NEHEMIA 13:22 - ASII LAKDAP Bible (BSI) Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq Hawa Naga Bible 2001 Vguilc Raungnuiyq vsawc yaungc tvkoc Lewi miqsaz muex miqmac gvnz kuex kvsawc nawc vtueq palx kaluix htenc kuex bvmc kay tvkoc ngaz rueq nvr tauk. O Tishox lex, vruex ningkhvnc nuex ngaz muex rvwvl koq, mlungwawc yunghvlc htauk maq ngaz muex menjenc kuq koq. |
“Tatiwe lei, ngi ka ümwokhong na silata ümniika ka tsapkapkap maq shiikum wan kang kra tsan na tiitsang laq. Kiimaq ümniiraq ngi ma jamlai jaqsham wa thaü tlaü kra ümniiraq athithi niili sham wan kang.” Kiimaq apaiq ka atsan tiitsi raüta aho gushgu she hoqhoto.
Raütiishe Josia raq Ramwe Ajong Pinthumwe Hilkia, kiimaq apaiq khrumti ramwebi thun kiimaq kintsongti Shomjam kilamchong khetibi thun ma, Shomjam mong na ümchuwa Baal phra shomnoq chang hupsam thun, kiimaq jechak phra Ashera shomnoq chang hupsam thun, kiimaq raiqsaiq thun shomnoq chang hupsam thun kra lamwa rongkiq nguta aming kuqto. Raüta hokhamwe raq kriithun ka chela kinphai na Kidron raise wii tho na wa maq chaqbaiqto. Raüta kra wabun ka Bethel chela na tlam wanto.
Raütiishe ramwebi raq chhechhi kong kra tato. Raüta kra ngam tiijai ka berong-wacha na nyukto. Arka mungmaiqse ngarai tiisiibaiq miitu riito. Jamkhano ngukla hokhamwe raq wiipumtam maq wa na chaqtlii nai Israil mungmaiqse tlotli ngarai miitu honglu keraa nguta aming kuqto.
Hejekia raq wiipumtam maq chaqtlii honglu thun ka kuq ronglaq nguta aming kuqto. Kiimaq kra honglu she takuq phawan kiita mungmaiqse raq Tatiwe shomra shinge shito. Kiimaq ashi angeti kong raq paison thun nai laihin tsüngii chang phan thun kriishe tsüto.
Hokhamwe raq nai mung welabi raq Lewinok ma Dawit raq awaiq thü Tatiwe tiitsam shi thun kra kiimaq shammiwe Asaph raq awaiq thü kra shirong laq nguta chongto. Krai mren maiq loweatek raq chojong chise maq tsangshiq ka hiq na lakütsrong raüta Shiikeawe shomnoq lam maq shingeto.
Krai mren, ramwebi, kiimaq Lewinok raq, ngarai shiikhoi wan miitu, tsangshiq maiqmii khum tiisii wan, kiimaq mungmaiqse khum tiisii wan, kiimaq, Jerusalem chela ruk kilamchong thun kra tiisii wan, kiimaq chela tro ruk kra tiisii wan miitu, ramram wanto.
Shiikeawe lei, ngi raq üm Shomjam miitu nai noqku miitu arthun jaqsham tiikang ara ümtsan na tiitsang thü laq.
Kiimaq, honglu kuq tlaq kra, chaq chang chin raa tlaq kra, akhing khaq khaq na Shomjam na chomke wan miitu, jaqsham ka aphea riikuq kang. Kiimaq mungmaiqse raq, raipo wonglo tsikhu wa tsamnye jut tlaq kiiwa kuq tlaq kra, kiimaq petsi wiqtsam tsikhu wa honglu na kuq tlaq kra tsapkapkap maq, akhing khaqkhaq na kewan raa nguta jaqsham ka aphea riikuq kang. O, Shiikeawe lei, ngi raq arthun jaqsham wan tiikang ara, ümtsan na tiitsang shat riilaq. Laüta, ngi ma ana tokuq laq.
O, sanseng ramungtan na siti Shiikeawe lei, ngi raq mungmaiqse miitu ümtinkhan wa jaqsham athuk atsom shamkuq wan kang kra, ümtsan na tiitsang laq nguta achu jaü tiikang.
Israilnok lei, Tati ma kamronglaq, jamkhano ngukla apaiq lungwii ka tiipitmak phan kiimaq apaiq riika wranaiqshe tiichhii kuqruq.
Shatmaq üm lungwiitsii jonghea kha maq ngi ka ümjam mong na walot tiikang; lata ngi raq asii üm Shomjam maq shomnoq tiikang kiimaq shreng lata bumtlii ümnaq noq tiikang.
Ngi tiihang kuqlaq, O Shiikeawe lei, ümnaq tiipitmaü mangchan wokhong maq. Ümnaq tiihang mangchan jonghea kha maq ngi ngarai thun ka tatbaiqlaq!
“Tsan na tiitsanglaq, Tatiwe lei, ngi raq ümniika tsapkapkap maq shiiliwan kang kiimaq ümwokhong na silata jaq sham wan kang ira. Kiimaq ümniiraq athithi niili ngi raq wranaiqshe jaq sham wan kang.” Raüta apaiq ka kai aho gushgu she hoqto.
Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”
Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.
Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.
“‘Asii Niitiitsak Ranaiq ka langlaq. Kiimaq asii thülaq. Ngi Tatiwe üm Shiikeawe raq aming kuqkang kra phan phan thülaq.