Joel 2:12 - Qullan Arunaka DC

¹² “Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa.

Aymar Bibliia 1986

¹² “Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Qullan Arunaca

¹² “Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Joel 2:12 Jak'a apnaqawi uñst'ayäwi

2 Samuel 24:10

Davidasti taqi jaqinak jakthapiyasax chuymapan jan wali luratap amuyasïna, ukat Tatitur arsusxäna: “Tatay, nayax uk lurasax mä jach'a jucha lurta, ukampis Tatay, juchaxat pampacht'itaya, jan amuyt'asir jaqjamaw uk lurta” sasa.

2 Crónicas 30:6

Ukhamawa, yatiyirinakax reyina, jilïr yanapirinakapampin qillqatanakap apasin taqpach Israel, Judá markanakar sarapxäna, reyin amtäwipa yatiyaniñataki, akham sasa: “Israelitanaka: Tatitun ukar kutt'anxapxam, Abrahamana, Isaacana, Israelana Diosaparu, jupasti jumanakarux kutt'anxarakiniwa, Asiria reyinakan amparapat jaltanipktas ukanakaru.

2 Crónicas 6:27

jumax alaxpachatpach ist'am, ukatsti Israel markaman juchanakap pampacham, aski thakhinjam sarapxañapatak yaticharakim. Ukatsti markamar juman churata tuti uraqirux jallsa purxatayarakim.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Éxodo 33:5

Tatitusti Moisesaruw satayna: —Israelitanakar akham yatiyam: “Jumanakax sinti jan ist'asir jaqinakäpxtawa. ¡Nayatix mä juk'a pachakis jumanak taypinkiristxa, mäkiw tukjapxirisma! Ukhamasti suma quri yänakam apaqasipxam, ukat nayax jumanakamp kun lurañsa yatï” —sasa.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 58:4

ayunañ urunxa jumanakax ch'axwañanakana, jucha lurañanakan sarnaqapxtaxa, jiwayañatakjamaw nuwantasipxtaxa. Ukham ayunañ urunxa, janiw nayax mayisitanakam ist'kiristti.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 4:1

Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Oseas 12:6

6 (7) Ukhamasti, israelitanaka, juchanakamat pampachayasiñatak Tatitur mayisipxam; chiqpach chuymamampi, askimpirak sarnaqapxam, ukatsti Tatitumarupun alkatasipxarakim.

Oseas 12:7

7 (8) Tatitux siwa: “Canaán jaqinakax k'ari tupuñanak apnaqañ yatipxi, sallqjañ munapxapuniwa.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Zacarías 7:3

taqi ch'amani Tatitun utapankir profetanakampiru, sacerdotenakampir akham jiskt'añapatakiraki: “¿Nanakax sapa mara phisqa phaxsi saraqataru, jachañampi ayuno lurañampi phuqhasipkakïti, kunjämatix jichhakam lurasipkta ukhamxa?” sasa.

Zacarías 7:5

“Taqi markpacharu, sacerdotenakampir akham sarakim: ‘Jumanakax phisqïri, paqallqüri phaxsi saraqataruw ayuno lurañsa, jachañsa phuqhapxtaxa, ukat jichhakamax paqallqu tunka maräxiwa. Ukampis janiw nayar jach'añchañatak lurapktati,

Malaquías 1:9

Jumanakasti jichhax Diosaruy mayisipxam, jiwasat khuyapt'ayasiñapataki. Ukampis jumanakatix ukhama jan wali waxt'äwinak churasipkäta ukkhaxa, jan amuyapxamti Tatitun uka waxt'äwinaka suma chuymampi jumanakat katuqasitapa.

Hechos 26:20

Ukatsti, Damasco markankirinakaruw nayraqat Tatitun arunakap yatiyta, ukxarusti Jerusalén markankirinakaru, Judea uraqinkirinakaruw yatiyarakta, jan judiöpkis ukanakarusa, jan wali luräwinakap apanukusin Diosar kutikipstapxañapataki, kutikipstapxatapat aski luräwinakamp uñacht'ayasa.

Jueces 2:4

Angelax parlañ tukuykän ukkhaxa, israelitanakax taqiniw wali jach'at wararis jachapxäna.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.

1 Samuel 7:6

Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.