NEHEMIA 11:30 - ASII LAKDAP Bible (BSI) kiimaq, Janoa chela na, Adullam chela na, kiimaq ara chela thun tro na, hiqshong sitlaq kiijaq, shong wanto. Kiimaq, tsangshiq ka Lakhish chela na, kiimaq kra tro na, ajeje na, wakjam ram thun kiijaq shong wan wito. Kiimaq, Ajeka chela na, nai kra chela tro na hiqshong sitlaq kiijaq shong wan wito. Riita, ara chongtiikai arai mren, Juda phan mungmaiqse thun ka, hiqji nü na Beersheba chela maq pha raüta, hiqkhu nü na, Hinnom Tan maq rai wan tlaq liipan binjü kiijaq shongnga wanto. Hawa Naga Bible 2001 Zanoa, Adullam ghaq htenc nuiyc kvruex httoarc wawc kez htenc nuex muinz httax tueq. Tsuingshiq kuex Lakhish nuiyc kvruex hep wawc tvnx htenc nuex muinz, Azeka nuiyc kvruex wawc kez htenc nuex muinz httax tueq. Kvruex jungx ix ngoz ruiux yuq, Yuda miqsaz kuex ghaqyaz kox Bersheba nuiyc ghaqkhux kox Hinnom Warc tvnx kvruiy wawc hong htenc nuex httax wuez tueq. |
Kriimaq napjai ranap chu maq Abraham raq Hagar ma phaq nai sea wiijam kuqto. Kiimaq kham ka ngamkhii tsabum shi kuqto. Raüta apaiq raq no ka anyung raikhü na tiiboqto. Raüta apaiq ka jamwa tiiki baiqto. Kriinyung ka kihoto. Raütiishe Beersheba kumtsaiphii wang binjü niishe momiihoto.
Tsangshiq ka maiq phan phan roq shi ri phan nai puwantaq kriima atitiim riito. Kiimaq tsangshiq hiqshong mang thun ka tsangshiq mang kra phan phan mangto. Kiimaq tsangshiq shong chang piitiip thun kiimin kiikhiisii mangto.
Hokhamwe Josia raq Hinnom Tan na sumla phrakaü Topheth shomnoq chang shomjam kriimin wiita tiibun baiqto. Krai mren kiijaq Molekh phra kaü ma jurmin ase maiqwe se lo, jechakse lo ka chaqtlii-honglu na kuqmak chang miitu runbaiqto.
Kiimahali, Benjamin phan wa mungmaiqse thun ka, Geba chela na, Mikhmash chela na, Ai chela na, Bethel chela na, kiimaq arthun chela tro, hiqshong thun sitlaq kiijaq shong wanto.
Hanun nai Janoa chela na siti nokmaiqse riika, Jüwii Kilamchong ba kra tiihea haito. Tsangshiq raq kilü thun tiihea raüta tiihongto. Raüta kilü thun kra lachang jinpan maq keabaiqto. Raüta kilü lachang jinpan kra tiihongto. Raüta tsangshiq raq ruk khetuk ka alu nü na 440 mitar haito. Tsangshiq raq hai wantaq kriika Sinchiitsap Phong Kilamchong na tiisaüli haito.
Asiria mungti siihiipwe raq hokham ajongwe ka Lakhish wa wawan raüta, kra tho na Libna chela na re rai riikhattlo nguta tsütsa ka taito. Kra ningkhan apaiq ka ahokhamwe rai tsü riichong wa nguta kiiniishe wawanto.
Laüta Kolotak Kilamchong lam kiimaq kinphai na dongho laüta Hinnom Tan kiina kilaq nguta thaüto. Kiimaq kiijaq ngi ma apaiq raq jamlai tsütsa wa chongkuqjiiq kra chiiriim laüta chongkuqlaq nguta chongto.
Arningkhan, akhing ashi misaü wan, kra saü wan raüla, ara hiqshong ba arka Topheth riimak la Hinnom Tan ngutiika ngumak she miraq. Kra ngorii na Maiqjiip Baiqchang Tan ngutiishe mingu.
Tsangshiq raq Hinnom Thung Tan na Baal phra shomnoq chang honglu wacha thun haito. Kriika tsangsetiim maiqwe sere nai jechak sere ka honglu na Molekh phra kaü ma take wan ma haito. Ngi raq tsangshiq ma arthun ara klo wan miitu aming ka kuq mang dea. Tsangshiq raq arthun ara miklo wan raüta, Juda mungti ka ngarai na mitiidea wan ngutiika ikhutsai na akhiismin ahü dongdii riito.”
Maresha chelati lei, Tatiwe raq namshiq ka, rewe jaq mong niishe mikuq baiq. Re raq namshiq chela kriishe mikhat wan. Raüta mijii wan, Israilnok ajong alabi thun ka, tsangshiq chiim jin, Adullam longsha mong niishe mitiipaü wan.
Kra ningkhan na Adonijadek raq, Hebron chela Hokhamwe Hoham; Jarmuth chela Hokhamwe Piram; Lakhish chela Hokhamwe Japhia; kiimaq Eglon chela Hokhamwe Debir ma tsütsa ka akha tiichonghoto:
Kiimahali Hinnom Hiqwii kra phanphan lamthaq nünü kiina wawan raüta, Jebusaiqnok chela Jerusalem kriimaq shemai nü siim lamhong jam kriimaq rai wanto. Kriimaq hali Hinnom Hiqwii küla kongse wawan tlaq kra dü wan raüta Hinnom Hiqwii küla kriimaq konünü siim kiiniishe blak wan raüta, Rephaim Hiqwii maq shekhu nü kiiniishe rai wanto.
Kriimiishe hiqrai ka Pumji nünü kiiniishe sathoto. Raüta Rephaim rai wii mong na Hinnom hiqwii kra phaho chang ba kriijiishe tiisaü hoto. Kriimiishe hali ka Hinnom wii kra phanphan she shemai nünü kiina raiho raüta, Jebusaiqnok kinse maq hiqmai nü na kinlase kriijaq raihoto. Raüta kriimiika Enrogel khamrai se kiinii she raihoto.