JOSHUA 15 - ASII LAKDAP Bible (BSI)

Juda Phan Ma Achumkuq Hiqrai

¹ Lang raq thaütaq krai mren, Juda phan ma hiqrai ka arjaq chongtlaq arphan phan chumkuqto: Hiqrai ka shemai nü na Jin kumtsaiphii wang shemai tiisup pinthum Edom mung rai hiqrai kiina saüli riito.

² Ara shemai nü hiqtrai ka Amaa Jüjong Chum chummai nü wang binjü kiimaq rai wan raüta,

³ Akrabbim Pumchit kriimaq shemai nü nai shenyap nü kiina rai wanto. Raüta Jin kumtsaiphii wang binjü kiina saüli raiwanto. Raüta Kadesh Barnea chela maq shemai nünü maq rai wan raüta, Hajron chela kra tiiham wan raüta, Addar chela kiina tiiham wanto. Raüta, Karka chela nünü kiina rai wanto.

⁴ Raüta Ajmon chela kra tiiham wanto. Raüta Ejip mung hiq rai na jüraise ashi kitlaq kra raikhü phanphan raiwan raüta, shenyap mung nü na Mediterenian Khamjong kii kiina saüli hiq rai ka tiisup wanto. Arka Juda phan rii achumkuq shemai nü mung wa hiqtrai.

⁵ Shedong mung nü wa hiqrai ka Amaa Khamjong Chum kii kra phanphan rai wan raüta, shekhu nü niika, Amaa Khamjong Chumkhupo na Jordan rai dongkai chang ba kiina saüli riito. Shekhu nü mung hiqtrai ka kriiba maq shekhu nü nü na wawantlo.

⁶ Raüta, Beth Hogla kiina saüli maq riita, kinla wawan tlaq kra phanphan, Jordan rai wii tan kra kinla kiimaq khare na wawanto. Raütiishe Bohan Longkaü kiiniishe rai wanto. (Bohan ka Reuben se mang.)

⁷ Kiimiishe ka Chamchao Hiqwii ba kiimaq rai wan raüta, Debir hiq kiiniishe rai wanto. Kriiba miishe hali ka shekhu nünü tiithi kiina rai wan raüta Gilgal hiq na raiwanto. Kriimaq Adummin kinchit ka shemai nünü jüwii tan na liithü tlo. Kriimiishe ka Enshemesh jüraisetiim nünü kiiniishe rai wanto. Raüta tleaphok Enrogel hiq kiiniishe raiwanto.

⁸ Kiimahali Hinnom Hiqwii kra phanphan lamthaq nünü kiina wawan raüta, Jebusaiqnok chela Jerusalem kriimaq shemai nü siim lamhong jam kriimaq rai wanto. Kriimaq hali Hinnom Hiqwii küla kongse wawan tlaq kra dü wan raüta Hinnom Hiqwii küla kriimaq konünü siim kiiniishe blak wan raüta, Rephaim Hiqwii maq shekhu nü kiiniishe rai wanto.

⁹ Kra küla lam khupong kra miishe hiqrai ka Nephtoa khamraisetiim binjü kiiniishe rai wanto. Raüta Ephron Pum na atei wan chela thun kriiniishe rai wanto. Kriimahali she hiqrai ka Baala chela nünü niishe raihoto. (Kra chela ka ümchaü Kiriath Jearim ngutiishe ngutlo.)

¹⁰ Kriiba miishe ka Baala chela ka shenyap nü siim maq komsaq rai wan raüta, ku akin mung Edom mung nünü kiiniishe rai wanto. Raüta Jearim Pum (riimakla Chesalon ngutlo) maq shekhu nü siim kiiniishe raiwanto. Raüta ahong nü nü na sat wan raüta, Beth Shemesh chela kiiniishe raiwanto. Kiimaq riita Timna chela kiiniishe jinwanto.

¹¹ Kriimiishe hiqrai ka Ekron kin maq shekhu nünü kiiniishe rai wanto. Raüta Shikkeron chela nünü kiiniishe rai wanto. Raüta Baala Pum kra jin saq rai wanto. Raüta Jamnia chela kiiniishe rai wanto. Kriimaq rai wan raüta. Mediterenian Khamjong kii kiiniishe tiisup wanto.

¹² Riita ara Mediterenian Khamjong kii lam phanphan she wawan tlaq arka shenyap mung nü hiqrai riito. Juda phan phan wa aweraü thu ka ara hiqrai mong binjü na sitlo.

Kelib Raq Hebron Nai Debir Chela Khat Raüta Jiiwanto

¹³ Tatiwe raq Joshua ma aming kuqtaq kra phanphan, Juda phan rii hiqshong achumkuq kiiwa, Jephunne se Kelib miimin hiq ka hongshi chumkuqto. Apaiq kiimin Juda phan wa. Apaiq rii hiqshong ka Hebron chela chumkuqto. Hebron chela ka man na Anak ma awe Arba hiqshong riito.

¹⁴ Kelib raq Anak saüse phan Sheshai weraü, Ahiman weraü, kiimaq Talmai weraü thun ka Hebron chela kiiwa wiita jobaiqto.

¹⁵ Kriimiishe apaiq raq Debir chela kriishe khatto. (Ara chela ka Kiriath Sephar ngutiimin ngutlo).

¹⁶ Kiimaq Kelib raq nguto, “Jurwa Kiriath Sephar chela ka khat raüta jiiwan tlaq, kriiti ma i se Aksa kra mitiiwaha.”

¹⁷ Kra chela ka Kelib ma aphu anolam Kenaj se Othniel raq khat raüta jiiwanto. Krai mren, Kelib raq ase Aksa ka Othniel ma tiiwato.

¹⁸ Achak lam ranaiq na, Othniel raq tsangnyung ma, awe jaq wa wak phu bashi jaüliina, nguta thaüto. Krai mren, apaiq ka kumtoq kaü raikhü wa satkito. Riikiita Kelib raq apaiq ma jamlai wa ratla nguta waito.

¹⁹ Kiijiishe apaiq raq treto, “Iwe lei, ngi ma khamchum wiijam kuqlaq, ümniiraq ngi ma akuq haü hiqshong ka shinram shinriiq binjü ba kuqlaü.” Krai mren, Kelib riimin apaiq maq lamthaq nü wa khamchum kra nai lamkiq nü wa khamchum kra ase ma kuqto.

Juda Phan Ma Akuq Chela Thun

²⁰ Juda phan rii tachong hiqshong achumkuq hiq ka arthun ara riito.

²¹ Tsangshiqnok hiq shemai nü mung pinthum na, Edom mung rai trai binjü wa chela thun ka arthun ara riito: Kabjeel, Edar, Jagur,

²² Kina, Dimona, Adada,

²³ Kedesh, Hajor, Ithnan,

²⁴ Jiph, Telem, Bealoth,

²⁵ Hajor Hadatta, Kerioth Jejron (riimakla, Hajor),

²⁶ Amam, Shema, Molada,

²⁷ Hajar Gadda, Heshmon, Bethpelet,

²⁸ Hajar Shual, Beersheba, Bijiothia,

²⁹ Baala, Iim, Ejem,

³⁰ Eltolad, Chesil, Horma,

³¹ Jiklak, Madmanna, Sansanna,

³² Lebaoth, Shilhim, Ain, kiimaq Rimmon: tlotli chela roqnai ri tiikaü, kiimaq kra thun tro na chela aran setiim thun kriimin romshaq riito.

³³ Kinji wang na chela thun ka arthun ara riito: Eshtaol, Jora, Ashna,

³⁴ Janoa, Engannim, Tappua, Enam,

³⁵ Jarmuth, Adullam, Soko, Ajeka,

³⁶ Shaaraim, Adithaim, Gadera, kiimaq Gaderothaim: tlotli chela roqshi ri blai kiimaq kra tro na chela aran setiim thun kiimin romshaq.

³⁷ Kiimaq arthun chela armin riito: Jenan, Hadashah, Migdalgad,

³⁸ Delean, Mijpa, Joktheel,

³⁹ Lakhish, Bajkath, Eglon,

⁴⁰ Kabbon, Lahmam, Chitlish,

⁴¹ Gederoth, Bethdagon, Naama, kiimaq Makkeda riito: tlotli chela roqshi ri trok. Kiimaq arthun chela tro binjü wa chela aran setiim kriimin romshaq.

⁴² Kiimaq arthun chela armin riito: Libna, Ethar, Ashan,

⁴³ Iphta, Ashna, Nejib,

⁴⁴ Keila, Akhjib, kiimaq Maresha chela riito: tlotli chela tiikaü riito. Kiimaq arthun chela tro binjü wa chela aran setiim kriimin romshaq.

⁴⁵ Kiimaq Ekron chela nai kra tro wa chela aransetiim nai hiqshong thun kriiri,

⁴⁶ kiimaq Ashdod chela thotho binjü na chela thun nai hiqshong thun kiimin romshaq na, Ekron chela maq riita Mediterenian Khamjong kii na saüli.

⁴⁷ Kiimahali Ashdod nai Gaja chela kriimin kra tro binjü wa chela aran setiim thun nai hiqshong thun kriimin nong romshaq raüta Ejip mung rai hiqtrai na jüraise kiina saüli kiimaq Mediterenian Khamjong kii na saüli riito.

⁴⁸ Ku akin wang binjü na arthun chela ara riito: Shamir, Jattir, Soko,

⁴⁹ Danna, Kiriath Sephar, (riimakla, Debir),

⁵⁰ Anab, Eshtemoa, Anim,

⁵¹ Goshen, Holon, kiimaq Gilo riito: chela roqshi ri ashi kiimaq kra tro binjü wa, chela aransetiim thun kiimin romshaq.

⁵² Kiimahali Arab, Duma, Eshan,

⁵³ Janim, Beth Tappua, Apheka,

⁵⁴ Hamtah, Hebron, kiimaq Jior chela thun ara riito: chela tiikaü riito. Kiimaq arthun tro binjü wa chela aransetiim thun kriimin romshaq.

⁵⁵ Kiimahali, Maon, Karmel, Jiph, Jutta,

⁵⁶ Jejreel, Jokdeam, Janoa,

⁵⁷ Kain, Gibea, kiimaq Timna thun riito: chela roqshi riito. Kiimaq kra thun tro binjü wa chela aran setiim thun kra romshaq.

⁵⁸ Kiimahali, Halhul, Bethjur, Gedor,

⁵⁹ Maarath, Bethanoth, kiimaq Eltekon chela thun riito: chela trok. Kiimaq kra thun tro binjü wa chela aransetiim romshaq riito.

⁶⁰ Kiimahali, Kiriath Baal (riimakla Kiriath Jerim) kiimaq Rabba riito: chela ani. Kiimaq kra thun tro wa chela aransetiim kra romshaq.

⁶¹ Kiimaq kumtsaiphii wang kiiniika, Beth Araba, Middin, Sekaka,

⁶² Nibshan, Shum chum chela, kiimaq Engedi chela thun riito: chela trok riito. Kiimaq kra thun tro wa chela aransetiim kra romshaq.

⁶³ Shatmaq, Juda phan raq Jerusalem na siti Jebusaiqnok ka jobaiqlot mak dea riito. Kra ningkhan, Jebusaiqnok ka ümchaü niitaq Juda phan rai kiijiili sidamtlo.