NEHEMIA 12:30 - ASII LAKDAP Bible (BSI)

³⁰ Krai mren, ramwebi, kiimaq Lewinok raq, ngarai shiikhoi wan miitu, tsangshiq maiqmii khum tiisii wan, kiimaq mungmaiqse khum tiisii wan, kiimaq, Jerusalem chela ruk kilamchong thun kra tiisii wan, kiimaq chela tro ruk kra tiisii wan miitu, ramram wanto.

Hawa Naga Bible 2001

³⁰ Shomc waz bix nuiyc Lewi miqsaz htenc kuex htungx vlayx rulc rv-ngvlc tsuingshiq shauk gvnz htenc kuex tvsawc nawc ruiux, mungx miqsaz htenc muinz, palx kaluix htenc nuiyc ghaqyungx palx ruk kvmuinz shuimx lvmz wuez tueq.

NEHEMIA 12:30 Referencias Cruzadas

RAPHA HIQWA LAK 35:2

Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.

1 KAÜWA WERAÜ 15:14

Krai mren she ramwebi nai Lewinok raq tsangshiq khum ka Israilnok Tatiwe Shiikeawe Tongshong Tek kra pikai miitu tiisii wanto.

2 KAÜWA WERAÜ 29:34

Riita kiijaq kra nyamse kong ka honglu na take wanti ramwebi ka atsap li kha maq, Lewinok raq kra jaqsham ka tiithumli khrum kuqto. Riita kra liipan bala na ramwebi abiti thun riishe tsangshiq khum ka phumram kham maq tiisii batto. (Lewinok ka ramwebi nam ma tsangshiq khum ka asii maq riim wan lam na kai tsapkapkap siwanto.)

2 KAÜWA WERAÜ 29:5

Raüta tsangshiq ma kiijaq bom ka chong kuqto. Apaiq raq nguto, “Namshiq Lewinok raq maiqmii khum ka Tatiwe ma tiisiirai kiinong kuq ronglaq. Lantea namtitiim Tatiwe Shiikeawe Shomjam kra tiisii ronglaq. Lantea Shomjam mong na Shomjam tiisheshi chang jamlai wa sitlaq thun kra wiita lambaiq ronglaq.

EJRA 6:21

Kra Tiichhiiwan Poi tsam nai honglu na ataa kuq wan ngam ka, Israilnok munglu wansha asiwan wa, Jerusalem na jang wan witaq kunli raq phaqsiq wan damto. Kiimaq hali, Israilnok phongwa, Israil mung niili siwantaq, raüta thatsang maiqsetiim pongmungti rai riishot riishaq siwan dam taqti, shatmaq tsangshiq ka kra akhing na thatsang thunglai thun kra wiita miimbaiq raüta, maiqmii khum kra tiisii wan wito. Raütiishe anok rai Shiikeawe wokhong na hali shang wan wito. Kra thun mungmaiqse raq ara chongtiikai Tiichhiiwan Poi tsam kra phaqsiq wan damto.

NEHEMIA 12:29

Kiimaq, Bethgilgal, Geba, kiimaq Ajmaweth chela thun tro wa, riichom hea wanto.

NEHEMIA 13:22

Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

NEHEMIA 13:30

Arthun ara kha niishe, ngi raq mungmaiqse ka pongmung maiqse hon atsii rong arai jamlai wa sitlaq, krii thun ashe ashi kiiwa, wiita asii phumram kham maq bat lata, tsangshiq khum ka tiisii hekuq kang. Lata, ramwebi nai Lewinok raq maiqmiimii jaqsham ka, khaqkhaq, jam kojo min ahü maq sham wan miitu, tsangshiq ma tri raü ka, samhea tiipha khakuq nong kang.

YOBA 1:5

Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.

DUNGWVNC 19:10

Kiimaq Tatiwe raq apaiq ka thaüto, “Ümniika mungmaiqse phana kilaq. Laüta tsangshiq ma ümchaü ranaiq nai anap ranaiq ka tsangshiq raq maiqmii khum ka Ngi shomnoq miitu mitiisiilaq. Tsangshiq raq tsangshiq khu akhea thun kra aheawiq hea ratlo.

DUNGWVNC 19:15

Kiimaq Mosheq raq tsangshiq ma chongto, “Shinap ranaiq miitu tiijeshat ronglaq. Kiimaq namshiq ka jechakre rai adam hainga raamak.”

Hebrews 5:1

Shiikeawe ma nokwe ngarai miitu honglu take nai alu atan kewanti ramwe ajongwe ka tsangshiq ramwe weraü phan wa shongtlo.

Hebrews 5:3

Kriikha maq apaiq riika nokwe ngarai miitu lamlamli ka riimak, shatmaq apaiq maqmii ngarai miitu min, honglu kuq tlo.