Jueces 20:26 - Qullan Arunaca

²⁶ Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

Aymar Bibliia 1986

²⁶ Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

Qullan Arunaka DC

²⁶ Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Jueces 20:26 Jak'a apnaqawi uñst'ayäwi

Génesis 28:19

Uca chekansti nayrajj mä marcaw utjatayna, ucasti khana marca satänwa, ucampis Jacobojj uca marcan sutipjja trocänwa Betel sutimpi.

2 Samuel 3:35

Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

2 Crónicas 20:3

Josafat reyisti walwa ajjsarayasïna, ucatsti Tatitur maqhatjjawa amtasïna. Ucatjja ayunañataquiw take Judá orakpacharu yatiyäna,

Esdras 8:21

Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Jeremías 36:9

Joacim chachan Josías yokapajj Judá orakena pheska mara reyïcän ucapachaw, llätunquïri phajjsinjja mä amtäwejj misturaquïna take qhitinacatejj Jerusalén marcan jacapqui, uqhamaraqui Judá orakena marcanacapata jutapqui ucanacajj ayunapjjañapataqui Tatitu nayrakatana.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Josué 24:1

Josué chachasti take Israelan tribunacaparuw Siquem oraken tantachthapïna. Jawsayänwa awquinacaru, uqhamaraqui jilïri jakenacaru, juezanacaru, kellkerinacaru, ucatsti Diosan nayrakataparuw uñstapjjäna.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 20:25

Ucampis Benjamín tribunquirinacasti wastatampiw tunca quimsakallkon waranka israelitanaca jiwarayapjjaraquiquïna.

Jueces 21:2

Ucatsti Betel marcaru sarasinjja Diosan nayrakatapanwa arumcama jachapjjäna:

Jueces 21:4

Ucat khepa urusti israelitanacajj wali alwata sartasinjja mä altara lursupjjäna. Ucatwa Diosaru holocausto sat sacrificionacjja loktapjjäna sumancañataqui.

1 Samuel 11:4

Qhitatanacasti cawqhantejj Saúl waynajj jaccäna uca Gabaa sat chekaruw puripjjäna; ucan jakenacaruw cunatejj pascatayna take ucanac yatiyapjjäna. Takeniw ucanac ist'asajj wali jachapjjäna.

1 Samuel 7:6

Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.