Joel 2:11 - Qullan Arunaka DC

¹¹ Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Aymar Bibliia 1986

¹¹ Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Qullan Arunaca

¹¹ Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:11 Jak'a apnaqawi uñst'ayäwi

Salmos 18:14

14 (15) Mich'inakap antutt'asaw uñisirinakaxar tutuktayäna.

Salmos 46:6

6 (7) Markanakax uxuwa, reyinakasti khathatiwa, uraqix khathatiwa, ch'aman arup ist'asiyki ukapachaxa.

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Isaías 13:4

Qullunakansti walja jaqinakan arnaqasitanakapaw ist'asi. Markanakan uxutanakapaw ist'asi, kawkïr markanakatix tantacht'aski ukanakata. Taqi ch'aman Tatitusti soldadonakaparux uñakipiwa, nuwantañatakix wakicht'atäpxiwa.

Isaías 42:13

Tatitusti mä atipirjamaw mistunini, taqi ch'amampiw nuwasir jaqjam nuwasini; nuwantañatakiw art'ani, uñisirinakaparusti atipjaniwa.

Isaías 7:18

Uka uru purinxan ukkhasti, Tatitux Egiptonkir ejercitoruw jawsani, jupanakasti chhichhillankhanakar uñtataw jutantapxani; Asirian ejercitoparusti wayrunqunakar uñtat jutayarakini.

Jeremías 25:30

“Jumasti Jeremías, taqi akanak nayan sutixar yatiyaskakim, jupanakarusti sarakim: ‘Tatitux jach'a arupampiw arsu, alaxpachatpacha, kawkhantix jakki uka qullan chiqatpacha. Tamapatakix kunjämatix uva ch'irwirinakax arnaqasipxi ukhamaw arnaqasi, taqi jaqinakatakiw arnaqasi.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Ezequiel 22:14

Jumaru mutuyañ amtkä ukkhax, janiw ch'amamax nayar saykatañatakix utjkaniti. Naya, Tatituw uk arsta, arsutaxsti phuqhapunïwa.

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Joel 1:6

T'iju t'ijunakasti ch'aman ejercitor uñtata, ari lakan leonanakjamaw markaxar t'unjañatakix muyunti.

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Joel 2:25

“Jumanakar tukjañatak t'iju t'ijunak khithankta uka maranakatxa, nayaw kuttayxapxäma.

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Joel 3:14

14 (14) Tatitun urupan jak'ankxatapatxa, walja jaqinakaw Taripäwi sat qhirwan tantacht'atäpxi.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Amós 5:18

¡Ay kunakïkan Tatitun urup puriniñap munirinakatakixa! ¿Kunjämäkanitix jumanakatak uka urux uk yatipxtati? Uka urux ch'amakäniwa, janiw qhanäkaniti.

Amós 5:20

Jïsa, Tatitun urupax ch'amakäniwa; janiw qhanäkaniti; laxa ch'amakaruw tukuni, janiw akch'a qhanas utjkaniti.

Abdías 1:15

“Kunjämtix mayninakar lurkta ukham luratarakiw uñjasïta; ¡luratamatjam jichhax katuqäta! “Tatitun urupax niya jak'ankxiwa, taqi markanakar taripañataki.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Números 24:23

Tukuyañatakisti, Balaamax wasitat arsüna: “¡Ay, kunakïkan jakir jaqinakatxa, Tatitux taqi akanak lurkan ukapachaxa!

1 Tesalonicenses 4:16

Mä jach'a aruw ist'asini, mä arcangelan arupa, Diosan trompetapan phust'atapampi, ukatsti pachpa Tatituw alaxpachat saraqanini. Cristor iyawsas jiwirinakax nayraqat jaktani;

Apocalipsis 18:8

Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

Apocalipsis 6:17

Jach'a t'aqhisiñ urux purinxiwa, ¿khitirak mutuyäwitak sayt'asispasti?” sasa.