NEHEMIA 13:21 - ASII LAKDAP Bible (BSI)

²¹ Kra chhilatiishe, ngi raq tsangshiq ma, “Namshiq ka hupsam shata kham ma, chela ruk phai na anap ra miwiiho shaq nguta atu na naq khe rongkiq. Namshiq raq ibom tai man tlea han jiila, namshiq raq imo she miho han,” nguta tsangshiq ka tiihai sonkang. Kra sonkang kriimiiphat she, tsangshiq ka Asii Niitiitsak Ranaiq ranaiq na jangki nongmak she riito.

Hawa Naga Bible 2001

²¹ Ngaz rueq tsuingshiq muex ngoc, “Nuimshiq rueq raungx tvwuic laz bvmc kaz vtuinx kuex khuec guez dvyx. Nuimshiq rueq yix maq laukshiz vkhoc shuimx wuez yek ruiux kuex nuimshiq kuex laungc maq yurc gay shaungx,” ngoz tueq honc tvsvmz jungx tauk. Kvruex maq phaungc vtueq Vguilc Raungnuiyq kaz muq shex.

NEHEMIA 13:21 Referencias Cruzadas

EJRA 7:26

Kiimaq, ju riiwa, ümniiraq shomnoq tlaü Shiikeawe thungtri ka jin tlaq, lo ngi raq mung lang tiikang arwa, jin tlaq, kriiti ka jaqlo thit li rung na tiichap chang. Raüta tri atsin maq apaiq kha ka phoke wan chang. Raüta apaiq miisaq kra tiithum baiq ratlo. Riimakla, apaiq ka pongmung na shumwi ma tiiwa baiq ratlo, riimak la, apaiq huk asam ka wiita nyeaho ratlo. Riimakla, apaiq ka thong na shaqbaiq ratlo.”

NEHEMIA 10:32

Kiimaq, rawiitek Shomjam na khoro khosha raa tlaq kra chomke wan miitu, nashiq maiq loweatek raq, kampho sii ka shekel ashi wa, mantsam na tiikho laita, manshi rii kra kuq wan lili mirii rong i.

NEHEMIA 13:15

Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

NEHEMIA 13:20

Lakshi shea laknai wiika, laopanbi ka, phanrap hupsam shata wanti, liipan rabiingi angu rawa na, Jerusalem chela kin phai kiijaq japto.

1 Peter 2:14

Kiimaq hokham we raq awokhong na siti wanghuptibi shongtaq kra bom tai lanta sirong laq. Tsangshiq ka mung rüm wan miitu hokham we raq ashong. Tsangshiq raq sengibi juwa tri wokhong na sitlaq kriika asomra miraq. Kiimaq tri jin wanti sengibi ka atsa asha miraq.