Joel 2:10 - Qullan Arunaka DC

¹⁰ Aka uraqisti jupanak uñjasax khathatiwa, alaxpachas axsarañat chhijthaptiwa, intisa, phaxsis ch'amakt'xiwa, warawaranakas janirakiw sum k'ajtkxiti.

Aymar Bibliia 1986

¹⁰ Aca orakesti jupanac uñjasajj qhathatiraquiwa, alajjpachas ajjsarañatsa qhathatiraquiwa, intis, phajjsis ch'amact'iwa, warawaranacas janiraquiw sum c'ajcjjeti.

Qullan Arunaca

¹⁰ Aca orakesti jupanac uñjasajj qhathatiraquiwa, alajjpachas ajjsarañatsa qhathatiraquiwa, intis, phajjsis ch'amact'iwa, warawaranacas janiraquiw sum c'ajcjjeti.

Joel 2:10 Jak'a apnaqawi uñst'ayäwi

Salmos 114:7

¡Uraqi, Tatitun nayraqatapan khathatim, Jacobun Diosap nayraqatan axsartam!

Salmos 18:7

7 (8) Ukapachaw uraq khathatix utjäna, qullunakasti saphitpach unxtäna; Tatitun q'apisiñapampi khathatiyatäpxänwa.

Isaías 13:10

Uka urux intis ch'amaktxaniwa, phaxsis janiw qhantkxaniti, warawaranakas janirakiw juk'amp qhankxaniti.

Isaías 34:4

Alaxpachankir warawaranakax t'unthaptaniwa, alaxpachasti mä papeläkaspas ukhamaw llawthaptani, taqi warawaranakas janiw qhankxaniti, kunjämtix uva alina, higo alin laphinakapax wañsusin willirtki ukhama.

Isaías 5:30

Kunapachatix chimpt'at urux purinkan uka uruxa, uka markax jach'a qutar uñtataw Israel markatakix qhuthutini, aka uraqisti q'ala ch'amakt'ayatäniwa, ch'iyara ch'amak qinayanakamp chhaqtayatäniwa.

Jeremías 4:23

Uraqi uñatatta, ukasti jan amuykaña ch'usa wasarar tukutänwa; alaxpacha uñtarakta, ukansti janiw kuna qhanas utjkänti.

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Amós 5:8

Tatituw jan jakt'kay warawaranak luri, jupaw ch'amak arumar qhanjtayi, uru qhansti ch'amak arumar tukuyaraki; qutankir umanaksa qinayanak tuqiw waña uraqir warxati; jupaw ch'aman jaqinakarux atipji, markan jach'a pirqanakapsa allinuku. Sutipasti, Tatitu Diosawa.

Nahúm 1:5

Jupa nayraqatanxa qullunakas khathatiwa; nayräxapansti jisk'a qullunakas chullutatawayxakiwa. Taqi aka uraqpachan jakirinakasa jupar uñjasax wal khathatipxi.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Mateo 27:51

Ukapachaw Tatitun utapankir jach'a cortinax payar ch'iyjtäna, amstat qalltasina aynachar tukuyasa. Uraqix khathatïnwa, qarqanakas ch'iyatattänwa,

Hechos 2:20

Tatitun jach'a qhapaq urupa janïr purinkipansti, intix ch'amakt'aniwa, phaxsis wilaruw tukuni.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 6:12

Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 9:2

Ukatsti uka ch'amak manqha jist'aräna, uka ch'amak manqhatxa jiwq'iw mistüna mä jach'a hornot mistunkaspa ukhama; uka jiwq'iw intiru, saman thayar q'al ch'amakt'ayäna.