Daniel (hebreo) 9:3 - Qullan Arunaca

³ Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Aymar Bibliia 1986

³ Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Qullan Arunaka DC

³ Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Daniel (hebreo) 9:3 Jak'a apnaqawi uñst'ayäwi

2 Samuel 12:16

Ucapachaw Davidajj Diosarojj wali achict'asïna, ayunasina orakeru iquisina.

Esdras 10:6

Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Esdras 8:21

Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Esdras 9:5

Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Nehemías 9:1

Uca pachpa phajjsïri pä tunca pusini urunaca sarakataru ucqhajja, israelit jakenacajja tantachasipjjänwa ayunañataqui; jupanacasti isthapisipjjänwa chhanqha isinacampi, uqhamarac p'eke patanacaparusa lak'ampiwa willjjatasipjjäna.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Salmos 35:13

Nayajj jupanacar usuntir uñjasajja, walpun llaquisïyäta, qhanqha isimpiw isthapisïyäta, janiw mank'cäyätsa, chuyma mankhejjansti, janiw Diosat mayirapiñ karjascäyätti.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Daniel (hebreo) 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Daniel (hebreo) 9:2

Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Joel 1:13

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 2:12

“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Jonás 3:5

Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Mateo 17:21

[Aca casta ajayusti oracionampi, uqhamarac ayunompiquiw alissutäspa.]

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Hechos 10:30

Corneliosti ucjjarojj sänwa: —Niya pusüröjjewa, cunapachatï nayajj utajjana aca quicpa horasana ayunascäyäta, uqhamarac jayp'u token quimsa horasan oracionsa lurascäyäta, ucapachasti mä khanquir isin chachaw nayar uñstitu.