1 Samuel 7:3 - Qullan Arunaca

³ ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.

Aymar Bibliia 1986

³ ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.

Qullan Arunaka DC

³ Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.

1 Samuel 7:3 Jak'a apnaqawi uñst'ayäwi

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

1 Reyes 11:33

Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.

1 Reyes 8:48

ucat take chuymapampi jumaru cutt'anjjapjjätam take jacañapampi, cawqharutejj t'akhesiñapataqui apanuccta, ucattï oracionana mayisipjjätam nayra awquinacaparu aca orake churcäyäta uca toke uñtata, jumataqui lurcta uca templo uñtataraqui ucqhajja,

2 Reyes 17:39

jan ucasti naya Tatit Diosamaruqui yupaychapjjeta, nayasti ucatjja uñisirinacaman amparapatjja khespiyapjjämawa” sasa.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

1 Crónicas 22:19

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 19:3

Ucampis yakha suma luratanacamawa jumanjja utji, jumasti Asera diosan lantinacapajj aca orakena utjcäna ucanacaruwa tucjtajja, uqhamarac Tatitur thaktañarusa uchasiractawa —sasa.

2 Crónicas 20:33

Ucampis yakha diosanacan santuarionacapajja janïrawa aparpayatäcänti, marcasti janiw suma thurt'atäcänti nayra awquinacapan Diosapar arcañataquejja.

2 Crónicas 30:19

nayra awquinacapan Tatit Diosapa, janisa jupanacajj k'omachasipcchi, cunjämtï kollan templojja maycchi uqhamaru ucasa” sasa.

Proverbios 16:1

Jakejj chuymapanjja cunanac lurañataquis amtaquiwa, ucampis Tatituw munañani uca amtäwiru phokhasiñapataquisa jan phokhasiñapataquisa.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 36:3

Inasa uqhamat Judá orakenquir jakenacajj cuna t'akhesiñanactejj jupanacjjaru apayaniña amtcta ucanac yatisajj, jan wali luräwinacapa apanucjjapjjchini, ucatsti nayajj jupanacarojj ñankha luratanacapatsa, jucha luratanacapatsa perdonjjaraquirista” sasa.

Jeremías 4:1

Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Ezequiel 14:6

Ucat jichhajj israelitanacaru saraquim: ‘Aqham siw Tatitojja: Nayan ucaru cuttanjjapjjpan; yakha diosanacapsti apanucjjapjjaracpan, uca ajjtascañ luräwinacapsa apanucupjjaracpan.’

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Mateo 15:8

‘Aca jakenacajj lacapampiquiw jach'añchapjjetu, ucampis chuymanacapajj nayatjja jayanquiwa.

Mateo 4:10

Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.

Lucas 4:8

Jesusasti ucjjarojj Supayarojj siwa: —Saraket nayat, Supaya; Kellkatanjja siwa: ‘Tatitu Diosamaruw yupaychäta, jupa saparuquiraquiw sirvïta’ —sasa.

Juan 4:24

Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

Deuteronomio 10:20

“Tatitu Diosamarojj jach'añchapjjam, yupaychapjjaraquim jupa saparuqui servipjjam; ucatsti cunapachatï juramento lurapjjäta ucqhasti Diosan sutipjjaru lurapjjaraquim.

Deuteronomio 13:4

Tatitu Diosama saparuqui arcapjjam, jach'añchapjjaraquim, ist'apjjaraquim camachi arunacapsa, jaysapjjam juparu ucatsti yupaychapjjaraquim, uqhamaraqui juparu chict'atapuni jacapjjaraquim.

Deuteronomio 4:29

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.

Deuteronomio 6:13

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

Josué 13:31

uqhamaraquiw Galaad orakesa chicatpacha churatäna, Astarot, Edrei sat marcamppacha. Take uca orakenacasti Maquir sat jaken chicat familiapataquïnwa, cawquïritï Manasés chachan wawapäcäna; kawkha wawanacapay utjchi uqhamarjama.

Josué 24:14

Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

Josué 24:23

—Jichhasti jumanac taypitjja apanucupjjam uca yakha diosanacaru, ucatsti Israelan Tatitu Diosaparu take chuymampi arcapjjam —sasa.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:13

Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

1 Samuel 31:10

Saúl reyin armanacapsti Astarté diosan temploparuw uchapjjaraquïna, amayapsti Bet-sán perkaruw warccatapjjaraquïna.