Joel 2:13 - Qullan Arunaca

¹³ ¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Aymar Bibliia 1986

¹³ ¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Qullan Arunaka DC

¹³ ¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Joel 2:13 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 37:34

Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

2 Samuel 1:11

Uqhamasti Davidajj, jupampïpcäna uca jakenacasa isinacapwa llaquisiñatjja ch'iyanokasipjjäna.

1 Reyes 21:27

Cunapachatï Acab reyejj take uca arunaca ist'äna ucqhajja, isipjja ch'iyanokasïnwa, ucatsti chhanqha isinacwa uchasïna, uqhamarac ayunaraquïna. Uca isimpiraquiw iquiraquïna, wali llaquitaw sarnakaraquïna.

2 Reyes 22:11

Ucat reyejj ley librojj cuntï siscäna ucanac ist'asinjja, isipwa ch'iyanokasïna.

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Reyes 5:7

Cunapachatï Israel reyejj carta leet'äna ucqhajja, isipwa ch'iyanokasïna llaquisiñapa uñacht'ayasina, aqham sasa: “¿Nayasti jacaña churiri, uqhamarac jacaña apakeri Diosättisti, jupan aca chacharu qhithaniñapataqui lepra usupata kollañajjataquisti? ¡Sum amuyapjjam, ucatsti uñjapjjaraquim cunjämsa naya contrajj jan walt'aña thakejja uca!”

2 Reyes 6:30

Reyisti uca warmina arunacapa ist'asinjja, isinacapjja ch'iyanokasïnwa colerasiñapa uñacht'ayañataqui. Jupasti perka patancascänwa, ucatsti jakenacajj uñjapjjänwa k'ara janchiruqui chhanqha isimpi isthapitätapa.

2 Crónicas 6:27

jumajj alajjpachatjja ist'am, ucatsti pampacharaquim Israelan sirvirinacaman juchanacapjja, ucatsti yaticharaquim asqui thaquinjam sarapjjañapataqui. Ucatjja jalljja puriyjjaraquim marcamar herenciat aca orake churctas ucaru.

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Salmos 103:8

Tatitojj munasiriwa, qhuyapayasiriwa, janiw mäc k'apisirïquiti, qhuyapayasiñan phokhantatawa.

Salmos 106:45

jupanacamp arusjäwi luratat amtasïna, jach'a qhuyapayasiñampiw ch'alljjtayasïna:

Salmos 34:18

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Salmos 51:17

Diosatac chekpach loktäwejj cutiquipstat chuym loktañawa. Diosay, llamp'uptat chuymarojj janiw jumajj jisc'achctati.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 58:5

¿Jumanacasti amuyapjjtati cawquïri ayunañatejj llact'ata jicjjatasiñäqui, p'ekes mä alir uñtata alintata, uqhamaraqui llaqui isimpi isthapita khelljjan iquiñäqui ucajj cheka ayunütapa? ¿Ucaruti jumanacajj ‘Ayuno’ sapjjta? ‘¿Tatitun suma urupa sapjjaracta?’

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Jeremías 36:7

inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.

Jeremías 41:5

ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Jeremías 42:10

‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Jonás 3:9

Inach Diosajj perdonistani, jach'a colerapsa apartayasjjaraquispa, uqhamat jani jiwarañasataqui” sasa.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Nahúm 1:3

Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Números 14:18

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Romanos 2:4

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Efesios 2:4

Ucampis Diosajj jach'a qhuyapayasiñaniwa, walrac munasiraquistu.

1 Timoteo 4:8

Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.