2 Samuel 24:10 - Qullan Arunaca

¹⁰ Ucampisa Davidajj chuymapanjja juchanjamaw amuyasïna uca censo aptayasajja, ucatwa Tatitur saraquïna: —Nayajj mä jach'a jucha lurta aqham censo aptayasajja. Ucatwa Tata, jichhajj achict'assma aca uywataman juchapa perdonañamataqui, mä pisi chuyma jakjamaw cunsa lurtjja —sasa.

Aymar Bibliia 1986

¹⁰ Ucampisa Davidajj chuymapanjja juchanjamaw amuyasïna uca censo aptayasajja, ucatwa Tatitur saraquïna: —Nayajj mä jach'a jucha lurta aqham censo aptayasajja. Ucatwa Tata, jichhajj achict'assma aca uywataman juchapa perdonañamataqui, mä pisi chuyma jakjamaw cunsa lurtjja —sasa.

Qullan Arunaka DC

¹⁰ Davidasti taqi jaqinak jakthapiyasax chuymapan jan wali luratap amuyasïna, ukat Tatitur arsusxäna: “Tatay, nayax uk lurasax mä jach'a jucha lurta, ukampis Tatay, juchaxat pampacht'itaya, jan amuyt'asir jaqjamaw uk lurta” sasa.

2 Samuel 24:10 Jak'a apnaqawi uñst'ayäwi

2 Samuel 12:13

Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.

2 Samuel 24:17

Cunapachatejj Davidajj uca marcaru ñankha lurir angelaru uñjcän ucapachasti saraquïnwa Tatiturojja: —¡Nayaw jucha lurtjja! ¡Nayaw juchanïtjja! Ucampisa ¿cunsa aca jan juchaninacajj lurapjje? ¡Nayasti achict'asiracsmawa, mutuñamajj nayjjaru, uqhamaraqui familiajj-jjaru puriñapa! —sasa.

1 Reyes 8:35

“Cunapachatï jallojj jan purcjjaniti marcamajj juma toke juchanac lurapjjatap laycu, ucatsti marcamajj aca chekawjanwa oración lurani, sutimsa yupaycharaquini, uqhamarac juchanacapatsa arrepientisipjjani juman mutuyatamata ucqhajja,

1 Crónicas 21:7

Diosataquejja take ucanacajja jan walïnwa, ucatsti Israel marcarojja mä mutuyäwi apayanïna.

1 Crónicas 21:8

Ucampis Davidajj Diosarojj takwa arsjjäna: —Nayajj jach'a juchwa uqham lurasinjja lurta. Ucatwa jichhajj achict'assma aca sirvirimana juchapa perdonañamataqui, nayajj mä jan wali amuyt'an jakjamawa lurta.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

2 Crónicas 32:26

Ucampis Ezequiasajj jach'a jach'a tuccasinsa jupajj jisc'aruw tucüna Diosan nayrakatapana, uca pachparaquiw Jerusalenanquir jakenacasa lurapjjaraquïna. Ucatsti Tatitojj Ezequiasan jacäwipanjja janiw colerasiñapjja jupanacjjaru apayancänti.

Job 7:21

¿Janit juchajjatsti perdonquitasmasti? ¿Cuna ñankhanactejj lurcta ucanacatsti janit perdonañ munquistasti? Nayajj janc'aw lak'ar uñtata tucusjjäjja, thakquität ucapachasti, janiw utjcjjäti.”

Salmos 32:5

Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.

Éxodo 10:16

Ucatsti faraonajj janc'aquiw Moisesampir, Aaronampir jawsayanisajj säna: —Nayajj jumanacan Tatitu Diosam contraw jucha lurta, uqhamarac jumanac contraraqui.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Joel 2:12

“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Números 12:11

Moisesarojj saraquïnwa: “Achict'asipjjsmaw Tata, jan mutuyapjjestati pisi amuyumpi jucha lurapjjatanacajjata.

Marcos 7:22

lunthatasiña, jaken yänacap munaña, luraña, sallkjasiña, k'añu luraña, envidiasiña, c'ari arunac apnakaña, jach'a jach'a tucuña, jan amuyunjam sarnakaña.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 8:9

Jupanacasti uc ist'asinjja, maynit maynit sarjjapjjäna, nayrakatasti sarjjapjjänwa jilïri jakenaca. Takeni sarjjapjjepansti Jesusajj sapaquiw uca warmimpi kheparjjäna.

Deuteronomio 32:6

¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.

1 Samuel 24:5

ucampisa uca qhuchhokatatsti wali amtaraquïna chuymapanjja.

1 Samuel 24:6

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.

1 Samuel 26:21

Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.