1 Samuel 7:2 - Qullan Arunaca

² Pä tunca maraw pasjjäna cuna urutejj Tatitun arcapajj Quiriat-jearim satäqui uca chekaru uscutatjja, take Israel marcpacharaquiw Tatituru walpun thaktapjjaraquïna;

Aymar Bibliia 1986

² Pä tunca maraw pasjjäna cuna urutejj Tatitun arcapajj Quiriat-jearim satäqui uca chekaru uscutatjja, take Israel marcpacharaquiw Tatituru walpun thaktapjjaraquïna;

Qullan Arunaka DC

² Arcax pä tunk maraw Quiriat-jearim chiqankäna, ukatsti Israel markpacharakiw Tatiturux walpun thaqtapxäna.

1 Samuel 7:2 Jak'a apnaqawi uñst'ayäwi

1 Crónicas 13:3

Diosasana arcapa aptasinjjañasataqui. Uca arcasti Saúl chachajj reyïcäna ucqhatpachwa armjjayätanjja” sasa.

1 Crónicas 13:5

Davidasti take Israelpacharuwa tantacht'äna, Sihor chekata Egiptompi korpäqui ucqhata Hamat uca chekaru mantañäquis ucacama, Diosan arcapa Quiriat-jearim uca chekat aptanjjañataqui.

Jeremías 26:20

Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja.

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 31:9

Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.

Mateo 5:4

“Cusisiñanïpjjew jachirinacajja, jupanacasti Diosampi chuymachatäpjjaniwa.

Josué 9:17

Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.

Jueces 2:4

Angelajj uqham parlaña tucuyjjepansti, takpach israelitanacaw wali jach'at wararisina jachapjjäna.

1 Samuel 7:1

Uqhamasti Quiriat-jearim chekan utjasir jakenacajj jutasinjja Tatitun arcapjja apasjjapjjänwa, Abinadab sat jaken utaparuw jaytapjjaraquïna, ucasti mä kollu patancänwa; Eleazar yokaparuraquiw Tatitur catuyapjjäna uca arca uñjañapataqui.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.