NEHEMIA 13:22 - Hawa Naga Bible 2001

²² Vguilc Raungnuiyq vsawc yaungc tvkoc Lewi miqsaz muex miqmac gvnz kuex kvsawc nawc vtueq palx kaluix htenc kuex bvmc kay tvkoc ngaz rueq nvr tauk. O Tishox lex, vruex ningkhvnc nuex ngaz muex rvwvl koq, mlungwawc yunghvlc htauk maq ngaz muex menjenc kuq koq.

ASII LAKDAP Bible (BSI)

²² Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

NEHEMIA 13:22 Referencias Cruzadas

2 HOKHVMX 20:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

2 HOKHVMX 23:4

Kvruex yimaq Josia rueq Bala muex muinz, Asher tishox nyuiuz muex muinz, ruiysuiyq htenc muex muinz nawk palx shuex nuex shuimx yaq taungx vwawx lotlaz kuex Shomc Yuimx yuz phic nuex tvdungc gay tvkoc Shomc Wayungx Hilkia nuiyc piq yauk khung wawc shomc waz bix, Shomc Yuimx nuex nyuip waungc juing kaluix nuex yauk shuimc aungx yaq vbvmc jix hez muex nvr tueq. Hokhvmx waz rueq kvruex taungx vwawx htenc lotlaz kuex ghaqyungx phic wawc Kidron warc hep nuex jauk gay kaz tueq, wvr buinx kuex Bethel ghaq nuex lvmz laq tueq.

2 KAÜWA WERAÜ 29:24

Kvruex yimaq miq lotlaz mvrax kvdawc laung nuex shomc waz bix rueq khelkhix htenc kuex thvt ruiux, kvruex tvguiy htenc kuex shomrawx htauk nuex shomc nawk kuy juing muex shvy wuez tueq, yvmx khoc lac ngoz ruiux lec hokhvmx waz rueq Israel lotlaz tvkoc nuex wvr maq jauk shomc kuy nuiyc mvrax kvdawc shomc kuy tvkoc nvr tueq.

2 KAÜWA WERAÜ 29:27

Hezekia rueq wvr maq jauk shomc kuy tvkoc nvr tueq rulc rv-ngvlc shomc kuq phaungc wvnc tueq nuex, miq htenc rueq muinz Yehowa muex tvtsvmc shic shix wuez tueq, vshic vngoyc jix hez kuex bolic htenc nuiyc vganc vtuimc vtvlc juing htenc kuex tuimz tvlx wuez tueq.

2 KAÜWA WERAÜ 29:30

Hokhvmx waz nuiyc vphvnx htenc wawc walaungx bix rueq Dawid nuiyc shvmmax Asap rueq vtvkuiux shec shic kvmaq Yehowa muex tvtsvmc shic tvkoc Lewi miqsaz htenc muex jungx tueq. Kvkhoc rvtueq miq ruip rawx kuex pinhtumc kokez vtueq shix ruiux Tishox muex kuix tsvrung nuex bumx vtueq nawk palx kuq wuez tueq.

NEHEMIA 12:10

Yoshua kuex Joiakim waz rvtueq; Joiakim kuex Eliashib waz rvtueq; Eliashib kuex Joiada waz rvtueq;

NEHEMIA 12:30

Shomc waz bix nuiyc Lewi miqsaz htenc kuex htungx vlayx rulc rv-ngvlc tsuingshiq shauk gvnz htenc kuex tvsawc nawc ruiux, mungx miqsaz htenc muinz, palx kaluix htenc nuiyc ghaqyungx palx ruk kvmuinz shuimx lvmz wuez tueq.

NEHEMIA 13:14

Ngvy Tishox lex, mshomc yuimx nuiyc nawk palx tvkoc ngaz rueq shuimx wvnc tauk htenc lotlaz kuex rvwvl lvp shuiuz.

NEHEMIA 13:31

Ngaz muex hungx tuex baunglaung wvr maq jauk shomc kuy tvkoc janx nuiyc vphaungc thuey yaq vthuey vngoz nuiyc vphaungc muinx yaq tuiuz vtsvmz htenc lvmc lvy tvkoc tvhungx htaungx tauk. O Tishox lex, vruex lotlaz kuex rvwvl vtueq, ngaz muex kejux kuq koq.

NEHEMIA 5:19

O Tishox lex, vruex miq htenc tvkoc ngaz rueq shuimx wvnc tauk htenc kuex rvwvl vtueq ngaz muex kejux kuq koq.

Tvtsvmc 130:7

Israel lex, vpiq lungwawc thuinz kuex phaungx duingduing httax vtueq, vpiq rueq naungshiq kuex palc wvnc tvkoc mkaq muinz roc yaq ningkhvnc nuex Yehowa muex tvluimc wuez shuinz.

Tvtsvmc 5:7

Yuq muinz mnoz yungx luz yaq lungwawc thuinz ningkhvnc nuex ngaz m-yuimx nuex waung lot vtaungx; mnoz vsawc Shomc Yuimx nuex ngaz rueq nawk palx lvp vtueq mnoz muex tvtsanc nganc ruiux bumx nawk vphaungx.

Tvtsvmc 51:1

O Tishox lex, mnoz phaungx ngaungx yaq lungwawc thuinz maq ngaz muex menjenc kuq koq. Mnoz yungc loayc menjenc thuinz ningkhvnc nuex ngvy mvrax htenc kuex hut kuq gay koq!

ISAIA 38:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

ISAIA 49:23

Hokhvmx bix kuex mnoz tvkoc vwaz tamx muex yaungx tuex; hokhvmx nyuiuz rulx kuex vnyuiuz tamx muex yaungx tuex. Tsuingshiq kuex mkhaungkac nuex bumx vtueq mnoz muex tvtsanc nganc shuex; tsuingshiq gvnz tvyomx vtueq mnoz muex tvtsanc nganc shuex. Kvkaq tsuingshiq rueq ngaz Yehowa rvtauk kuex tuiuz wuez shuex; ngaz rueq romc kuy tvkoc bvmc jix kuex washiz muinz thuinbac tuex rvmuq,” ngoz tueq.

ISAIA 55:7

Layx bac jix kuex miqmac lvmx kvwawc nuiyc miqmac thuinz maq kvmungx yaq lvmx kvwawc kvlayc wvnc tuex. Tsuingshiq kuex Yehowa naungshiq Tishox kox nuex kvroz wvnc tueq; vpiq rueq menjenc vtueq yauk lox maq mvrax dawc kuq yaq.

2 Corinthians 1:12

Nuiyshiq thuinz vmungx nuex sawc ric maq kvsomc parc juing lvmx vshiz kuex, vruex mungkawx nuex naungshiq thuiuzthuic tvraungx vtix lvmx, jvnc vtueq nuimshiq rulc rvbomc nyamc vtix lvmx kuex miqsaz taksux tharc nuex rvwak miq maq, Tishox kejux luimc vkawc maq naungshiq kuex Tishox rueq vkuq vtsuing vrux thuinz maq yauk shuimc lvmx rvtueq.

TRI CHONGKE 5:12

“‘Yehowa nuimshiq Tishox rvtauk ngaz rueq nuimshiq muex nvr phaungx rulc rv-ngvlc, Vguilc Raungnuiyq kuex vsawc yaungc muex kvkhoc ruez shuinz.