasita, ch'ama pisiw uñjasta, Tatay, wasitat c'umaraptayjjeta, takpach ch'aqhanacajjaw qhathatisqui.

Salmos 71:20

Chijinac toke irpaquipasista, jach'a llaquinac uñt'ayista, ucampis machakat jacayjjetäta, orak mankhatpach wayst'asjjetäta;

Eclesiastés 3:3

Jiwayañ horasa, kollañ horasa. Tucjañ horasa, utachañ horasa.

Isaías 17:7

Uca urunjja jakejj jupar uscuri Tatituruquiw uñtjjani, Israelan Kollan Diosaparu.

Isaías 2:3

walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.

Isaías 30:22

Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.

Isaías 30:26

Tatituw kollani ch'okantaraquini marcapan chhojjrinacapjja. Ucapachaw phajjsejj intjama khanani, intisti khanapat sipanjja pakallko uqhampwa khant'ani, pakallko intin khanapäcaspas uqhama.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 30:12

Tatitojj siwa: “Chhojjrimajj jan kollcañjamawa, usumataquejj janiw kollajj utjquiti.

Jeremías 30:17

C'umar sarnakasiñ cuttayjjaraquïma, chhojjrinacamjja nayaw kolljjäma, uñisirinacamajj kawkhas parlascpan. ‘Sionajj apanucutawa, janiw qhitis jupatjja llaquiscjjeti’ sasa. Naya Tatituw ucjja arsta.”

Jeremías 33:6

Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.

Jeremías 50:4

Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Lamentaciones 3:11

Thaquitjja maysaruw saranucuyitu, ch'iyanukaraquituwa, ¡jach'a ajjsarañampiw phokhantaraquitu!

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 12:6

Uqhamasti, Israel marca Diosamar cuttanjjam; chekpach chuymamampi asquimpiraqui sarnakam, ucatsti Diosamarupuni iyawsaraquim.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Levítico 14:48

“Sacerdotetejj uca utaru uñjiri mantasinjja, cuna kalanacatejj apsutäcjjäna, uqhamarac perkasa wasitat lluch'sutäjjäna uca khepata, ucatsti sacerdotejj amuyaraquini uca usojj jan juc'ampi akatatatapa, ucapachasti khanañcharaquiniwa uca utajj k'omäscatapa, uca usojj tucusjjatap laycu.

Sofonías 2:1

“Jumanacasti, mayaruqui tantacht'asipjjam jan p'enkan jakenaca.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

1 Samuel 2:6

Tatituw jacañjja churi, juparaquiw apakjje; sepulturcamaw puriyistu, juparaquiw jacatatayaraquistu.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.