NEHEMIA 13:23 - ASII LAKDAP Bible (BSI)

²³ Kra akhing na hali ngi raq, Jehudinok phong wa maiqwere pahea raq, Ashdoknok sheare, Ammon nok sheare, kiimaq Mobnok sheare lam wan raüta sitlo nguta tho ka lapkang.

Hawa Naga Bible 2001

²³ Kvruex baunglaung Yuda miqsaz paunghvlc Ashdod, Ammon nuiyc Moba shvlx rulc htenc lvmz wuez tueq lvmz ngaz rueq khiz tauk.

NEHEMIA 13:23 Referencias Cruzadas

1 HOKHVMX 11:1

Solomon raq pahea pongmungti nyungre lungwiito. Apaiq raq Ejip mung hokhamwe se lamtaq kriithaq niimin Hitaiqnok nyungre kiimaq Mob mungti nyungre, kiimaq Ammon mungti nyungre kiimaq Edom mungti nyungre kiimaq Sidon mungti nyungre lamto.

EJRA 10:10

Kra akhing na ramwe Ejra ka mungmaiqse man na chapto. Raüta, akha chongkuqto, “Namshiq raq kamasham lamphan tri raütu ka wiita jin wan lan. Lanta, pongnok sheare lamwan lan. Kra lanta namshiq raq Israilnok mung khuthaq na ashut ngarai jonghea tang wan lan.

EJRA 10:44

Ara amang chongkai wetiim tanyung ka pongnok phan sheare riito. Tsangshiq raq tsang-nyungtiim ka miimbaiqto. Raüta tsang-nyungtiim ka tsangsetiim rai nongshnong maq tiiwa baiqto.

NEHEMIA 10:30

Ümchaü sanha, pongmung maiqse namung na siti rai sikherü riija mai she.

NEHEMIA 10:31

Ümchaü sanha, Asii Niitiitsak Ranaiq ranaiq lo, laihin apii ranaiq niilo, nashiq phana pongmung maiqse raq hai awong, kiimaq huk asam howan raüta shawa raü la, rimai she. Kiimaq, rawii wiimiishi apaiq tumwan tlaq rawii akhing na, wak ka shamsiq mai she. Kiimaq thamtham thiilam, alap wan chang ümchuwa sitlaq, kra thiitham athü wan kriimin, wiita adüshe mirbaiq rong i.

NEHEMIA 13:1

Kra akhing na, Mosheq Thungtri ka, mungmaiqse ma tiihong raüta phat kuq wanto. Kra phat kuq wan tlaq akhing na, lakdam kom na, Ammonnok nai Mobnok ka, Shiikeawe sengi phungtu na tiishang dam maimak, kiimaq noqku na tlom wandam maimak, nguta aming khathütaq lakjaq kriishe phat kuqto.

NEHEMIA 13:24

Tsangsetiim phong wa khoko riika, Ashdoknok bom kli bomtlo. Riimak la, maiqnok maiqhiq nokhin phan bom miili riibom tlo. Tsangshiq raq nashiqnok, Jehudinok bom ka tsin mak.

NEHEMIA 13:27

Riita, ümchaü min, naishiq mungmaiqse raq, namshiq raq Shiikeawe tri jin lanta, pongmung sheare lam tlan, kra ngarai lam kriisha miphan wan dam hai?”

NEHEMIA 4:7

Shatmaq, Sanballat, Tobia, kiimaq Arabia hong na siti nok raq, Ammon hong na sitinok raq, kiimaq Ashdod hong na sitinok raq, naishiq raq Jerusalem chela ruk tiihea ka lot wan kai she nguta taito. Ruk heawea wa apu thun ka kunkun she tiitang wanto nguta taito. Kriikha na tsangshiq ka kai khiqriq wanto.

DUNGWVNC 34:11

Ümchaü ranaiq Ngi raq namshiq ma thungtri raütu thun kuq tiikang kra lang ronglaq. Ngi raq Amoraiqnok, Kanannok, Hitaiqnok, Perijaiqnok, Hiwaiqnok, kiimaq Jebusaiqnok thun kra namshiq jamkho sinkhu na wawantlan, kra phan phan wiita mijobaiqha.

2 Corinthians 6:14

Thatsang maiqse rai reraüshi maq naqpong dam rongkiq. Ara jamkhano chongtiikang ngukla, akha shamshi kaishi ka riikong lot mai. Ajiq we nai alam we ka, adam na jamkho mirkong? Ranyaq nai rawüli ka adam na jamkho misi?

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

RUTHA 1:4

Asenai raq Mob sheare Orpaq nai Rut lamto. Tsangshiq ka awe tsaijai wiiroqshi tin sijai na,

1 SAMUEL 5:1

Philistainnok raq Tongshong Tek ka lap raüta, Ebenejar chela wa tsangshiqnok hiq Ashdod chela niishe pihoto.