JOSHUA 15:8 - ASII LAKDAP Bible (BSI)

⁸ Kiimahali Hinnom Hiqwii kra phanphan lamthaq nünü kiina wawan raüta, Jebusaiqnok chela Jerusalem kriimaq shemai nü siim lamhong jam kriimaq rai wanto. Kriimaq hali Hinnom Hiqwii küla kongse wawan tlaq kra dü wan raüta Hinnom Hiqwii küla kriimaq konünü siim kiiniishe blak wan raüta, Rephaim Hiqwii maq shekhu nü kiiniishe rai wanto.

Hawa Naga Bible 2001

⁸ Jebusi miqsaz httax yaq Yerusalem ghaqyungx maq ghaqyaz kox nuex httax yaq kankhux wawc Hinnom Warc tvnx nuex tiq rvtueq. Kvruex yimaq Hinnom Warc tvnx maq shalx nyuip kox kanx laungx kuex yanz wvnc vtueq, Rephaim Warc tvnx ghaqkhux kox tvsuip nuex tiq.

JOSHUA 15:8 Referencias Cruzadas

2 SAMUEL 5:18

Philistainnok ka Rephaim hiq thung tan kiina saüto.

2 SAMUEL 5:22

Kiijiishe Philistainnok ka Rephaim Tan kriijaq hali jang wan nongto. Raüta jiiwan raüta siwan nongto.

2 HOKHVMX 23:10

Hokhamwe Josia raq Hinnom Tan na sumla phrakaü Topheth shomnoq chang shomjam kriimin wiita tiibun baiqto. Krai mren kiijaq Molekh phra kaü ma jurmin ase maiqwe se lo, jechakse lo ka chaqtlii-honglu na kuqmak chang miitu runbaiqto.

1 KAÜWA WERAÜ 11:4

Raüta Hokhamwe Dawit nai Israilnok mungmaiqse kunli waraüta Jerusalem chela kra khatto. Kra akhing na kra chela mang ka Jebus nguta ngutlo. Kiimaq kiijaq shongti noktinok ka Jebusaiqnok ngutlo. Tsangshiq ka kiijaq sishat li riito.

2 KAÜWA WERAÜ 28:3

Raüta Hinnom Tan na homseng honglu chaqto. Kiimaq apaiq raq asetiim dongdii min sumla phra thun ma honglu na wiipumtam maq wa na chaqtlii takuqto. Arka Tatiwe makki na maiqphai asi jaqshamtinok Tatiwe raq Israilnok lümaq kra mung wa jobaiq wantaq kra ngarai klo wanto.

NEHEMIA 11:30

kiimaq, Janoa chela na, Adullam chela na, kiimaq ara chela thun tro na, hiqshong sitlaq kiijaq, shong wanto. Kiimaq, tsangshiq ka Lakhish chela na, kiimaq kra tro na, ajeje na, wakjam ram thun kiijaq shong wan wito. Kiimaq, Ajeka chela na, nai kra chela tro na hiqshong sitlaq kiijaq shong wan wito. Riita, ara chongtiikai arai mren, Juda phan mungmaiqse thun ka, hiqji nü na Beersheba chela maq pha raüta, hiqkhu nü na, Hinnom Tan maq rai wan tlaq liipan binjü kiijaq shongnga wanto.

ISAIA 17:5

Israil mung ka tsamjutlot jai tsamkürü ikhli she miraq. Kriika Rephaim tan wa wakram tsamhan alotwi, petsi wiqtsam min wiita apanlot wishe, maiq min ahü hiqkaiq, kaiqshak kaiqshi sitlaq ikha miraq.

JEREMIA 19:14

Kra lata ngi ka Topheth Tan na Tatiwe raq apaiq bomtsi ka chiiriim laüta chongkuq kikiq nguta thaütaq kra chongkuq lot latiishe jang wan kang. Lata ngi ka Shomjam rinkea kiijiishe chapwa kang. Lata mungmaiqse wiita ma kra bomtsi kra chongkuq kang.

JEREMIA 19:2

Laüta Kolotak Kilamchong lam kiimaq kinphai na dongho laüta Hinnom Tan kiina kilaq nguta thaüto. Kiimaq kiijaq ngi ma apaiq raq jamlai tsütsa wa chongkuqjiiq kra chiiriim laüta chongkuqlaq nguta chongto.

JEREMIA 19:6

Arningkhan, akhing ashi misaü wan, kra saü wan raüla, ara hiqshong ba arka Topheth riimak la Hinnom Tan ngutiika ngumak she miraq. Kra ngorii na Maiqjiip Baiqchang Tan ngutiishe mingu.

JOSHUA 15:63

Shatmaq, Juda phan raq Jerusalem na siti Jebusaiqnok ka jobaiqlot mak dea riito. Kra ningkhan, Jebusaiqnok ka ümchaü niitaq Juda phan rai kiijiili sidamtlo.

JOSHUA 18:16

Kriimiishe hiqrai ka Pumji nünü kiiniishe sathoto. Raüta Rephaim rai wii mong na Hinnom hiqwii kra phaho chang ba kriijiishe tiisaü hoto. Kriimiishe hali ka Hinnom wii kra phanphan she shemai nünü kiina raiho raüta, Jebusaiqnok kinse maq hiqmai nü na kinlase kriijaq raihoto. Raüta kriimiika Enrogel khamrai se kiinii she raihoto.

JOSHUA 18:28

Jela, Haeleph, Jebus, (riimakla Jerusalem), Gibea, kiimaq Kiriath Jearim chela thun riito: Chela roqshi ri blai kiimaq kra thun tro binjü na chela ransetiim thun romshaq. Benjamin phan weraü ma achumkuq tachong hiqshong ka rathun ara riito.

PHOWEBI 1:21

Shatmaq Benjamin phan raq Jerusalem chela na siti Jebusaiqnok ka jobaiqlot mak dea riito. Kriikha na Jebusaiqnok ka ümchaü niitaq Benjamin phan rai adam niili sitlo.

PHOWEBI 1:8

Juda phan raq Jerusalem ka khatto. Raüta jiiwanto. Tsangshiq raq kiiwa maiq thun ka wiita tsatbaiqto. Raüta chela ka wa maq chaqbaiqto.

PHOWEBI 19:10

Shatmaq kriiwe ka krii rawa kiimin kiijiili ka khingro mak she riito. Krai mren, apaiq rai achakliip nyung nyungthap kra nai ajaqshi se krai, kumtoq kaünai kiima maiqngachang ka khakuq raüta, tiido wanto. Riita tsangshiq ka rashe achashe niitiq Jebas chela na saüto. (Jebas ka Jerusalem kra ngo nangnga). Kra ningkhan ajaqshi se raq atijongwe ma nguto, “Riita nashiq ka arjiili khingki rong i na, laita ara Jebusaiqnok chela niili japki rong i na?”