NEHEMIA 13:23 - Hawa Naga Bible 2001

²³ Kvruex baunglaung Yuda miqsaz paunghvlc Ashdod, Ammon nuiyc Moba shvlx rulc htenc lvmz wuez tueq lvmz ngaz rueq khiz tauk.

ASII LAKDAP Bible (BSI)

²³ Kra akhing na hali ngi raq, Jehudinok phong wa maiqwere pahea raq, Ashdoknok sheare, Ammon nok sheare, kiimaq Mobnok sheare lam wan raüta sitlo nguta tho ka lapkang.

NEHEMIA 13:23 Referencias Cruzadas

1 HOKHVMX 11:1

Solomon rueq pungnuk shvlx rulx paunghvlc lungwawx tueq. Ejip hokhvmx waz saz yalxjuik saz kvmaq lvy vtueq, Hitti, Moba, Ammon, Edom nuiyc Sidon shvlx rulx htenc kuex lvmz tueq.

EJRA 10:10

Shomc waz Ezra kuex kvtenc vtueq tsuinghez muex jungphvnx kuq tueq. Piq rueq, “Nuimshiq kuex kvmluimx muit nuiyc pungnuk shvlx rulx lvmz vtueq Israel nuex mvrax het tvkop kuq vshuinx.

EJRA 10:44

Vruex miqwaz rulx htenc lotlaz kuex pungnuk shvlx rulx lvmc jix hez rvtueq. Tsuinghez rueq kvruex lotlaz kuex shurc gay ruiux, kvruex hez nuiyc tsuingshiq sahez htenc kuex tvwaung gay tueq.

NEHEMIA 10:30

Naungshiq rueq vruex mungx nuex httax yaq pungnuk miqsaz htenc rulc shung ngaungc tix rvmuq.

NEHEMIA 10:31

Pungnuk miqsaz htenc rueq naungshiq kuex Vguilc Raungnuiyq nuiyc vganc vsawc raungnuiyq nuex tuiuz vtsvmz nuiyc vganc phvnx shishiz vshaungc muex laq ruiux yuq, naungshiq rueq tsuingshiq kox wawc ruiyx shix rvmuq. Naungshiq rueq wawc mvshix httuiuc tuex tek wuik vnax kuex shuimx miq, htawz htuimc httax yaq lotlaz tv-nyingx tvmaq gay vshix.

NEHEMIA 13:1

Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

NEHEMIA 13:24

Tsuingshiq sahez wvyvmc rueq nuiyshiq kvjaz kuex kvjak thenc muq, Ashdod kvjaz kvjak yaq, wvyvmc kuex vganc phvnx kvjaz kvjak wuez yaq.

NEHEMIA 13:27

Nuiyshiq rueq nuimshiq htungx vlayx kuex phvnx vtueq nuiyshiq Tishox kvjaz kuex tay phvnx miq maq pungnuk shvlx rulx kuex lvmc mvy yaq haz?” ngoz tueq jungx tueq.

NEHEMIA 4:7

Nuiyshiq rueq Yerusalem ghaq palx ruk vshix lvmz nuiyc vpuc vruez kaz palx ruk htenc tvhvlc httuiuq wvnc lot vshix lvmz kuex Sanbalat, Tobia nuiyc Arab, Ammon, Ashdod miqsaz htenc rueq tay vtueq, tsuingshiq thuinz pinhtumc khaq raq wuez yaq.

DUNGWVNC 34:11

Majuiuc raungnuiyq ngaz rueq mnoz muex kuq phaungx tvrac htenc kuex phvnx shuinz. Ngaz rueq nuimshiq kay juing lvmx wawc Amori, Kanaan, Hitti, Perizi, Hiwit nuiyc Jebusi miqsaz htenc kuex yurc gay shaungx.

2 Corinthians 6:14

Kvmluimx muq jix rulc vdvmz nuex kvruiuz vtueq yauk nauk shuimx kaz, vroc nuex shuimc kay tvkoc aungx muq. Vyaq nuiyc vlvmx kuex yvmx khoc lac roc nuex kvruiuz lot tvnx? Raungwuic nuiyc raungx nyauk kuex vroc nuex yvmx khoc lac kvruiuz lot tvnx?

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

RUTHA 1:4

vsaz nueyc rueq Moba shvlx rulx Orpa nuiyc Rutha kuex lvmz wuez tueq. Wawc rokshiz tanc httax tueq yix maq,

1 SAMUEL 5:1

Philistin miqsaz rueq Bomkhvrc Jep kuex lvp wvnc tueq yix maq, Ebeneza wawc tsuingshiq ghaqyungx Ashdod nuex pix wvnc vtueq,