JOSHUA 15:8 - Hawa Naga Bible 2001

⁸ Jebusi miqsaz httax yaq Yerusalem ghaqyungx maq ghaqyaz kox nuex httax yaq kankhux wawc Hinnom Warc tvnx nuex tiq rvtueq. Kvruex yimaq Hinnom Warc tvnx maq shalx nyuip kox kanx laungx kuex yanz wvnc vtueq, Rephaim Warc tvnx ghaqkhux kox tvsuip nuex tiq.

ASII LAKDAP Bible (BSI)

⁸ Kiimahali Hinnom Hiqwii kra phanphan lamthaq nünü kiina wawan raüta, Jebusaiqnok chela Jerusalem kriimaq shemai nü siim lamhong jam kriimaq rai wanto. Kriimaq hali Hinnom Hiqwii küla kongse wawan tlaq kra dü wan raüta Hinnom Hiqwii küla kriimaq konünü siim kiiniishe blak wan raüta, Rephaim Hiqwii maq shekhu nü kiiniishe rai wanto.

JOSHUA 15:8 Referencias Cruzadas

2 SAMUEL 5:18

Philistin miqsaz htenc muinz Rephaim Warc tvnx nuex httuiuc vtueq, kvruex guimz lvp wvnc tueq.

2 SAMUEL 5:22

Kvruex yimaq Philistin miqsaz htenc kuex Rephaim Warc tvnx nuex yek kaz wuez vtueq kvruex baung kuex laukshiz hulawx lvp yek tueq.

2 HOKHVMX 23:10

Hokhvmx Josia rueq uraq muinz Molek tishox tvkoc miqmac saz miqwaz, yalxjuik sahez kuex wvr maq jauk shomc kuy shomc nawk kuq muq laz juing, Hinnom Warc tvnx wawc Tophet ngoz yaq yac yuimx nawk palx juing baung kuex tvshuy shac gay tueq.

1 KAÜWA WERAÜ 11:4

Hokhvmx Dawid nuiyc Israel miqsaz lotlaz rueq Yerusalem ghaqyungx kuex khvt kaz tueq. Kvtanc jauz kvruex mungx kuex Jebu ngoz yaq, kvruex yuq ghaqshungc httax jix Jebusi miqsaz httax yaq shauk dvyx doc rvtueq.

2 KAÜWA WERAÜ 28:3

Israel miqsaz htenc kvtenc woz wvnc tueq nuex, mungtan mungx wawc Yehowa rueq yurc gay tueq miq htenc miqsuirc vsac honc vyaungc kuex phvnx ruiux, Hinnom Warc nuex vhomc vtumc phvnx htenc jauk vtueq vsaz miqwaz sahez kuex yac yuimx htenc muex shomc nawk kuy wvr maq jauk shomc kuq tueq.

NEHEMIA 11:30

Zanoa, Adullam ghaq htenc nuiyc kvruex httoarc wawc kez htenc nuex muinz httax tueq. Tsuingshiq kuex Lakhish nuiyc kvruex hep wawc tvnx htenc nuex muinz, Azeka nuiyc kvruex wawc kez htenc nuex muinz httax tueq. Kvruex jungx ix ngoz ruiux yuq, Yuda miqsaz kuex ghaqyaz kox Bersheba nuiyc ghaqkhux kox Hinnom Warc tvnx kvruiy wawc hong htenc nuex httax wuez tueq.

ISAIA 17:5

Israel kuex tuiz tsvmz yut lot yix wawc wuik vshiz rulc rv-ngvlc tuex, kvruex kuex Rephaim Warc tvnx wawc tsvmtul tvjomx yoalx wuik ikhoc sawc riric hvlc baung muex yaungx tuex.

JEREMIA 19:14

Kvruex yimaq ngaz kuex piq bomjungc kuex jungphvnc tvkoc Yehowa rueq tvkaz phuex Tophet maq kaz wvnc tauk. Ngaz kuex Shomc yuimx wangx mungx nuex nyuip vtueq jvp ruiux miq htenc muex,

JEREMIA 19:2

Tuik bunx Palx Kaluix maq yanz ruiux Hinnom Warc nuex kay tvkoc jungx phuex. Kvruex yuq ngaz rueq jungc juing bomjungc kuex piq rueq ngaz muex kuq phuex.

JEREMIA 19:6

Kvkhoc rvtueq, vruex baung kuex Tophet, rvmuq ngoz ruiux Hinnom Warc ngoz tueq mkaq muinz muingc shuex rvmuq, kvkhoc ngoc tvraung, Miq Thvy Warc ngoz tueq muingc vkhing httuiuc wvnc tuex.

JOSHUA 15:63

Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.

JOSHUA 18:16

Kvmaq raz tueq Rephaim Warc tvnx maq ghaqkhux kox tvsuip nuex httax yaq Hinnom Warc tvnx kvkhic yaq kanx yaz maq kvrep kaz wvnc vtueq, ghaqyaz kox Hinnom Warc tvnx maq yanz ruiux Enrogel nuex svt kaz yaq Jebusi miqsaz httax yaq kuz maq ghaqyaz kox nuex httuiuc laz rvtueq.

JOSHUA 18:28

Zela, Haelepha, Jebusi (rvmuq ngoz ruiux Yerusalem), Gibea nuiyc Kiriat Jearim: ghaqyungx 14 nuiyc kvruex tvroz wawc miqghaq htenc muinz lomx tueq. Ghaq vruex kuex Benjamin phvnx wawc vtaungx htenc rueq guimz yaq ghaq rvtueq.

PHOWEBI 1:21

Yuq muinz Benjamin phvnx rueq Yerusalem nuex httax yaq Jebusi miqsaz kuex yurc gay muq doc rvtueq, Jebusi miqsaz kuex majuiuc nuex httuiuc laz Benjamin miqsaz rulc vdvmz kvyuq httax wuez tueq.

PHOWEBI 1:8

Yuda phvnx rueq Yerusalem ghaq kuex khvt vtueq taungx lvp wvnc tueq. Tsuinghez rueq mungx miqsaz htenc kuex thvt gay ruiux ghaqyungx kuex wvr maq jauk gay tueq.

PHOWEBI 19:10

Yuq muinz kvruex waz kuex kvyuq guilc roc muq shex ningkhvnc nuex piq nuiyc vtaungx nyuiuz ruinx rulc vdvmz tsuingnueyc nvrc waz rueq tauk loze vnueyc nuex kamramz tvdaungc ruiux waung phaungc wvnc tueq. Tsuinghez kuex Jebusi ghaq hep (kvruex kuex Yerusalem) nuex httuiuc wvnc koq tueq raungyac shex rvtueq, piq nvrc waz rueq vjiyungx waz muex ngoc, “Vruex Jebusi miqsaz ghaqyungx vyuq raungwvrx tvlvy shec ix,” ngoz tueq jungx tueq.