NEHEMIA 12:31 - ASII LAKDAP Bible (BSI)

³¹ Lata, ngi raq Juda wang wa welabi thun ka, ruk wukhu thaq na shea wan kang. Lata, mungmaiqse ka kongjong kong nai na triiphea kang. Lata, Jerusalem chela trotam na kongtahushhu maq Shiikeawe ma kechutum ashi ange khum wan miitu, arang kuqkang. Krai mren, kongshi ka kra jaqtsi nü ruk thaq kiina wawanto. Raüta, Sinchiitsap Kilamchong nü kiina wawanto.

Hawa Naga Bible 2001

³¹ Ngaz rueq Yuda walaungx bix kuex palx ruk htauk nuex tvtuimx vtueq, ghaqyungx kuex tvroz ruiux Tishox muex kejux tvtsvmc shic ngoyc tvkoc miq kungyungx kung nueyc kuex tvlawc tauk. Vphaungc kungshiz kuex Suingkez Kaluix nuex tvtac vtueq ruk khux maq vkeq kox nuex kvroz wvnc tueq.

NEHEMIA 12:31 Referencias Cruzadas

1 KAÜWA WERAÜ 13:1

Hokhamwe Dawit raq phentubi maiq hingshi pengti nai maiq shishi pengti rai bom ka riiwaito.

1 KAÜWA WERAÜ 28:1

Hokhamwe Dawit raq Israil mung wa ajong alabi ka Jerusalem na ngongthun raa nguta aming kuqto. Krai mren maiq phantek wa mungtubi, kiimaq hokhamwe rai mung peng damti siihiipbi, aweraü thun welabi, kiimaq tachong hupsam jaqsham liiketi ajongbi, kiimaq hokhamwe nai asetiim nyamse kong rümtibi, hokham jam na jaq shamtibi kunli, phentu ajongbi, kiimaq maiq akhek welabi thun wiita, Jerusalem na ngong thungto.

2 KAÜWA WERAÜ 5:2

Raütiishe Hokhamwe Solomon raq Israil mung wa maiq aphan aphan khuthaq welabi thun nai aweraü khuthaq awelabi thun ka Jerusalem na ngongthun raa, Tatiwe Tongshong Tek ka Dawit chela Jajon wa Shomjam na pikai ma nguta tiichongto.

NEHEMIA 12:32

Hoshaia ka ashi angeti kong kra jai phan phan khum wanto. Apaiq jai niika Juda wangti welabi kriiwa kongkho kra khum wan damto.

NEHEMIA 12:38

Kiimaq, mungmaiqse kongjong kongshi Shiikeawe ma kechutumke wan ashi ashun wanti kong kriika, chela ruk thaq maq jaqpha nü siim thaq maq wawanto. Kiimaq, ngi raq tsangshiq mungmaiqse phong kra, kongkhu watlaq kra jai na khum wan dam kang. Naishiq ka chela Ruk ba Winsii Lumchang Watum Khamchong kra lea wan laita, Peruk Ajongwiq kiina khum wan damkai.

NEHEMIA 12:40

Riita arai mren, mungmaiqse ka Shiikeawe shomnoq wan kechutum wanti kong, kongnai ri, ka Shomjam tho kiiniishe saü wanto. Maiqlare, ashun sheati i jaqkhong na ümchuwa khum wandam taq kra thaq na,

NEHEMIA 2:13

Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.